Te fundit
Nga Agim Qirjaqi, Lazer Filipi te Albert Verria: Disa nga rrugët e Tiranës marrin emrat e aktorëve të njohur
1 Qershor 2020, 21:13Sociale
TEMA
Kryebashkiaku Erion Veliaj ka vlerësuar disa prej figurave që kanë lënë gjurmë në jetën artistike të kombit tonë, duke u vendosur rrugëve të qytetit emrat e aktorëve të mëdhenj. Në listën e miratuar nga Këshilli Bashkiak, disa prej rrugëve në kryeqytet do të mbajnë emrat e ikonave të Teatrit dhe të Kinematografisë shqiptare si Lazër Filipi, Agim Qirjaqi, Albert Verria, etj, një vlerësim ky jo vetëm për punën e tyre, por edhe për tërë komunitetin e artistëve.
Një tjetër emër që spikat është ai i Artan Minarollit, që ka lënë gjurmë si regjisor në mjaft filma. Një nga rrugët do të mbajë edhe emrin e aktores që mban titullin “Artiste e Merituar” Antoneta Papapavlit, që ka interpretuar mbi 50 role në Teatrin Kombëtar, ka mbi 20 vjet karrierë artistike, si dhe në 16 role në filmin artistik shqiptar, ku veçohen rolet e Afrovitit te “Karnavalet e Korçës”, Cuca te “Cuca e maleve”, Drita te “Drita”, Mara te “Toka jonë” etj.
Gjithashtu dhe Ferial Alibali, një nga aktoret e para të skenës profesioniste të vendit tone do të ketë një rrugë që do të mbajë emrin e saj. Me mbi 50 role në skenë, Alibali është vlerësuar nga Bashkia e Tiranës për interpretimin magjik në teatër dhe në filmat artistik.
Bashkia e Tiranës ka vendosur të nderojë dhe aktoren Esma Agolli e cila ka luajtur shumë role në teatër dhe kinematografi, por rolet që spikasin janë te Mysafiri (1979), zonja Neriman te filmi Përtej mureve të gurta (1979), te Fëmijët e saj (1957), etj. Agolli mban titullin “Artiste e Merituar”.
2 komente në “Nga Agim Qirjaqi, Lazer Filipi te Albert Verria: Disa nga rrugët e Tiranës marrin emrat e aktorëve të njohur”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
shume mire qe keni nderuar aktoret e shquar shqiptare, Bravo.
Une do te deshiroja qe te vazhdohet me emra te tjere artiste shqiptare te rangut kombetar e nderkombetar si psh Bekim Fehmiu, Nexhmie Pagarusha, por edhe me figura te shquara si Aristidh Kola, At Stath Melani etj,
Shume mire ka bere, sepse kane qene aktore te shkelqyer! Por, pertej fushes se aktrimit, sa e sa artiste te talentuar ka pasur dhe qe kane lene pas vepra te vyera dhe ndaj te cileve nuk flitet shume, edhe per faktin e thjeshte, se, duke mos qene aktore, portretet e tyre nuk jane ngulitur ne mendjen e njerezve, Nuk e di, p,sh, te kete ndonje rruge me emrin e Frederik Rreshpjes, ketij liriku te madh e te harruar per se gjalli!!! Po. sa e sa njerez te perkushtuar e te talentuar ka pasur ne fushat e inxhinierise, agronomise, arsimit etj.etj.??!! Apo, ”Ha binish mish”, sic thoshte Nastradini. M.q.s. disave ua ben te njohur fytyrat ekrani, e kemi me te lehte t’ia mbushim mendjen miletit per t’i nderuar!