Te fundit
Vuçiç: Do të kemi vaksinën kundër COVID-19 deri në fund të vitit
15 Korrik 2020, 14:42Rajoni
TEMA
Presidenti i Serbisë, Aleksandar Vuçiq, tha se vendi i tij po zhvillon bisedime me një vend, që, siç tha, e ka përfunduar vaksinën kundër sëmundjes që e shkakton koronavirusi, COVID-19, dhe që “ua jep atë popullatave të rrezikuara”.
“Shpresojmë se para fundit të vitit mund ta kemi atë vaksinë. Do të ishte shpëtim për Serbinë dhe ekonominë tonë”, tha Vuçiq, transmeton Shërbimi i Ballkanit i Radios Evropa e Lirë.
Vuçiq nuk tha se për cilin vend bëhet fjalë. “Së shpejti do ta nënshkruajmë protokollin për bashkëpunim, por nuk mund t’ju them se cili vend është”, tha Vuçiq, duke iu përgjigjur gazetarëve në Beograd.
“Do të shohim që Serbia të jetë ndër 30 vendet e para që do ta marrë atë vaksinë”, shtoi ai.
Dhjetëra vaksina kundër COVID-19 janë në faza të ndryshme të testimit në gjithë botën.
Firma bioteknike amerikane Modernatha të martën se vaksina e saj eksperimentale kundër COVID-19, ishte e padëmshme dhe nxiti përgjigje imune te të 45 vullnetarët e shëndetshëm, që morën pjesë në një studim të fazës së hershme.
Qeveria e Shteteve të Bashkuara e mbështet vaksinën e Modernas, e cila së shpejti do të hyjë në fazën e fundit të testimit klinik.
Moderna tha se synon të regjistrojë rreth 30,000 njerëz për testimin e fazës së tretë që nis më 27 korrik.
Anthony Fauci, drejtor i Institutit Kombëtar të SHBA-së për Alergji dhe Sëmundje Infektive, ka shprehur “optimizëm të kujdesshëm” se së paku një vaksinë do të mund të zhvillohet deri në fund të këtij viti apo në fillim të vitit 2021.
3 komente në “Vuçiç: Do të kemi vaksinën kundër COVID-19 deri në fund të vitit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hahahahaha me rusin e qelbur e ka ky hahahahah ha mute o vicic leshi o kriminel i sllabodanit
Me perpara eshte KinaEdheqeveriaRamaduhettakerkoje
Shteti sekret i këtij loqes është Kina.
Vëllezërit komunistë do marin virusin së bashku dhe do shpëtojnë.