Te fundit
Një sqarim për publikun dhe opozitën
9 Janar 2021, 20:52Ekonomia
TEMA
Nga Anila Denaj
Me keqardhje, edhe pse të angazhuar dhe në mesin e mobilizimit të Qeverisë dhe strukturave të Emergjencave Civile për situatën e vështirë nga reshjet në vend, më duhet të përcjell një sqarim, për të shmangur keqinformimin e publikut të gjerë, interpretimet politike apo hamendësimet e opozitës.
Qeveria Rama në vitin 2016, reformoi procedurat e marrëveshjeve ndërkombëtare, përmes një ligji të ri në standardet e vendeve më të zhvilluara. Përpara këtij viti dhe në kohën e Partisë Demokratike, Qeveria e PD-së merrte borxh sipas dëshirës, me një autorizim të thjeshtë titullari.
Mund të mirëkuptoj padijen e opozitës për proceset dhe detyrimet ligjore të përmbushura me përpikmëri nga Qeveria, por nuk mund të toleroj keqinformimin publik!
Ministria e Financave dhe Ekonomisë mbetet e hapur të ndajë me palët e interesuara informacionin, që dëshmon zbatimin e legjislacionit dhe mbrojtjen e interesit publik, sikundër e sanksionon Kushtetuta. Ngjyrimet politike nuk mund të fshehin faktin, se kemi të bëjmë vetëm me rishikimin e objektit të financimit dhe aspak të termave financiarë, duke mos i sjellë asnjë kosto shtesë buxhetit të shtetit.
Qeveria Rama do të vijojë të bëjë realitet infrastrukturën në zonën e Vlorës! Projekti i Rrugës së Lumit të Vlorës, ka lidhur dhe po lidh një zonë të gjerë gjeografike dhe me rëndësi historike, nga Bypassi i Vlorës, në Peshkëpi, Gjorm dhe Qeparo.
Rruga Gusmar-Kuc dhe Bencë-Letdush, po përfundon, duke lidhur Tepelenën me Bregdetin e Jugut, një rrugë të mbetur në ëndrrat e banorëve për më shumë se gjysëm shekulli. Rruga e Selenicës është një premtim, i cili do të mbahet.
Shqiptarët shohin dhe dëgjojnë cfarë është bërë në këto 8 vite, me fakte dhe realitete të reja! Sot jemi pikërisht në shërbim të tyre, në zgjidhje të çdo vështirësie të krijuar nga reshjet.
4 komente në “Një sqarim për publikun dhe opozitën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kërkojini cilësi…se po i bëjnë shkel e shko
Zonjë e nderuar! Vazhdoni punën pa u shqetësuar nga papagajtë e klikës Meta, BB dhe lakejtë e tyre. Njerëzit e ndjekin në paraqitjet tuaja si ky, por dhe në studiot e ndryshme TV apo intervistat që jepni, se ju jeni një pushtetare serioze, profesioniste dhe mbi të gjitha e papërfolur për asnjë gjë. Është pikërisht kjo e fundit që i tërbon më keq ata, ngaqë i duan dhe të tjerët si veten. Si ministre ke fatin e keq që të mbash mbi supe barrën e rëndë që imponoi tërmeti e pandemia dhe ju do t’ia dilni. Populli di të dallojë të mirën nga e keqja dhe këtë do ta tregojë me votë në 25 prill. Pjesë e këtij besimi, me siguri të plotë jeni dhe ju dhe mbas fitores do vijë dhe certifikimi i punës tuaj, pra do vijë edhe shpërblimi: mirënjohja!
Moj zonje. Si stë vjen turp. Po ti qe jep sqarime sot je me ben ahmetajn me arber maznikun me belinda ballukun ne dubai duke ngrene te restoranti i Nusretit nderkohe qe shqiperia permbytet, ujesjellesat çahen, qytetet skane uje te pijshem dhe drita,
Edi rama vazhdo bej karagjozin
Bravo ju qofte
Ku i pe ti në foto që këta janë në Dubai ku hanë e pinë? Unë u përpiqa dhe nuk gjeta asnjë. Pastaj e beson ti këtë lajm? Vallë nuk është ky një scoop gazetash nga ato që përcjell orë e çast qytetari dixhital sb?