Te fundit
Biden: Nuk do ketë shtete të kuqe dhe të kaltra, do të jem president i të gjithëve
3 Nëntor 2020, 23:10Bota
TEMA
Kandidati demokrat për president të Shteteve të Bashkuara, Joe Biden, premtoi se do të jetë president i të gjithëve nëse zgjidhet në krye të Shtëpisë së Bardhë.
“Ju premtoj, edhe pse garoj si demokrat krenar, nëse më zgjidhni mua, unë do të jem një president amerikan. Nuk do të ketë shtete të kuqe, ose të kaltra, vetëm Shtete të Bashkuara të Amerikës”, tha Biden.
Ai i bëri komentet para mbështetësve të tij në Filadelfia të Pensilvanisë, nga ku edhe e ka origjinën.
Qytetarët amerikanë janë duke votuar sot në zgjedhjet për president.
Presidenti aktual, Donald Trump, i cili garon për mandatin e dytë, tha më herët se fushata e tij ka parë “ndryshime të jashtëzakonshme gjatë javës së fundit”, të cilat sinjalizojnë rizgjedhjen e tij.
Por, Trump po ashtu pranoi se mund të humbasë, duke thënë: “Mendoj se do të kemi një natë të mrekullueshme, por është politikë, janë zgjedhje dhe nuk e dini kurrë”.
Për t’u zgjedhur president, një kandidati i duhen së paku 270 vota të Kolegjit Zgjedhor, të cilat nuk përcaktohen nga vota e popullit, por nga shtetet që i fitojnë.
1 komente në “Biden: Nuk do ketë shtete të kuqe dhe të kaltra, do të jem president i të gjithëve”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Keto jane sllogane te nje lideri qe ska fuqi te mbaroje sentencen dhe eshte kukull ne doren e atyre qe kane dhe vazhdojne te punojne per nenshtrim te Amerikes , per ta kthyer ate ne substitute te ekonomive te europine dhe kineze .