Te fundit
Humb jetën edhe një tjetër pacient në Spitalin Infektiv, Ministria e Shëndetësisë: U prek nga koronavirusi, kishte dhe disa sëmundje të tjera
5 Qershor 2020, 23:05Sociale
TEMA
Një tjetër i moshuar ka gjetur vdekjes si pasojë e koronavirusit.
Ministria e Shëndetësisë bëri me dije se bëhet fjalë për 85 vjeçare nga Tirana, e cila kishte disa sëmundje shoqëruese.
85-vjeçarja është viktima e 34 e COVID-19 në Shqipëri.
Njoftimi:
COVID19, Ministria e Shëndetësisë
Ndërron jetë në spitalin infektiv 85-vjeçarja me COVID19, kishte sëmundje bashkëshoqëruese
Mbrëmjen e sotme ka ndërruar jetë në spitalin Infektiv një paciente 85-vjeçare nga Tirana, e konfirmuar me COVID-19.
E moshuara e cila vuante nga insuficiencë kardiake kronike, fibrillacion atrial dhe hipertension, referuar shërbimit infektiv, ndërroi jetë si pasojë e dekompensimit progresiv kardiak dhe pulmonar fatal nga COVID19.
85-vjeçarja me inicialet H.K, nuk arriti dot të mbijetonte, pavarësisht mjekimit intensiv dhe përpjekjeve të stafit mjekësor.
85-vjeçarja është viktima e 34 e COVID-19 në Shqipëri.
Ministria e Shëndetësisë i shpreh ngushëllimet familjes së të ndjerës dhe apelon edhe një herë qytetarët të respektojnë rregullat e distancimit social, të shmangin grumbullimet dhe të ruajnë higjienën vetjake, për të mbrojtur veten dhe të tjerët.
Lini një Përgjigje
Më të lexuarat
24 oret e fundit
Javen e fundit
Blog Tema
