Te fundit
Daçiç dhe Vulin marrin vaksinën ruse "Sputnik V", e bëjnë pas Draganës
6 Janar 2021, 15:52Rajoni
TEMA
Kryetari i Kuvendit të Serbisë, Ivica Daçiç dhe ministri i Brendshëm i Serbisë, Aleksandar Vulin morën vaksinën ruse kundër koronavirusit – Sputnik V – në Institutin e Virologjisë Torlak në Beograd, njoftoi qeveria serbe.
Siç thuhet, vaksinën ruse e kanë marrë edhe një sërë zyrtarësh tjerë serbë, përfshirë Marija Gnjatoviç, nga Instituti për Energjinë Bërthamore, Dragana Despot, drejtoreshë e Institutit për Biocide dhe Ekologji Mjekësore dhe Mirsad Gjerlek, sekretar i Shtetit në ministrinë e Shëndetësisë së Serbisë.
“Të gjithë jemi mirë. Do të marrim dozën e dytë brenda tre javësh, por nuk kam dyshim se do të jemi mirë.
Ne nuk kërkuam të bëjmë vaksinën, por iu përgjigjëm kërkesës së ekspertëve që zyrtarët më të lartë të tregojnë publikisht se nuk kanë frikë nga vaksinat”, tha kryetari i Kuvendit, Ivica Daçiç.
Ai deklaroi se ky veprim nuk ka motive politike dhe shtoi se është rënë dakord që udhëheqësit e lartë institucional të merrnin vaksinat nga prodhues të ndryshëm në mënyrë që të rrisin besimin e qytetarëve në vaksinimin kundër COVID 19.
“Ne do të ju informojmë nëse nuk jemi mirë, por nuk besoj se vaksina ruse do të na ‘godasë’”, u tha Daçiç gazetarëve./ REL
3 komente në “Daçiç dhe Vulin marrin vaksinën ruse “Sputnik V”, e bëjnë pas Draganës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Na plasi cari..
ow ne kosove dergoj vaksinen pfizer dhe biontech gjoja kurse vete ka marr sputnik V hajde mashtrime hajde
Kush i beson me serbet? Propagande me vaksina.Eshte fare lehte qe vaksina e injektuar te jete komplet ndryshe nga ajo qe tregon hunde derri me buze viçin.Propagande e dhjere Serbe.