Te fundit
Maqedonia e Veriut, pak gjasa që të "fitojë" kornizën negociuese me BE-në
7 Dhjetor 2020, 17:59Rajoni
TEMA
Gjasat janë të vogla që deri të martën, në samitin e Bashkimit Evropian të ketë ndonjë zhvillim të ri në situatën aktuale, veçanërisht duke pasur parasysh dështimin e takimit të fundit të komitetit të përbashkët bullgaro-maqedonas për çështje historike. Kështu ka deklaruar eurodeputeti bullgar, Andrej Kovaçev, lidhur me mundësinë e ndryshimit të pozicionit të Bullgarisë sa i përket bllokimit të kornizës negociuese me BE-në, në pritje të Këshillit të ministrave, që takohen të martën.
Siç transmeton agjencia bullgare, BGNES, Kovaçev ka thënë se kryeministri maqedonas, Zoran Zaev duhet të demonstrojë “guxim dhe inkurajim më të madh” në mënyrë që të zbatojë Marrëveshjen e fqinjësisë midis dy vendeve.
“Nëse në Komisionin e përbashkët për çështje historike dhe edukative të Bullgarisë dhe Maqedonisë së Veriut, kolegët nga Shkupi kanë frikë të pranojnë faktet, atëherë duhet të gjenden mekanizma të tjerë për zbatimin e marrëveshjes. Bashkimi Evropian ekziston jo për të urrejtur njëri-tjetrin, por për të jetuar së bashku në tolerancë të plotë”, tha Kovaçev.
Autoritetet maqedonase shpresojnë se deri në momentin e fundit, ndoshta Bullgaria mund të lëvizë nga qëndrimet e forta dhe të mundësojë zhbllokimin e procesit euro-integrues.
Kryeministri Zaev kohë më parë një intervistë për mediat bullgare kishte mohuar ekzistimin e fashizmit bullgar gjatë Luftës së Dytë Botërore, ndërsa kishte folur edhe për afërsinë gjuhësore mes dy popujve. Por, kjo deklaratë kishte nxitur reagime të shumta e deri në protesta nga ana e opozitës në Maqedoni të Veriut, që vazhdojnë tani disa ditë në qytete të ndryshme. Partia opozitare maqedonase, VMRO-DPMNE e akuzon kryeministrin Zaev për tradhti të interesave kombëtare e shtetërore.
Kryeministri Zaev ndërkohë ka mohuar që me palën bullgare po negociohet për gjuhën dhe identitetin maqedonas, që është edhe kërkesës e Sofjes që Shkupi të pranojë se sikur gjuha maqedonase ashtu edhe prejardhja e tyre, kanë rrënjë bullgare.
Xhelal Neziri, njohës i çështjeve politike, veton bullgare për kornizën negociuese e ndërlidh me zgjedhjet në Bullgari. Sipas tij, çdo parti politike atje që do të pranonte të lëshonte pe në kërkesat kundrejt Maqedonisë së Veriut, kjo do të mund të kishte pasoja për të në zgjedhje.
“Tërheqja nga kjo çështje nga ana e Sofjes zyrtare do të shihej si një koncesion ose si një lëshim pe nga ana e qeverisë së (Bojko) Borisovit dhe (Krasimir ) Karakaçanovit gjë që edhe do të mund të ndikonte negativisht në zgjedhjet e marsit”, thotë Neziri duke shtuar se ndryshim të pozicionit bullgar nuk pret të ndodh para zgjidhjeve në muajin mars.
Zgjidhja sipas tij mund të arrihet në kuadër të marrëveshjes së arritur mes dy vendeve, përmes ndonjë aneksi të veçantë apo edhe përmes një marrëveshjeje krejt të re.
“Pres që pasi të formohet qeveria e re, me gjasë që ajo sërish të përbëhet nga partia e kryeministrit Borisov, e cila llogaritet si parti properëndimore, duhet të formohet kjo qeveri që kjo çështje të zgjidhet, ose me ndonjë aneks të marrëveshjes ku do të përfshihet edhe ajo që kërkon Sofja zyrtare, një dokument ku do të vendosen qartazi edhe datat e zbatimit të Marrëveshjes së fqinjësisë së mirë”, ka deklaruar analisti Xhelal Neziri.
Më 17 nëntor, Bullgaria zyrtarisht bllokoi nisjen e bisedimeve për anëtarësimin e Maqedonisë së Veriut në BE. Sofja vendosi veto për kornizën negociuese. Për kalimin e kësaj kornize duhej votë unanime nga të gjithë anëtarët e BE-së.
3 komente në “Maqedonia e Veriut, pak gjasa që të “fitojë” kornizën negociuese me BE-në”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Po c’ka ketu per tu cuditur? Eshte fakt se gjuha dhe i ashtuquajturi komb i Maqedonise se Veriut jane perkatesisht gjuhe dhe komb bullgar.
Te pranosh ekzistencen e nje kombi te sajuar, me nje gjuhe qe dihet se kujt i perket, vetem e vetem per motive te pastra politike eshte per te qeshur, por ne planin afatgjate do mbetet nje ceshtje e hapur. Kjo me kujton historine e “gozhdes se Nastradinit”.
Ne se do ishim ne vend te bullgareve, patjeter qe do revoltoheshim sic u revoltuam ne kur dikush u shpreh per te ashtuquajturin “komb Kosovar”.
Sa qesharak eshte pretendimi per ekzistencen e kombit “Kosovar”, po aq qesharak dhe i pa pranueshem eshte pretendimi per ekzistencen e nje kombi maqedonas dhe perkatesisht te gjuhes maqedonase.
Maqedonasit antike jane nje komb i asimiluar nga sllavo-bullgaret, qe sot banojne ne veri te territorit qe dikur i perkiste Maqedonise antike. Pretendimi i ketyre popullsive sllave se jane pas-ardhesit e Aleksandrit te Madh, jane aq qesharake sa edhe pretendimet e neo-grekeve te sotem per trashegimine e ashtuquajtur greke te heroit maqedonas. Keshtu, nese cdo individ e meson gjuhen e nenes qe ne belbezimet e para si bebe, Aleksandri e mesoi greqishten ne moshen 19 vjecare prej mesuesit te tij Aristotelit qe ishte thirrur ne oborrin mbreteror te Filipit prej nenes se Aleksandrit, princesesh ilire Olimpia. Nga an tjeter greket e lashte i quanin maqedonasit “barbare”, nje term qe perdorej prej tyre per popujt jo greke. Ky term u adoptua me vone dhe u perdor edhe prej romakeve qe quanin barbare cdo popullsi jo latine (romake).
nuk jam historian,por me duket se mendimet si ato tuajat I kam degjuar shpesh dhe vetem me nje dallim se Bulgaria e sotme occupying nje zone qe dikur quhej Macedonia
Diskriminimi që ju bëhet shqiptarëve te Maqedonisë kërkon pranimin në BE të Shqipërisë së pari, për të luajtur edhe ne me veton për të vënë në vënd padrejtësit historike.Europa plakë deri më sot ka treguar të kundërtën duke i lënë shqiptarët të marrin rrugët për ti shpëtuar padrejtësive!