Krejt papritur, Kina ka një tjetër “armik”

Sikur mos të mjaftonte tensioni gjithmonë e më i lartë me Shtetet e Bashkuara në zonën e Detit Kinez, si dhe lufta ekonomike me Uashingtonin, Pekini zyrtar ka deklaruar si “armik” një tjetër vend perëndimor, edhe pse jo aq strategjik.

Bëhet fjalë për Republikën Çeke, e cila sipas gjykimit kinez, sapo ka thyer një nga tabutë e saj gjeopolitike, trajtimin e ishullit “rebel” të Tajvanit si një shtet sovran.

Kriza diplomatike mes dy vendeve filloi të dielën, kur kreu i Senatit çek, Milos Vystrcil, u prit në kryeqytetin Taipei në një vizitë zyrtare, që Pekinit i tingëllon si e papranueshme.

Për më tepër që kreu i Senatit të Republikës Çeke, Milos Vystrcil, e deklaroi veten tajvanez, teksa mbajti një fjalim në Parlamentin e Tajvanit.

Vystrcil e përfundoi fjalimin e tij në Parlamentin e Tajvanit duke iu referuar fjalimit të ish-nënpresidentit amerikan, John F. Kennedy, gjatë të cilit ai i tha Berlinit Perëndimor, të rrethuar nga komunistët, më 1963, se ai po ashtu është berlinas.

“Në vitin 1963, presidenti amerikan, John F. Kennedy, në fjalimin e tij të famshëm ‘Unë jam një berlinas’, kundërshtoi qartazi komunizmin dhe shtypjen politike, ndërsa mbështeti popullin e Berlinit Perëndimor”, tha Vystrcil.

“Ju lutem, më lejoni ta shpreh personalisht mbështetjen time për Tajvanin dhe vlerën themelore të lirisë dhe ta përfundoj fjalimin e sotëm me një deklaratë ndoshta më të përulur, por po aq të fortë: Unë jam tajvanez”, tha Vystrcil, duke e thënë frazën e fundit në gjuhën mandarine.

Vystrcil, i cili po viziton ishullin me një delegacion politikanësh dhe biznesmenësh, tha se vizita në Tajvan nënvizon politikën e jashtme, “të bazuar në vlera”, të vendosur nga presidenti i ndjerë i Çekisë, Vaclav Havel, një disident anti-komunist.

Deklarata nxiti reagim të ashpër nga Kina. Ky vend, i cili pretendon se Tajvani është territor i tij, tha se do të bëjë që Vystrcil “të paguajë çmim të lartë” për vizitën në ishull.

“Qeveria dhe populli i Republikës Kineze nuk do të harrojë, ai do të paguajë një çmim të kripur për aktin dritëshkurtër dhe oportunizmin politik”, deklaroi një zyrtar i lartë kinez, Wang Yi.

Ndërkohë që vetë Ministria e Jashtme kineze flet për një “provokim të hapur” nga autoritetet e vendit të BE-së, tonet nga pala tjetër ishin më të qeta dhe me referime indirekte ndaj akuzave.

Ministrja e Ekonomisë së Tajvanit, Wang Mei-hua, nënvizoi gjatë takimit se “Republika Çeke dhe Tajvani janë vende të lira dhe demokratike që mbështesin të drejtat e njeriut”, ndërkohë që kreu i Senatit çek nënvizoi se “liria dhe demokracia janë bazat e prosperitetit”.

Gjatë viteve të fundit Praga zyrtare kishte filluar një seri marrëveshjesh me Pekinin, duke filluar nga teknologjia 5G, por tashmë duket sikur miqësia e tyre e shkurtër po venitet, dhe vizita në Taivan ishte një sinjal domethënës në këtë drejtim.

ANALIZA: A ishte zgjedhje e mençur ajo e Suedisë?

18:01 Bota

FAKTET: A po bëhet më pak vdekjeprurës koronavirusi?

17:59 Bota

Sfidat e rihapjes së shkollave, pasiguri në Itali, autoritetet bëhen gati për klasat alternative

17:54 Bota

Johnson: Britania e Madhe e përgatitur për të përballuar më shumë shpërthime të virusit

17:45 Bota

STUDIMI: 33% e amerikanëve nuk do e pranonin vaksinën anti-Covid, ja arsyet që nuk janë dakord

17:34 Bota

Pesë mënyrat sesi koronavirusi po e thellon pabarazinë globale

17:21 Bota

Rusia shënon mbi 1 milion raste me COVID-19

17:14 Bota

Berlini bën të detyrueshëm përdorimin e maskave në protesta

16:50 Bota

ANALIZA: Kush e donte të vdekur Aleksei Navalnin?

15:59 Bota

Austria shpreson të fillojë vaksinimin antiCOVID-19 që prej janarit

15:24 Bota