Pas Avni Rustemit, Ilir Meta i "fiksuar" me Vasil Laçin! Mban ceremoni 5 muaj pas dekorimit dhe bën thirrje për frymëzim nga atentatori i Viktor Emanuelit III

Ilir Meta ka zgjedhur sot të mbajë ceremoninë e dekorimit të Vasil Laçit, edhe pse dekreti u bë i ditur që në 31 dhjetor 2019.

Atentatori i mbretit italian Viktor Emanueli III ka marrë pas vdekjes “Dekoratën e Flamurit Kombëtar”. Ai u ekzekutuar pas atentatit të dështuar në vitin 1941.

Por për Ilir Metën, Laçi tregoi se liria është gjëja më e çmuar dhe se ajo duhet mbrojtur me çdo kusht,

Fjala e plotë:

“Sot me rastin e 79-vjetorit të kalimit në përjetësi të Heroit të Popullit, Vasil Laçi, kam nderin t’i akordoj Dekoratën më të lartë në Republikën e Shqipërisë, atë të Flamurit Kombëtar.

Një djalosh nëntëmbëdhjetë vjeçar, i shtyrë vetëm nga liria dhe atdhedashuria kreu një akt heroik e vetëflijues që do mbetej në historinë e popullit shqiptar si simbol i qëndresës dhe i rezistencës ndaj pushtimit dhe tiranisë.

I veshur me kostum kombëtar shqipëtar ai i tregoi pushtuesve, kuislingëve vendas dhe mbarë botës se populli ynë nuk i nënshtrohet kurrë asnjë armiku, të jashtëm apo të brendshëm.

Se liria është gjëja më e çmuar për ne! Se ajo mbrohet me çdo akt e sakrificë.

Vasil Laçi nuk ishte i shtyrë nga ideologjitë e kohës.

Por, diçka tjetër shumë më e madhe dhe më e fortë e shtyu Vasilin të kryente atë akt patriotik.

Ky ishte vetëm ideali dhe ndjenjat e krenarisë kombëtare.

‘E bëra për Shqipërinë!’ tha ai gjatë torturave dhe përpara ekzekutimit.

Një guxim i tillë i dha zemër një populli të tërë dhe shërbeu si frymëzim për Lëvizjen Anti-fashiste Nacional Çlirimtare, duke sjellë çlirimin e vendit dhe lirinë e popullit tonë nga pushtuesit.

Madhështia e vërtetë e gjestit të tij është se ai u mëson brezave edhe sot që një njeri i vetëm mund të kontribuojë për të dhënë një mesazh të madh dhe frymëzues.

Se çdo individ i thjeshtë mund të bëjë pjesën e tij në luftën kundër pushtimit dhe çdo lloj tiranie.

Se një zjarr patriotizmi në zemrën e një njeriu të thjeshtë mund të sjellë një dritë të madhe në terrin e shtypjes, pushtimit dhe sundimit të një populli.

Një shqiptar zemërluan tronditi një nga perandoritë më të mëdha të kohës.

Vasil Laçi mbetet hero edhe i ditëve të sotme. Duke i kujtuar brezave se liria nuk dhurohet por fitohet.

Se çdo formë tiranie kërkon qëndresë, reagim individual por edhe kombëtar.

Një popull që harron të kaluarën nuk e gjen dot rrugën për të ardhmen e tij për liri.

Ndaj edhe ne duhet të edukojmë më shumë brezat e rinj mbi historinë e heronjve tanë që ata të mësojnë dhe kuptojnë se sa e shtrenjtë ka qenë dhe është liria që ne gëzojmë sot.

Një liri, që nuk u fitua një herë e përgjithmonë dhe që nuk mund kurrë të jetë e tillë, por që duhet ruajtur dita-ditës ndaj çdo forme diktature apo tiranie.

Ndaj çdo regjimi të çdo kohe që shtyp lirinë e fjalës, të mendimit, dhe të drejtave themeltare për të jetuar një jetë të denjë, sovrane dhe me integritet.

Populli shqiptar është një popull i pasur pasi ka në gjirin e vet të rinj e të reja, punëtorë dhe intelektualë, njerëz të zakonshëm të cilët e duan Shqipërinë dhe do përballen gjithnjë kundër çdo tiranie, madje njerëzit e thjeshtë japin shembujt më të mirë kur elitat korruptohen me tiranitë vendase apo të huaja.

‘E vetmja gjë që lejon të keqen të triumfojë është kur njerëzit e mirë vendosin të mos bëjnë asgjë,’ – tha shtetari dhe filozofi britanik Edmund Burke.

‘Rroftë Shqipëria e lirë!’ ishte thirrja e fundit e Vasil Laçit, e cila vazhdon të bëjë jehonë edhe sot.

Ne nderojmë e krenohemi me të gjithë heronjtë tanë, por edhe me njerëzit e thjeshtë të mrekullueshëm, trima e patriotë që ka Shqipëria, të cilët në mbrojtje të lirisë, demokracisë dhe të drejtave të tyre nuk do lejojnë kurrë të shtypen e dhunohen më nga asnjë tirani.

Falë kësaj dashurie për lirinë, shqiptarët nuk do kthehen më kurrë në diktaturë, dhe i madh e i vogël në këtë vend nuk do lejojë instalimin e asnjë regjimi tiranik dhe anti-kombëtar, por ata do ecin përpara krenarë dhe me dinjitet drejtë së ardhmes demokratike dhe evropiane të vendit, një ëndërr lirie e heroit tonë Vasil Laçi, një ëndërr e çdo të riu shqiptar edhe sot e përgjithmonë”.

Aleanca për Teatrin "kap" slloganin e Metës, Budina: Të lidhim Besëlidhjen, do ngulim flamurin kombëtar në shesh

17:51 Politika

Publikoi mesazhin e diplomatit të huaj, Meta: Akt sovraniteti, kambanë alarmi për të gjithë! Tregon paaftësinë e ekspertëve ndërkombëtarë

17:45 Politika

Pas deklaratave të Metës, Kastriot Islami: Po punohet për krijimin e Serbisë së Madhe dhe për destabilizimin e Shqipërisë

17:41 Politika

Agron Duka tregon zhgënjimin e aleatëve nga Basha: Ka marrëveshje mes opozitës dhe PS

16:12 Politika

“Udhëtimi në kohë” i Lulit dhe beteja epike me “Ujkun e Surrelit”

14:34 Politika

Meta presion Bashës: Ujku i Surrelit do të coptojë nëse largohesh nga unë, mos më bë takime me Kim po mbaj anën time

12:19 Politika

Ish ministri i LSI sulmon Yuri Kim: Që të ndihmojmë "ecjen përpara" të Vetting dhe Reformën në Drejtësi ftoj ambasadën e SHBA të fusë si kriter gjuhën angleze

12:04 Politika

Rama: Ia dolëm me sukses ndaj koronavirusit. Pak gjëra kanë ngelur pa hapur, ishallah s’po detyrohemi të kthehemi mbrapa

11:26 Politika

Lulzim Basha: Rama me 5 oligarkët që mban nga pas, janë e keqja e Shqipërisë

11:22 Politika

Rudina Xhunga: Pyetja që nxehu Sali Berishën dhe s’më erdhi për shumë kohë në emision

10:28 Politika