Te fundit
“Një luftë ping pongu”, Kryetari i Prishtinës: Marre është me vdek më shumë njerëz nga papërgjegjësia
5 Korrik 2020, 15:39Rajoni
TEMA
Kosova ditët e fundit ka parë një shtim të ndjeshëm të rasteve të reja me Covid-19.
E sa i përket kësaj çështje të vështirë të krijuar nga pandemia në Kosovë, kryetari i Komunës së Prishtinës, Shpend Ahmeti, ka reaguar pas rritjes së rasteve të reja ditën e sotme.
Përmes një postimi në rrjetin social Facebook Ahmeti tha se qëllim i çdo shteti, që nga fillimi i pandemisë, ka qenë ngadalësimi i përhapjes së saj.
Ndër të tjera ai ka thënë se një pjesë të përgjegjësisë e kanë edhe qytetarët, për shkak se nuk kanë respektuar masat. Ahmeti thotë se me lehtësimin e masave, në të gjitha shtetet ka pasur shtim të rasteve me koronavirus.
Ndër të tjera ai ka thënë se nëse kjo është një luftë luftë ping pongu në mes të qeverisë e opozites (keqmenaxhimi vs, papërgjegjësia me protesta) atëherë përnime qytetarëve i mbeten vetëm maskat, dhe jo zbatim të masave të tjera.
Postimi i plote i Ahmetit:
Prej fillimit, çdo shtet vetëm një qëllim e ka pas – ngadalësimin e përhapjes në mënyrë që sistemi me pas mundësi me u përball me virusin që nuk e njeh.
Në fillim, masat ishin më të rrepta derisa u kuptua pak më mirë virusi dhe deri sa sistemet shëndetësore kishin mundësi të riorganizohen dhe furnizohen për tu përball deri në hapjen e ekonomive.
Edhe sot qëllimi është i njejtë, të ngadalësohet përhapja që mos të ketë më shumë pacientë se sa kapacitete. Pra 200 të shtrirë në QKUK është e menaxhueshme, 1200 JO.
Një pjesë bazohet në përgjegjësinë e qytetarëve. Distanca dhe maskat nuk e vrasin virusin, por e ngadalësojnë përhapjen. Vdekjet do të ndodhin dhe çdo jetë është e vlefshme.
Por dallon vdekja nga sëmundja nën përkujdesin e mjekut dhe me kushte, nga vdekja pse dikush nuk ka pas krevat, oksigjen e mjekë.
E në atë drejtim po shkojmë. Ka dallim në mes të fazes së mbylljes dhe fazes se hapjes. Këtë mund ta shohim në krejt shtetet ku nuk është ndërru qeveria, por është hapur shoqëria.
Pra, janë shtuar rastet. Mjafton të shohim Serbinë, Kroacinë, Maqedoninë e Shqipëri.
Por ajo që po mungon në Kosovë janë informata, strategjia, dhe skenaret e ndryshme. Dhe kur nuk i ke informatat, politikat ose mungojnë ose nuk janë të bazuara në informatë. Politika të tilla janë ad-hoc.
Politikat ad-hoc nuk e kanë efektin e duhur dhe lënë hapësirë edhe për tu sulmuar edhe për tu keqinterpretuar. Por më së keqi kanë pasoja në shëndet.
Ende jemi me 300 teste në ditë, ende nuk kemi profil të komplikimeve dhe ende nuk kemi studim epidemiologjik të zhvillimit të semundjes në Kosovë.
Plotë gjana mund të bëhen pa u kthy masat e plota restriktive. Shtimi i numrit të infektimeve janë pasojë normale e hapjes, rrjedhimisht edhe shtimi i infektimeve të personave të rrezikuar.
Rrjedhimisht edhe vdekjet nga Covidi janë shtuar. Por, numri i vogël i testeve nuk është pasojë.
Mungesa e hulumtimeve ku marrin pjesë edhe institucionet private nuk është pasojë e hapjes.
E të tjera, e të tjera. Askush nuk pret nga qeveria të jenë ekspertë të luftes ndaj covidit.
Por po ashtu presim qê disa çeshtje të adresohen. Në qoftë se kjo është luftë ping pongu në mes të qeverisë e opozites (keqmenaxhimi vs, papërgjegjësia me protesta) atëherë përnime qytetarëve i mbeten vetëm maskat.
Nuk është marre me kërku ndihmë qeveria, e as nënshtrim me i ndihmu dikush nga opozita. Marre është me vdek më shumë njerëz për shkak se nuk keni bërë dicka që e keni ditur se duhej bërë.
P.S. FALENDERIMI EDHE ME TUTJE I SHKON MJEKËVE E PERSONELIT SHËNDETËSOR QË JANË LODH E STËRLODH, KANË RREZIKUAR VETEN E FAMILJET DHE VAZHDOJNË. MOS TI SHKOJ MENDJA DIKUJT ME I FAJËSU ATA PËR SITUATEN.
1 komente në ““Një luftë ping pongu”, Kryetari i Prishtinës: Marre është me vdek më shumë njerëz nga papërgjegjësia”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Shpendit nuk mundet kush me kuptu, sa ishim me karantine ky thojke hiqeni karantinen se ekonomia kolapsoi, e kur u hiq karantina thojke pse u hoq karantina se u rriten rastet. A ka kush me i ra ne fije ketij dashi?