Te fundit
Avokatët e biznesmenit deklaratë për media: Zoti Ylli Ndroqi është me pushime në jug por s'është rrezikuar nga mbytja në det. Po i bëjnë presion me lajme të pavërteta
13 Gusht 2020, 16:36Kronika
TEMA
Avokatët e biznesmenit Ylli Ndroqit kanë dalë me një deklaratë për media ku bëjnë me dije se klienti i tyre ndodhet me pushime në jug të vendit.
Ata shprehen se ai nuk është rrezikuar nga mbytja në det dhe se gëzon shëndet të plotë.
Avokatët gjithashtu thonë se sipas tyre akuzat për lidhjet me terrorizmin nuk qëndrojnë dhe se ndaj tyre po bëhet presion.
Ndër të tjera ata deklarojnë:
“Disa prej portaleve të cilat së fundmi janë hedhur me presione dhe shantazhe ndaj gjykatës dhe prokurorisë për të dalë me vendim në dëm të Z Ndroqi, kane dhënë sot shpifjen e rradhës.
Jemi detyruar të dalim sot në një deklaratë pas shpifjes së rradhës, se z Ndroqi ka qenë në rrezik për jetën teksa është me pushime në Jalë.
Sipas ligjit Z. Ndroqi prej ditësh nuk qëndron pranë televizionit i cili është në sekuestro të shtetit teksa ia ka lënë çështjen në dorë të drejtësisë ndaj të cilës ka vetëm një kërkesë: Të vendosë konform ligjit!
Z. Ndroqi së bashku me familjen është me pushime në jug të vendit dhe asgjë çfarë shkruhet në portalet e keqpërdorura, apo të paguara nuk është e vërtetë.
Z Ndroqi per asnje rast nuk i eshte rrezikuar jeta nga mbytja. Duke qetësuar të afërmit dhe miqtë, deklarojmë se kë është nje fabrikim i turpshëm nga një portal që shpifjen e ka bazë të punës, dhe është përballur disa herë në gjykatë me padi, për shpifjet e tij. Ky publikim do të shërbejë për padinë e radhës.
Po ashtu kemi vënë re se ditët e fundit në disa portale kanë qarkulluar informacione të pavërteta që kanë si qëllim lidhjen e Z. Ylli Ndroqi President i “Yldon Media Group” me terrorizmin.
Të gjitha këto informacione të publikuara nga 3 portale, nuk paraqesin lajme me fakte prova e dokumente, por spekulojnë me aludime apo komente të qëllimshme.
Konstatojmë se postimet e publikuara në këto portale kanë thënie të pavërteta për shkak se Z.Ylli Ndroqi nuk ka kryer ndonjë prej veprave që atij i atribuohen ne keto shkrime.
Lajme të tillë spekuluese kanë qëllim krijimin e një tymnaje në publik duke tentuar ta legjitimojnë sulmin politik ndaj RTV Ora dhe Ora News.
Postimet e bëra në këto portale kanë si qëllim të vetëm shantazhimin e prokurorëve dhe gjyqtarëve që të mos japin një vendim të drejtë dhe të mbështetur në fakte dhe për pasojë synojnë vetëm të krijojnë konfuzion si dhe të pengojnë drejtësinë që të veprojë.
Z.Ylli Ndroqi në përfundim të procesit gjyqësor të ngritur nga SPAK dhe ndaj të cilit pritet vendimi i Gjykatës së Apelit kundër Krimit të organizuar dhe Korrupsionit, do të adresojë pranë organeve kompetente të drejtësisë edhe të gjitha portalet të cilat në mënyrë të qëllimshme publikojnë informacione të pavërteta. Këto portale do të përballen në gjykatë si per shpifje ashtu edhe me padi civile për dëm pasuror dhe jo pasuror.
Vëmë në dukje se deri më tani nuk ka një vendim ndaj Z. Ndroqi, por kemi të bëjmë me një sekuestro preventive me kërkesë të prokurorisë, si pjese e nje hetimi pasuror dhe jo ndaj indidividit per ndonje veper penale. Jemi në momentin që Z. Ylli Ndroqi ende nuk është dëgjuar si palë nga organet e drejtësisë, pasi vendimi është marrë në bazë të kërkesës së organit të akuzes.
Kërkesa është bazuar vetëm në dyshime të mbështetura në indicie dhe jo në prova. Vendimi është marrë në dhomë këshillimi, pa praninë e palës së cilës i sekuestrohen pronat, dhe pa pasur mundësi që kjo e fundit të paraqëse provat e saj për të kundërshtuar dyshimet e organit të akuzës.
Sa më sipër konkludojmë se sulmi është me prapavijë të menduar politike dhe qëllimi është i qartë: Shantazh ndaj prokurorisë dhe gjykatës për ti shkuar deri në fund mbylljes së dy televizioneve Ora dhe Ora News”, deklarojnë avokatët. (TemA)
10 komente në “Avokatët e biznesmenit deklaratë për media: Zoti Ylli Ndroqi është me pushime në jug por s’është rrezikuar nga mbytja në det. Po i bëjnë presion me lajme të pavërteta”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
kujt i plasi cfare ben ky rrot kari xhemal pasmaciu?
Po xhemali kunati mones cthote dulla pej arabie ja shite saliu.
Cdo shpifje duhet te cohet perpara drejtesise
Po shpifjet pa fund te TV te Pasmaciut cili do ti gjykoje????Nga mengjezi deri ne fund te orarit dy TV e Pasmaciut nepermjet rrugaceve drejtues programesh si Zheji Meco Lubonja etj vetem shpifin shpifin shpifin dhe deri tani nuk kemi pare njeri perpara drejtesise
Shqiperia eshte vendi ku mediat jo vetem jane te lira por jane cmendurisht te lira te fuqishme te pakrahasueshme me asnje shtet ne bote Kur shikon vleresimet e organizatave nderkombetare per lirine e mediave ne Shqiperi te vjen te qeshesh me sarkazem Nuk kane idene se cbehet ne Shqiperi
Ju shume mire beni qe e mbroni,se avokate jeni,por nje gje eshte e sigurte:
Keq i ka punet Xhemal Pasdoeqijne!…
Nuk na plasi kari fare për katunarin, dhe mos harxhoni deklaratat.
Ai ka marre fund dhe bashke me kete dhe keta avokatet eshte hetim nderkombetar ka mbaruar eshte drejt burgut
Xhemol katunari
Mbase fjala “mbytje” është thënë me nën kuptim. Është “mbytur” biznesi i drogës.si dhe biznesmeni ka falimentuar. Ky “kumbar” i mafjes, kërkon drejtësi, si duket nuk I pritet sa të shkojë tek shtëpia pa qira. Bëj durim mor burr se do kohë për të pregatitur qelinë.
patjetër që janë lajme të rreme
ka lajm më të vërtëtë sesa “SPAKU duhet të mbërthejë politikanët e korruptuar”?
patjetër që janë lajme të rreme
ka lajm më të vërtëtë sesa “SPAKU duhet të mbërthejë politikanët e korruptuar”?