Te fundit
Inspektorati i të dhënave në Norvegji ndalon përdorimin e aplikacionit që “gjurmon” COVID-19
15 Qershor 2020, 17:57Bota
TEMA
Inspektorati i të dhënave të Norvegjisë ka ndaluar përdorimin e një aplikacioni të shëndetit publik për të kontrolluar përhapjen e COVID-19 mbi shqetësimet për mbrojtjen e të dhënave.
Aplikacioni Smittestopp “mbledh shuma të mëdha të informacionit personal për ata që përdorin aplikacionin, duke përfshirë të dhëna të vazhdueshme për vendndodhjen dhe informacione në lidhje me kontaktin e përdoruesve me të tjerët”, tha Autoriteti Norvegjez për Mbrojtjen e të Dhënave në një deklaratë të hënën.
Aplikacioni u krijua për të përdorur si GPS ashtu edhe Bluetooth për të gjurmuar lëvizjet e njerëzve për të përcaktuar efektet e distancimit social dhe me kë përdoruesit futen në kontakt. Informacioni i mbledhur më pas ruhet për 30 ditë.
Instituti i shëndetit publik të Norvegjisë tha se vendimi për të ndaluar përkohësisht aplikacionin do të “dobësojë një pjesë të rëndësishme të gatishmërisë sonë” dhe do të zvogëlojë aftësinë e agjencisë për “të luftuar përhapjen e vazhdueshme të infeksionit”.
Aplikacioni ishte testuar në tre komuna dhe deri më 3 qershor, ishte shkarkuar 1.6 milion herë me afro 600,000 përdorues aktivë.
Ashtu si aplikacionet për përcjelljen e koronavirusit në shumë vende të tjera, aplikacioni paralajmëron njerëzit që kanë qenë në kontakt me një rast të konfirmuar të COVID-19.
Lini një Përgjigje
Më të lexuarat
24 oret e fundit
Javen e fundit
Blog Tema
