Te fundit
Kukësi sqaron situatën e trajnerit: Hallaçi ka besimin e klubit
17 Janar 2021, 12:20Sport
TEMA
Klubi i Kukësit po kalon momente të vështira nga ana sportive duke qenë se ka marrë katër humbje radhazi në katër sfidat e fundit.
Siç ndodh zakonisht ka pasur dyshime se posti i trajnerit Rrahman Hallaçi ishte “lëkundur”, megjithatë klubi nëpërmjet faqes zyrtare në rrjetet sociale sqaron se Hallaçi do të vazhdojë të jetë trajneri i skuadrës, ndërsa “sulmon” edhe median duke pretenduar se lajmet për Kukësin vijnë pasi emri i tyre shton klikimet apo rrit shitjen e gazetave.
Njoftim i Klubit!
Futboll Klub Kukësi kërkon të sqarojë opinionin publik se lajmet e orëve të fundit në media, për shkarkimin e trajnerit Rraman Hallaçi janë të pavërteta.
Hallaçi do të vazhdojë të jetë trajner i skuadrës dhe stafi teknik po punon për të përforcuar skuadrën në merkaton e janarit duke siguruar të gjithë se ekipi do të kthehet te rezultatet pozitivë shumë shpejt.
Trajneri Hallaçi ka besimin e klubit dhe mbështetjen e të gjithë futbollistëve në këtë moment të vështirë për skuadrën. Skuadra zhvillon sot stërvitjen e radhës për ndeshjen ndaj Apolonisë nën urdhërat e trajnerit Hallaçi.
Klubi e kupton se emri i Kukësit shton klikimet dhe rrit shitjet e gazetave por njëkohësisht kërkon nga mediat që të tregohen profesioniste dhe të mos publikojnë lajme të rreme. Klubi ka zyrën e shtypit ku mund të merret çdo informacion që keni nevojë. Para se të publikoni një lajm, jeni të lutur të siguroheni.
Zyra për shtyp
FK Kukësi
Lini një Përgjigje
Më të lexuarat
24 oret e fundit
Javen e fundit
Blog Tema
