Ministrja e Financave dhe Ekonomisë, Anila Denaj mori pjesë sot në takimin online të Komitetit Kombëtar për Lehtësimin e Tregtisë, ku vlerësoi rezultatet konkrete të arritura në drejtim të lehtësimit të tregtisë me vendet e rajonit dhe jo vetëm.

“Përgjatë tre viteve të fundit, KKLT arriti të prodhojë rezultate konkrete në drejtim të lehtësimit të tregtisë, si krijimi i portalit të dedikuar tregtia.gov.al, inventari i tarifave të procedurat e import/eksportit, kryerja për herë të parë e studimit mbi matjen e kohës së procedurave në kufi, miratimi i manualit “Informacioni Detyrues i Origjinës” dhe Informacioni Detyrues i Tarifës, krijimi i një strukture të dedikuar dhe centralizuar tek administrata Doganore për Vlerësimin e mallrave, si dhe funksionimin 24/24 i administratës doganore apo krijimi i pikës së përbashkët Morinë/Vërmicë”, renditi Denaj.

Ndërkohë, ministrja u shpreh më tej se, procedurat doganore janë lehtësuar.

“Gjatë këtyre viteve indikatorë të rëndësishëm pozitivë janë realizuar në thjeshtimin dhe lehtësimin e procedurave doganore. Konkretisht, gjatë vitit 2020, edhe pse me një situatë të vështirë pandemie: u rrit 3.1% përqindja e kompanive që kalojnë në kanalin jeshil, u rrit me 4.1% përqindja e kompanive që kalojnë në kanalin blu, duke ulur me minus 1,1% kanalin e kuq dhe ulur me minus 6% kanalin e verdhë”, theksoi Denaj.

Pjesëmarrës në këtë takim ishin edhe Zëvendësministri i Financave dhe Ekonomisë, Besart Kadia, Drejtori i Përgjithshëm i Doganës Gent Gazeli, si edhe përfaqësues të biznesit.

Në prill të këtij viti, parlamenti ratifikoi Protokollin Shtesë 6 “Liberalizimi i Tregtisë në Shërbime” në CEFTA. Gjatë viteve 2017 – 2020, zhvillime të rëndësishme, si në tregtinë ndërkombëtare, ashtu edhe atë rajonale kanë ndodhur, masat efeciente, që janë konkretizuar në shkëmbime të rritura tregtare të Shqipërisë me vendet CEFTA.

3 komente në “KKLT, Denaj: Kemi arritur rezultate konkrete në thjeshtimin dhe lehtësimin e procedurave doganore”

Ylli says:

9 Dhjetor, 2020 10:05 te 10:05 am

Po po ke ia arritur futjen e gomave nga kakavija dhe kinezeve nga kapshtica. Durresi han Pa porta.
Vazhdo denaj vazhdo se je ok

Përgjigjjuni
Jo korrupsion says:

9 Dhjetor, 2020 19:24 te 7:24 pm

Po e Kane arritur, dikur vite me pare, nese e kishe te rregullt mallin me pagese, pa i dhene lek doganiereve ste kalonte ne asnje menyre ne skanim. Por tani ben pagesen (zhdoganimin) ne banka ose online, automatikisht te njofton qe u krye, por ka nje problem qe duhet ta shohi MF fut taksa ambalazhimi por jo takse e plus 20%tvsh pa marre mallin. Pastaj kerkoni tvsh ne shitje, paguani thoni, e masakroni ekonomine, e doni fiskalizim. Hiqni tatim fitimi, por cfare?? Ky vit do keni biznese me shume humbje e falimentim, se blejne shume, po shesin pak (sa do te bejne ulje, kerkesa eshte e paket). PANDEMI BOTERORE. Ku me se shumti do kene detyrime te prapambetura, ju sduhet te beni presione e bllokime llogarie.

Përgjigjjuni
Jo korrupsion says:

9 Dhjetor, 2020 20:28 te 8:28 pm

Taksa e ambalazhimit nuk eshte produkt, shtoni (sasi neto total * 10 Lek) *20 %, kjo eshte supergabim. Mesa duket eshte gabim,se atehere shitesi te shtoj klientit blej mall *20 %+ koston e takses se ambalazhit (pagon shitesi ne dogane), se te gjitha I merr shitesi e bleresi ne fund te fundit. Shkon ne zinxhir, por pandemia I ka masakruar shites+bleresi tani, ku ende nuk ka mbaruar pandemia. Keto te shohi zv.minister Kadia (jo emisionet e lokale), meqe ka marr timonin e MF, se Denaj sdi ku te orientohet nga FMN apo ekonomia-biznes-ndertim termeti-ndihma financiare.

Përgjigjjuni