Te fundit
“Është vënë nën presion nga mafia e plehrave”, Gugallja i përgjigjet Bashës: I vetmi që më bën presion dhe më shantazhon është Lulëzimi dhe njerëzit e PD-së (publikon dhe vendimet e gjykatës)
27 Tetor 2020, 17:33Sociale
TEMA
Drejtuesja e kompanisë “Albtek-Energy” shpk, Stela Gugallja ka reaguar pas akuzave të fundit të ngritura nga kreu i PD Lulzim Basha, në lidhje me inceneratorët.
Në një deklaratë për median Gugallja bën me dije se i vetmi që e ka vënë nën presion dhe shantazhon atë dhe familjen e saj është Lulëzim Basha dhe njerëz rreth tij.
Më tej ajo bën me dije se prej kohësh është vënë nën sulme politike nga Partia Demokratike, në të cilën ajo dhe familja saj, si bën me dije Gugallja, kanë aderuar si anëtarë që në lindjen e saj, duke e mbështetur prej viteve 90.
Ndërkaq Gugallja sqaron se Prokuroria pasi ka zhvilluar hetime rreth 8 muaj, ka konkluduar që në aktivitetin e saj dhe të personave të tjerë, si dhe shoqërisë “Albtek-Energy” nuk ka element të veprave penale, për të cilat kishte regjistruar procedimin penal dhe i ka kërkuar Gjykatës Elbasan, pushimin e çështjes.
Ndërkohë Gjykata e Rrethit Elbasan me vendimin nr 2609, dt.11.01.2018, ka vendosur të Pushojë çështjen penale ndaj Stela Gugalljas dhe disa personave tjerë, pasi ka konstatuar se nuk ka element të asnjë vepre penale.
“U njoha sot me deklaratën e radhës së zotit Lulëzim Basha, sipas të cilës jam vënë nën presion nga mafia e plehrave.
Në respekt të familjes time dhe opinionit publik sqaroj se, nuk jam dhe nuk ndihem për asnjë moment e kërcënuar apo e shantazhuar nga askush.
Në jetën e biznesit dhe jashtë saj nuk jam përfshirë në asnjë veprimtari të paligjshme që të më bëjë objekt shantazhi apo kërcënimi.
I vetmi që më ka vënë nën presion dhe më shantazhon është zoti Lulëzim Basha dhe njerëz rreth tij. Prej kohësh jam vënë nën sulme politike nga Partia Demokratike, në të cilën unë dhe familja ime kemi aderuar si anëtarë që në lindjen e saj, duke e mbështetur prej viteve 90.
Meqenëse emri im është bërë publik dhe lidhet me kompaninë “Albtek-Energy” shpk ku unë jam ortake e vetme dhe administratore e shoqërisë sqaroj se, Prokuroria Elbasanit në datë 26.05.2017 ka filluar një hetim penal, për vepra penale si, ”Korrupsion pasiv”, “Korrupsion aktiv”, “Shpërdorim detyre”, “Pastrim të produkteve të veprës penale” dhe “Moskryerje të detyrave nga organet tatimore”.
Prokuroria pasi ka zhvilluar hetime rreth 8 muaj, ka konkluduar që në aktivitetin tim dhe të personave të tjerë, si dhe shoqërisë “Albtek-Energy” nuk ka element të veprave penale, për të cilat kishte regjistruar procedimin penal dhe i ka kërkuar Gjykatës Elbasan, pushimin e çështjes.
Gjykata e Rrethit Elbasan me vendimin nr 2609, dt.11.01.2018, ka vendosur të Pushojë çështjen penale ndaj meje dhe disa personave tjerë, pasi ka konstatuar se nuk ka element të asnjë vepre penale. Bashkëlidhur vendimi i formës së prerë”- bën me dije Stela Gugallja.
3 komente në ““Është vënë nën presion nga mafia e plehrave”, Gugallja i përgjigjet Bashës: I vetmi që më bën presion dhe më shantazhon është Lulëzimi dhe njerëzit e PD-së (publikon dhe vendimet e gjykatës)”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Mos u mer me zagaret shqupisa, eshte humbje kohe.
Moj zonje , po pyete nje here Lulin , mos i duhet ndonje vile ne Elbasan , a ndonje makine 200 mije euroshe ?!!!
Mos u tremb moj zonje,se, Lul Basha eshte nje qene qe di te lehin kot drejte henes.Ai edhe kur flete nuk di as vete ç’fare flete.Ti vazhdo punen ne drejtimin tend se ai kete zakon ka, te lehin.Ndoshta ai ka edhe te drejte,se, po nuk lehu, e rreh Saliu dhe e le pa buke fare.