Te fundit
S-400, tjetër sinjal amerikan për sanksione ndaj Turqisë: Cili është kundërargumenti i Erdoganit?
29 Tetor 2020, 22:10Bota
TEMA
Trump-Erdogan
Një zyrtar i lartë i Departamentit të Shtetit të SHBA paralajmëroi se Turqia përballet me rrezikun e vendosjes së sanksioneve amerikane, që sipas tij janë bërë “shumë te vërteta” pasi Ankaraja testoi sistemin e mbrojtjes ajrore S-400 të Rusisë.
Zyrtari i Departamentit të Shtetit i ngarkuar me shitjen e armëve Clarke Cooper tha se Turqia “vazhdon të këmbëngulë në sistemin S-400”.
Ai shton se “sanksionet janë një temë që diskutohet gjerësisht” pasi Presidenti turk Rexhep Tajip Erdogan njoftoi javën e kaluar se vendi i tij kishte testuar sistemin e mbrojtjes ajrore të Rusisë në 16 tetor, i cili Uashingtoni thotë se nuk është në përputhje me anëtarësimin e Turqisë në NATO.
Administrata amerikane mund të vendosë sanksione ekonomike ndaj Ankarasë në përputhje me ligjin për “kundërshtimin e kundërshtarëve amerikanë përmes sanksioneve”, i cili u miratua nga Kongresi në 2017.
Ligji parashikon posaçërisht sanksione automatike kundër një vendi që bën një “marrëveshje të rëndësishme” me sektorin rus të armëve.
Cooper tha se Uashingtoni informoi aleatin e saj strategjik Ankara vitin e kaluar se SHBA kishin vendosur një vijë të kuqe kur bëhej fjalë për aktivizimin e sistemit S-400 që Ankaraja bleu nga Moska në 2017.
“Ne ia kemi bërë të qartë Ankarasë se testimi i sistemit S-400 është plotësisht i papranueshëm,” tha Cooper, duke theksuar se administrata e SHBA vazhdon të bëjë përpjekje “për të bindur Turqinë të mos e bëjë S-400 operative.”
Diplomati amerikan theksoi se vendi i tij sidoqoftë përpiqet të shmangë ndërprerjen e marrëdhënieve me Turqinë, duke thënë: “Sigurisht, ne po bëjmë gjithçka për ta mbajtur Turqinë në kampin perëndimor”, duke konsideruar se “përjashtimi i Turqisë nuk do të jetë në interesin e askujt përveç Rusisë”.
Javën e kaluar, Presidenti turk Rexhep Tajip Erdogan iu përgjigj me forcë kërcënimeve të SHBA për sanksione mbi vendin e tij nëse aktivizon sistemin e raketave ruse.
Presidenti turk tha se vendi i tij nuk do të kërkojë nga askush leje për të kryer një provë mbi çdo armë që zotëron, duke theksuar se Ankaraja nuk po i kushtonte vëmendje kundërshtimeve të Uashingtonit për këtë çështje.
Ai shprehu habinë që Shtetet e Bashkuara nuk kundërshtuan kur Greqia bleu sisteme mbrojtëse ruse, edhe pse ai vend, si Turqia, është një anëtar i Aleancës së Atlantikut të Veriut.
Shtetet e Bashkuara kanë pezulluar pjesëmarrjen e Turqisë në programin për prodhimin e aeroplanëve modernë amerikanë F-35, në përgjigje të blerjes nga Turqia të sistemit rus S-400.
Uashingtoni beson se sistemi S-400 mund të çojë në zbulimin e sekreteve teknologjike të këtij avioni luftarak të përparuar.
1 komente në “S-400, tjetër sinjal amerikan për sanksione ndaj Turqisë: Cili është kundërargumenti i Erdoganit?”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Në të vërtetë ta parashtrosh me fjalë keshtu duket si e drejtë dhe justifikuese, por në realitet nuk është kështu.
E para Greqia nuk i bleu direkt nga Rusia.
Ato i bleu dhe tentoi Qipro ti dislokonte në ishull.
Por mbas kërcënimeve të Turqisë që kjo gjë të mos bëhej pasi Turqia e shikonte si cënim direkt dhe kërcënoi se do ti asgjësonte.
Për të shmangur gjithë këtë mish mash diplomatic dhe mqs sistemet ishin paguar por mbeteshin pa u dorëzuar, u rra dakord me dijeninë e NATOs që ato ti kalonin Greqisë. (Dhe që Turqia të mos ndihej e kërcënuar u dislokuan në Kretë – jashtë rrezes së Turqisë, por dhe si back-up i Qipros).
Per sa i përket ndryshimit S-400 ndryshojnë rrënjësisht me S-300.
Jo vetëm si thjesht numër serie (më i madhi më i mirë), qoftë edhe në rrezen e tyre dhe sistemeve radar, drejtimit, mbledhje-perpunim-transmerim të të dhënave)
Pra në princip S-400 është shumë më e sofistikuar duke cënuar edhe aeroplanët e gjenerates së 4+ dhe 5 (stealth), duke kompromentuar sistemet e tyre mbrojtjes,kamuflimit.
Kjo me sa duket është dhe arsyeja e vërtetë pse kundërshtohen kaq fortë prokurimi dhe blerja e tyre (se nuk është thjesht punë tregu apo blerjeje).