Te fundit
Debati për mjekët, Bardh Spahija merr në mbrojtje Ilir Metën: Rilindja e Manastirliu thonë 'fajin e ka ende PD'
24 Gusht 2020, 23:43Politika
TEMA
PD, përmes Bardh Spahiut, ka replikuar me ministren Ogerta Manastirliu, lidhur me një raport të OBSH të cituar nga presidenti Ilir Meta lidhur me numrin e ulët të mjekëve në Shqipëri, në raport me popullsinë.
“Në vitin e tetë në pushtet, Ministrja e shëndetësisë paska thënë se fajin e ka qeverisja e demokratëve, për numrin në ulje të mjekëve për banorë në Shqipëri, sipas të dhënave, jo nga PD por nga vetë Organizata Botërore e Shëndetësisë!!!”, thuhet në reagimin e PD.
Më herët Manastirliu tha se presidenti iu referua një raporti të 2016 për të sulmuar qeverinë. Manastirliu thotë se ky problem në të kaluarën erdhi si pasojë e një vendim aburd të qeverisë Berisha-Meta në 2009-2013, ku u bllokuan specialimet e mjekëve të rinj.
Reagimi i plotë i PD:
Në vitin e tetë në pushtet, Ministrja e shëndetësisë paska thënë se fajin e ka qeverisja e demokratëve, për numrin në ulje të mjekëve për banorë në Shqipëri, sipas të dhënave, jo nga PD por nga vetë Organizata Botërore e Shëndetësisë!!!
Po ju cfarë keni bërë në 8 vite moj zonjë? Kujt i tregoni suksese virtuale? Mendon se shqiptarët, që kanë punë në dyert e spitaleve e qendrave shëndetësore, nuk e shikojnë vetë sesi është situata?
Besoni vërtetë, se ka mjekë që do braktisnin vendin e familjet e tyre në Shqipëri, për të nisur gjithcka nga e para në një vend të huaj, nëse do e kishin atë mrekullinë që propagandoni? Cfarë strategjie konkrete keni ju, për frenimin e hemoragjisë së mjekëve, përvec retorikës politike që fajëson opozitën edhe pse jeni në vitin e 8 në pushtet? Me propagandë po e zgjidhni këtë situatë, apo thjesht po rrini duarkryq për turp?
Kaq budallenj i dini mjekët, sa të mos kuptojnë si funksionon sistemi i meritës nën pushtetin tuaj? E panë me zgjedhjet pa alternativa dhe me emra të paracaktuar, edhe në Universitetin e Mjekësisë, njëlloj si në Universitetet e tjera, me ngut e në kohë pandemie!
Zonja ministre, mendon se mjekët kanë kapacitet të ulët për të kuptuar “meritën” që ju propagandoni? Nuk i kuptojnë ata, kërcënimet që u bëhen edhe në këtë kohë pandemie, për të mos treguar realitetin skandaloz në sistemin shëndetësor, me mungesa personeli, barnash e aparaturash, që rrëzon fasadën e turpshme të propagandës, që ndërtoni për ditë me taksat e shqiptarëve?
Besoni vërtetë se personeli mjekësor e vetë shqiptarët nuk e kuptojnë se cfarë u kanë sjellë koncesionet tuaja korruptive e PPP-të sistemit shëndetësor? Nuk e shohin, se si në kohë pandemie ulen shpenzimet për shëndetësinë, duke u cënuar shërbimin që shpëton jetë, por nuk preken koncesionet, të cilat vec mbushjes se xhepave të hajdutëve me pushtet, nuk i kanë sjellë përfitim qytetarëve, e as vetë personelit shëndetësor?
Prandaj Partia Demokratike ka premtuar zhbërjen e koncesioneve korruptive me taksat e shqiptarëve dhe rroga dinjitoze të mjekëve e infermierëve, jo vetëm në kohë pandemie, por në mënyrë të qëndrueshme, që do nisin nga 1200 euro për mjekët e nga 700 euro për infermierët!
Ndryshe nga ju, ne nuk lejojmë që të vazhdoni të mashtroni shqiptarët, por do vazhdojmë të denoncojmë abuzimet e gënjeshtrat tuaja që kushtojnë jetë, edhe pse juve qartazi nuk ju bëhet vonë më për shqiptarët!
3 komente në “Debati për mjekët, Bardh Spahija merr në mbrojtje Ilir Metën: Rilindja e Manastirliu thonë ‘fajin e ka ende PD’”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Nuk besoj se B.Spahija eshte ne gjendje te replikoj me kedo.Thjesht se ai eshte nje budalla deri diku i arsimuar e pa ma te voglin inteligjence njerezore.Fatkeqesia me e madhe e SHKODRES e gjendja krejtesisht e mjerushme ne te gjitha anet e saj,ka te bej me perfaqesuesit e saj ne parlamentin shqiptar e pa pjeter ne drejtimin e Bashkis se Shkodres ne 30 vitet e fundit nga ana partiakeve PD -ist.Ne te gjithe historin parlamentare shqiptare (sot e kto 20 vitet e fundit) perfaqesuesit e Shkodres ne parlamentin shqiptar jane thjeshte me te paaftit e me pak te arsimuare(kan diploma made in “kristal” apo te ngjashme me te-me nje fjale diploma fallco) e patjeter me pak intelektualet e ketij parlamenti.Genjeshtar,mashtruesa,manipuluesa si ato,thjeshte shakllabane si ato.Mjere Shkodra e fatkeqesi e saj per kto parlamentar e jo me te flasesh per PD ku kto hora e shakllabane jane edhe pjestar te keshillave drejtuese te PD.Si mendoni miq: a mund te kete mundesi qe ne PD ka element kaq te paafte qe mund ta perfaqesojne Shkodren apo popullin shqiptar ne parlament? Un mendoi se jo e kjo eshte fatkeqesi kombetare.
Keq vertete se me sa duket nuk po u bie gje ne xhepat tuaja more hajdute ordinere dhe te certifikuar, me ne krye kryehajdutin likja, e sala me kompani. Ndersa sa i perket ketij mender mjekut (ne fakt nuk eshte i tille, por as politikan nuk eshte se nuk behet politike me vdekjen), ai e di mire se faji eshtei i pd dhe kryesisht i tij sepse ka bllokuar pergatitjen e mjekeve te rijn per sistemin, kur dihet mire se mjek nuk behesh per 3 apo 7 vjet, por minimalisht duhet nje 10 vjecar qe te kete mundesi qe nje i ri te pergatitet per te filluar nga puna ne shendetesi, apo jo o gjitholog, djali i nje krimineli dhe vete si i ati kriminel ordiner.
PD do jete fajtore per cdo gje qe ndodh edhe 20 vjet me pas duke nisur qe tani o trangull.Gropa qe keni bere ne kete vend eshte kaq e thelle sa nuk thuhet.Ju prishet njeriun!Duhet kohe te kthehemi ne normalitet.