Situatë alarmante në vend: 69 të infektuar me Covid-19 brenda 24 orëve të fundit, shifra më e lartë deri tani

Ministria e Shëndetësisë bën me dije se situata e Covid-19 në Shqipëri është përkeqësuar, pasi rastet janë shtuar.

Vetëm gjatë 24 orëve të fundit janë regjistruar 69 raste, nurmër rekord që nga zbulimi i koronavirusit në vendit tonë.

Shpërndarja gjeografike e të identifikuarve pozitivë gjatë 24 orëve të fundit është si vijon: Tirana 28 të prekur, 16 në Shkodër, 8 raste pozitive në Krujë, 6 në Vlorë, 5 në Durrës, 2 në Elbasan, dhe nga 1 rast në Kamëz, Mallakastër, Pukë dhe Lushnje.

Prej ditësh tashmë po regjistrohen shifra të larta, si 42, 44, 48 apo 57 si ditën e djeshme.

Ndërkohë një deklaratë të mëparshme Ministria e Shëndetësisë nisur nga fakti se po zbulohen raste pozitive në disa ndërmarrje, subjekte tregtare apo institucione të ndryshme publike dhe private, rekomandon bizneset, institucionet, kompanitë, kudo ku është e mundur puna nga shtëpia, të nxisin këtë mënyrë alternative për të frenuar përhapjen e Covid19.

Deklarata e Ministrisë: 

Gjatë javës së fundit ka rezultuat rritje e numrit të rasteve të identifikuara pozitive, ka një rritje të të shtruarve në spital por qëndrueshmëri sa i takon fataliteteve. Kjo rritje lidhet me uljen e vigjilencës dhe moszbatimin e rregullave të përcaktuara nga autoritetet shëndetësore.

Por duhet theksuar se kjo periudhë nuk mund të krahasohet me periudhën e pikut nën efektin e masave të karantinës, për vetë faktin se kemi kohë më të gjatë ekspozimi dhe numër më të lartë kontaktesh gjatë aktiviteteve rutinë të ditës, ku aktualisht 97 % e subjekteve janë në aktivitet.

Për këtë arsye, duhet kujdes i shtuar për zbatimin e rregullave.Kanë vijuar me intensitet testimet në Laboratorin e Virologjisë në ISHP. Gjatë 24 orëve të fundit janë kryer 319 testime për të dyshuar të prekur me Covid19, nga të cilat janë konfirmuar 69 raste pozitive kryesisht në ndërmarrje dhe aktivitete biznesi, kontakte të rasteve te konfirmuara më herët pozitive, të identifikuara nga gjurmimi dhe hetimi epidemiologjik, si dhe raste te reja.

Shpërndarja gjeografike e të identifikuarve pozitivë është si vijon: Tirana 28 të prekur, 16 në Shkodër, 8 raste pozitive në Krujë, 6 në Vlorë, 5 në Durrës, 2 në Elbasan, dhe nga 1 rast në Kamëz, Mallakastër, Pukë dhe Lushnje.

Ndërkohë që janë në hetim disa raste të reja në Tiranë, Shkodër, Vlorë, Elbasan, Kamëz dhe Durrës.

Gjatë 24 orëve të fundit janë shëruar 11 qytetarë mes të cilëve 2 personel shëndetësor, duke e çuar numrin e të shëruarve që nga fillimi i epidemisë në 1055.

Aktualisht në spitalin infektiv po marrin shërbim 50 pacientë, 7 prej tyre janë në terapi intensive dhe një i intubuar. Mosha mesatare e rasteve të hospitalizuara është 60 vjeç, mbi 60 % e tyre janë nga Tirana.

Në vendin tonë janë aktualisht 499 persona aktivë me COVID19, kryesisht në Tiranë, Shkodër, Krujë.

Nisur nga fakti se ditet e fundit po zbulohen raste pozitive në disa ndërmarrje dhe subjekte tregtare, Ministria e Shëndetësisë dhe Mbrojtjes Sociale i bën thirrje edhe njëherë bizneseve, të zbatojnë me korrektësi protokollet e sigurisë në punë: të dezinfektojnë ambientet, të kryejnë ajrosjen rregullisht, të përdoren maskat apo barrierat mbrojtëse në çdo subjekt shërbimi për qytetarët, siç e përcaktojnë protokollet e autoriteteve shëndetësore.

Çdo shkelje do të konsiderohet me rrezik për shëndetin e qytetarëve dhe si e tillë do të ndëshkohet sipas ligjeve në fuqi.

Ministria e Shëndetësisë dhe Mbrojtjes Sociale apelon për vetëndërgjegjësim nga qytetarët që të jenë të kujdesshëm në zbatimin e masave të vendosura:

Kur dilni, qendroni në distancë fizike prej të paktën 1.5 metër, lani duart, përdorni maska ose barriera mbrojtese kur nuk mund te ruhet distanca fizike, dezinfektoni objektet dhe ajrosni ambientet ku qendroni.

Lidhuni me mjekun tuaj të familjes nëpërmjet linjës së gjelbër 0800 40 40 për barnat me rimbursim apo pyetje në lidhje me Covid19. Nëse keni shenja të sëmundjes, qëndroni të izoluar dhe telefononi Urgjencën Kombëtare, 127.

COVID-19 – Statistika (15 Qershor 2020)

Testime totale                         20813

Raste pozitive                          1590

Raste të shëruara                      1055

Raste Aktive                             499

Humbje jete                              36 (Qarku Tiranë 21, Durrës 7, Fier 4, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:

Tiranë           249

Shkodër         6

Krujë               63

Kamëz            27

Durrës            25

Vlorë                21

Lushnje             13

Pukë                11

Elbasan           6

(TemA)

Kryeparlamentari Gramoz Ruçi mesazh ngushëllimi: Moikomi, erudit i rrallë, enciklopedi e gjallë

09:29 Sociale

Njoftimi i ambasadës tonë: SHBA nis fluturimet me Shqipërinë

09:16 Sociale

Rama publikon videon me punimet në rrugën e Arbrit: Brenda muajit asfaltohen 10 km të para, të punësuar 500 persona

08:54 Sociale

VIDEO / Flet Alba, vajza e Vittorio Sgarbi-t që e shpëtoi nga mbytja në Palasë

08:30 Sociale

Ndahet nga jeta Moikom Zeqo, shkrimtari dhe studiuesi i njohur

08:00 Sociale

Koronavirusi, biologu Ruka: Kemi rritje me 29% të të sëmurëve, pritet përkeqësim

19:25 Sociale

Rikthehen martesat si qëmoti: Emigrantët i besojnë më shumë një mblesi për të gjetur nuse se rrjeteve sociale, ja vajzat e qyteteve që kanë më shumë kërkesa

19:06 Sociale

REPORTAZHI/ ‘As gëzuar nuk bëmë dot’, sakrifica e besimtarëve myslimanë në Ramazanin e pazakontë

17:12 Sociale

“Duhet një revolucion komunikimi në familje”, pedofilia, çrregullim që të çon në krim

17:08 Sociale

15 të rinj përfundojnë praktikën e punës në Bashkinë e Tiranës, Veliaj: Bëhuni zëdhënës të Shqipërisë së mirë

13:27 Sociale