Te fundit
Rama i uron ditëlindjen Pëllumb Xhufit: Ndiqni shembullin e këtij djaloshi me thinja!
24 Gusht 2020, 11:10Sociale
TEMA
Kryeministri Edi Rama i uron ditëlindjen e 69-të historianit të njohur, Pëllumb Xhufi.
Mes rreshtash, Rama shkruan se Xhufi “është një pikë referimi për historiografinë e ngatërruar mes Perëndimit dhe Lindjes, kontekstualizimin në këto dy botë të gjenezës historike të veçantë dhe përkatësive të shumëfishta të kombit shqiptar”.
Për këtë, kryeministri uron që më të rinjtë në moshë e në rrugën e ndërlikuar të Albanologjisë e të shkencave humane, të mësojnë sa më shumë e ta ndjekin shembullin e këtij djaloshi me thinja.
Mesazhi i Ramës:
#EDHE100?
PËLLUMB XHUFI, që sot mbush plot 69 vjet që nuk duken në portretin e tij prej djaloshi të thinjur, hyn padyshim ndër ata lëvrues të mirë të penës shqipe në lëmin e historisë, të cilët kanë vizatuar me përkushtim e kompetencë të spikatur rrugët e njohjes së të shkuarës së trazuar të këtij vendi.
Ai është një pikë referimi për historiografinë e ngatërruar mes Perëndimit dhe Lindjes, kontekstualizimin në këto dy botë të gjenezës historike të veçantë dhe përkatësive të shumëfishta të kombit shqiptar.
Njohës rigoroz i gjuhëve dhe paleografive të vjetra padyshim, por edhe njohës i ditur dhe vëzhgues i mprehtë i skutave të labirinthit të diplomacisë në gjatësinë e disa shekujve, Pëllumb Xhufi ka aftësinë e spikatur të të treguarit të së shkuarës me gjuhën e të tashmes, përmes një pedagogjie hulumtimi që u jep bashkëkohësve pika referimi për të kuptuar dinamikën e “lojës” diplomatike, sidomos në momentet kur e shkuara ngre krye si aktualitet i debatueshëm.
“Përkthyes” i palodhur i dilemave të Arbërit, Pëllumb Xhufi ka një aftësi mbresëlënëse për të interpretuar rebuset e historive të vogla të Ballkanit, të njerëzve, komuniteteve, ngjarjeve të kohëve shumë të shkuara, duke na e lehtësuar vështrimin përtej mjegullave ballkanike, të cilat vazhdojnë të ushqejnë gjithëfarë gjysëm të diturish e sharlatanësh të mexhelisit të zhurmshëm shqiptar.
Ai di të na e tregojë me goxha saktësi vendin që zënë bijtë e shqipes në historinë e tyre, të historinë e rajonit a të botës me të cilën u përzien, ata më të moçmit e ata më të afërtit me ne në kohë. Dhe më e pakta që mund të thuhet është që kjo nuk është pak, sidomos po të mbash parasysh pazarin e gjullurdisshëm të historiografisë shqiptare të dekadave që pasuan periudhën e gjatë e të zymtë, të historisë së shkruar sipas qejfit nga fitimtarët e Luftës së Dytë Botërore. “Arbërit e Jonit”, “Shekulli i Voskopojës”, “Ikje nga Bizanti”, “Nga Paleologët te Muzakajt”, apo “Skënderbeu: Ideja dhe ndërtimi i Shtetit”, e të tjera akoma, përbëjnë një afresk të hatashëm në kapelën e tempullit të historiografisë shqipe.
E fundit po jo për nga rëndësia, personaliteti i Pëllumb Xhufit, meriton respekt edhe për tiparin e konseguencës qytetare, të cilën as politika aktive ku ai u përfshi për disa vite me instiktin e patriotit dhe me edukatën e shërbëtorit publik, nuk e zhbëri dot. Duke i uruar ditëlindjen dhe duke uruar që të tjera pjesë t’i shtohen afreskut mjeshtëror që ai ka krijuar, uroj me këtë rast që më të rinjtë në moshë e në rrugën e ndërlikuar të Albanologjisë e të shkencave humane, të mësojnë sa më shumë e ta ndjekin shembullin e këtij djaloshi me thinja.
#TëRRALLË
7 komente në “Rama i uron ditëlindjen Pëllumb Xhufit: Ndiqni shembullin e këtij djaloshi me thinja!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Urime te perzemerta dhe 100 i nderuar profesor
eh mer Gelbaze e Njerezimit ??♂️
Cfare ke mor greqir, nuk te ka pelqyer cfare ka shkruar profesori Pellumb Xhufi per Himaren, per Voskopojen… apo per moterqirat grek?
Ka treguar te verteten ne cdo rast.
Dhe ik shko te semafori tani bashke me gjithe femrat grate motrat greke qe te beni leket e gjermanit. Hajde se keni pune per breza te tere derisa ti shlyeni borxhet, nese do mund ti shlyeni ndonjehere ju bythqirat grek rrace jevgjish turk qe faleni ne kishe. Rrace rrotash kari dmth.
Nje urim dhe respekt per profesorin,keta qe te shajne ky qe shkruan me nej emer te gjate duket qe eshte kokra e malokut dhe injorant cope e dukagjinsit,tmeresiasht injorant qe ska lexu asnje liber.dhe per hakmarje te injorances shkruan ne kete menyre
NA PLASI OLSI SE KA DITELINDJEN SIGURIMSI PELLUMB SORRA.MRRNI SHEMBULL THOTE PALLA KARIT,SIKUR FLET ME KALAMAJTE E KOPSHIT.
Urime Profesor Xhufi, edhe 100 e me mëndje të kthjellët.
Po gjej rastin të shpreh disa vlerësime të mijat. Je një ndër njerëzit e pakët që ke zënë vënd në kujtesën time, për dy të vërteta të thjeshta, nivelin e lartë të komunikimit qytetar dhe për perceptimet brilante që i dhuron historisë Shqiptare. Ju konsideroj një njeri me kontribute, dhe shumë të domosdoshëm për kombin tonë të dashur, të bukur, por shumë të vuajtur. Çdo ditë e juaja duhet konsideruar shume e rëndësishme, sidomos për historigrafinë shqiptare. Një komb pa historinë e tijë është i pa vlerë, ju jeni pjesë kryesore e këtij misjoni, sa të vështirë po aq edhe të rëndësishëm.
Historia përbënë një lëmë të përjetshëm, hyjnë shumë për të shirë, hyjnë, dalin, lënë pas produktin, qoftë i mirë apo i keq, që ngel aty nëpër ingranazhet e shekujve. Dikush banditin e quan hero dhe mbush sheshet me të, dikush heroin e quan pa vlerë, fundërin dhe e hedhin në plehra! Prandaj ju konsideroj me shumë vlera profesor Xhufi. Dita tu bëftë njëmijë dhe mëndja qelibar.
100 vjet te BEHESH dhe me shendet Zoti Pellumb Xhufi. Bravo Zoti Kryeminister qe gjete kohe ti urosh ditelindjen.Pellumbit