Te fundit
Covid-19, Johnson: Britania do të kthehet në “normalitet” nga mesi i nëntorit
17 Korrik 2020, 14:29Bota
TEMA
Kryeministri britanik, Boris Johnson, tha se Mbretëria e Bashkuar do të kthehet në një “normalitet domethënës” nga mesi i nëntorit.
Ky vend është aktualisht ndër më të prekurit në botë nga koronavirusi: me mbi 294,000 të infektuar dhe mbi 45,000 viktima.
Duke folur në një konferencë për media në Londër, Johnson shprehu besimin se familjet do të jenë në gjendje të mblidhen rreth pemës së Krishtlindjeve, në dhjetor.
“Kjo nuk është një periudhë e rëndësishme vetëm për familjet, por edhe për ekonominë e Mbretërisë së Bashkuar dhe miliona njerëz që punojnë në sektorë me të ardhura modeste”, tha Johnson.
“Ne shpresojmë për më të mirën, por planifikojmë për më të keqën”, tha ai, për të shtuar se plani mbetet “i kushtëzuar”.
Johnson tha se “sekreti i vërtetë” i luftimit të koronavirusit është “veprimi kolektiv i popullit britanik”.
Sipas të dhënave të Universitetit Johns Hopkins, koronavirusi ka prekur mbi 13.8 milionë njerëz në gjithë botën.
Prej tyre, mbi 590,000 kanë vdekur dhe mbi 7.7 milionë janë shëruar.
Mbretëria e Bashkuar është e treta në botë për nga numri i viktimave, pas Shteteve të Bashkuara dhe Brazilit.
Vetë Johnson ka qenë i infektuar me koronavirus dhe pas disa ditësh mjekimi intensiv është shëruar.
1 komente në “Covid-19, Johnson: Britania do të kthehet në “normalitet” nga mesi i nëntorit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po u thote njerezve te administrates qe punojne nga shtepia qe te kthehen ne zyre, por ata nuk degjojne.Hallin e ka se ne zonen e Sitit( City), aty ku kompanite me te medha kane selite e tyre, nuk ka kembe njeriu dhe bizneset e fast foodeve dhe kafenete po falimentojne, se ishte kjo ushtri qindramijera njerezish qe mbante gjalle keto biznese. Keta o kane rene rehat ose vertet u ka hyre frika ne palce. Edhe shefi qe drejton situaten e KOVIDIT. Wallace dhe qe ishte per imunizimin e tufes ne fillim, edhe ai po e inkurajon Borisin qe ti lere njerezit te punojne nga shtepia.