Zotimi i Fatmir Mediut: Nëse vimë ne në pushtet, për 4 vjet do e anëtarësojmë Shqipërinë në BE

“25 prilli është i rëndësishëm, sepse do të na ribashkojë përsëri me pjesën e përparuar europiane, për ta bërë Shqipërinë pjesë të Europës.

Unë kam bindjen që me reforma të thella, me një qeverisje të drejtë, që buron nga vota e shqiptarëve, qeveris me shqiptarët, për interesin e shqiptarëve, padyshim brenda 4-vjeçarit të parë, do ta bëjmë Shqipërinë vend anëtar të Bashkimit Europian, falë reformave që kanë në radhë të parë interesin kombëtar si prioritet, interesin e Shqipërisë, luftën kundër krimit të organizuar”.

Kështu u shpreh Fatmir Mediu, gjatë një takimi me strukturat e partisë së tij në Laprakë.

“Nga ana tjetër, Edi Rama shkatërroi konceptin e shtetit dhe ka arritur sot që të jetë vetëm ai, që nuk pyet as për Partinë Socialiste, as për qeveri, as për Parlament, as për gjyqësor”, vijoi Mediu.

Duke theksuar nevojën e bashkimit të së djathtës, Mediu vlerësoi rolin dhe historinë e së djathtës:

“Historia e ka vendosur të djathtën në anën e duhur, atje ku ka qenë interesi ynë kombëtar dhe këtu duhet që Partia Demokratike, Partia Republikane dhe gjithë e djathta, t’i thërrasë kujtesës së vet historike.

Historia e së djathtës ka filluar që në kohën e komunizmit, me të gjithë ata që u persekutuan nga sistemi komunist, me të gjithë ata që u shpronësuan nga sistemi komunist, me të gjithë ata që besuan në Zot në kohën e sistemit komunist, ata njerëz që me besimin në Zot, dinin të ndërtonin shpresë dhe besim te njerëzit, u sakrifikuan me qindra klerikë”.

“Politika është një marrëdhënie e domosdoshme në një shoqëri demokratike, për të vendosur dhe për të ndryshuar dhe më mirë të jemi aktorë sesa të bëhemi spektatorë të jetës sonë. Kush nga ne do ta sodisë fatin e vet. Në qoftë se do ta sodisim do të jemi viktimë, të tjerët do të vendosin për ne.

Në qoftë se do të debatojmë me njëri-tjetrin, do të angazhohemi në politikë, atëherë padyshim që do të kemi mundësi të vendosim për fatin tonë dhe për fatin e familjeve tona, të njerëzve tanë dhe të shoqërisë shqiptare.

Prandaj unë jam i lumtur dhe e them me sinqeritet që shikoj Xhinon dhe shumë të rinj, të cilët bashkohen në rrugëtimin politik, për të bashkuar shqiptarët drejt Shqipërisë europiane”, u shpreh Mediu.

Vangjel Tavo: Duhet që Qeverinë ta marrim në dorë ne ekspertët e LSI-së

11:17 Politika

Petrit Vasili “tradhton” Monika Kryemadhin: Ik o i mallkuar, se po hidhen njerëzit nga spitalet

11:01 Politika

Prizrenit i kërkohet t’i heqë “Skënderbeun” 70 mijë eurosh dhe “Adem Jasharin” e frizerit

09:24 Politika

VIDEO/ Përkujtohen në një ditë Pavarësia dhe gafa e Bashës: Flamuri i Kastriotëve u ngrit për herë të parë në kështjellën e tyre më 28 nëntor 1944

23:11 Politika

FAKSIMILE/ Deputeti Bushati përgënjeshtron PD-në: Asnjë aplikues, jashtë Programit të Rindërtimit

20:40 Politika

SKANDALI: Berisha e Imami u kapën nga “ethet e arit”, futën Ushtrinë me makineri, helikopterë e mjete metal-kërkuese të gjenin “Thesarin e Teutës”. Llalla pushoi çështjen

15:55 Politika

Kreshnik Spahiu publikon videon: Torta e Lulzim Bashës më 28 nëntor, e paharrueshme

13:19 Politika

Ilir Meta i "fiksuar" pas Margaritës e Vojo Kushit, thirrje rinisë: Sikurse bashkëmoshatarët tuaj 76-80 vite më parë, merrni në dorë fatet e vendit

12:57 Politika

Hetimi i raportit kundër UÇK, Gjiknuri i përgjigjet Metës nga Vlora: Anti-kombëtare akuzat e 'Dick Marty', presidenti flet si dikush që synon kryeopozitarin

12:48 Politika

Kryemadhi ‘divorcohet’ me Bashën në ditën e Çlirimit! Grumbullon partinë te ‘Varrezat e Dëshmorëve" dhe flet për dashurinë

12:37 Politika