Mustafa: Për zgjedhjen e presidentit të ri duhet të ketë marrëveshje

Kryetari i Lidhjes Demokratike të Kosovës, Isa Mustafa ka deklaruar se për zgjedhjen e presidentit të ri të vendit duhet të ketë një marrëveshje, e cila siguron përkrahje të gjerë dhe 80 vota të deputetëve të Kuvendit të Kosovës.

Mustafa i bëri këto komente pas një takimi me Grupin Parlamentar të Lidhjes Demokratike të Kosovës, parti kjo që udhëheq me Qeverinë e Kosovës.

Pas dorëheqjes së Hashim Thaçit nga posti i presidentit, pasi Gjykata Speciale konfirmoi akuzat ndaj tij, këtë detyrë po e ushtron kryetarja e Kuvendit të Kosovës, Vjosa Osmani.

Mirëpo, në bazë të Kushtetutës ajo mund të qëndrojë në këtë detyrë më së shumti 6 muaj.

Koalicioni aktual qeverisës i përbërë nga Lidhja Demokratike e Kosovës, Aleanca për Ardhmërinë e Kosovës, Nisma Socialdemokrate dhe pakicat nuk e kanë shumicën prej 80 deputetëve të Kuvendit.

Kryetari i AAK-së, Ramush Haradinaj e ka shpallur kandidaturën për president, por dy partitë tjera të koalicionit kanë qenë të rezervuara lidhur me këtë kandidaturë.

Për zgjedhjen e presidentit të ri duhen votat e deputetëve të Partisë Demokratike të Kosovës apo të Lëvizjes Vetëvendosje.

Lëvizja Vetëvendosje insiston në mbajtjen e zgjedhjeve të parakohshme.

Kreu i LDK-së, Isa Mustafa tha se ende nuk ka një vendim të PDK-së që ata do të bëjnë një propozim të kandidatit për president.

“Është parti e cila është pas nesh, parti e tretë me rradhë për nga numri i deputetëve, kjo është evidente, por në pikëpamje të presidentit është çështje e tyre, por edhe çështje e jona që duhet ta diskutojmë”, tha Mustafa.

Avokati i Thaçit: Pse u hoqën akuzat për vjedhje organesh dhe shtëpinë e verdhë? Kjo është Gjykatë e Kosovës po pse s’është shqiponja e zezë mbi të kuqe

16:20 Rajoni

Greqia shtyn masat kufizuese me Shqipërinë deri më 30 nëntor

16:17 Rajoni

Thaçi përballet në Hagë me akuzat për krime lufte: I hedh poshtë të gjitha

15:39 Rajoni

"Sido që të jetë fati i 4 zyrtarëve të Kosovës në Hagë lufta e UÇK-së nuk preket"

15:36 Rajoni

Shifra alarmante në Kosovë: 13 viktima dhe 637 raste të reja me COVID-19 në vetëm 24 orë

15:12 Rajoni

Bregu: Qeveritë e Ballkanit të mbajnë përgjegjësi për Tregun e Përbashkët Rajonal

15:09 Rajoni

REPORTAZHI: Në Kroaci, gratë shqiptare luftojnë paragjykimin dhe normat patriarkale

15:00 Rajoni

Çfarë pret Greqia nga Biden? Shpresat e Athinës te lidhjet e tij me lobin grek në SHBA

14:47 Rajoni

“Rexhep Selimi prapa vrasjes së Xhemajl Mustafës”, a do ta zbulojë të vërtetën shokuese në Gjykatën Speciale?

14:38 Rajoni

“Përbindëshat”, media serbe shkrim për liderët e Kosovës në Gjykatën Speciale

14:24 Rajoni