Te fundit
BE “përzë” Britaninë edhe nga orbita
22 Janar 2021, 10:26Hi-Tech
TEMA
Shkëputja në tokë ka sjellë edhe shkëputjen në hapësirë mes Bashkimit Europian dhe Britanisë së Madhe. Brukseli ka njoftuar nxjerrjen jashtë satelitit të navigimit “Galileo” të kompanive britanike.
Agjencia Hapësinore Europiane njoftoi se është hedhur me sukses në hapësirë dërgesa e fundit me materiale të prodhuara nga kompania britanike “Surrey Satellite Technology”. Ngarkesa u përkufizua si truri i sistemit të navigimit që gjeneron sinjalet e orientimit gjeografik që rrjeti “Galileo” dërgon në tokë.
Britania e Madhe doli zyrtarisht nga BE më 31 dhjetor. Kjo do të thotë se tashmë me statusin e “një vendi të tretë”, kompanitë e saj nuk mund të përfshihen si më parë në projektet që Bashkimi Europian i konsideron si çështje të sigurisë.
Galileo është kategorizuar si i tillë nga BE dhe vetëm kompanitë nga 27 vendet anëtare mund marrin pjesë në ndërtimin dhe prodhimin e materialeve që lidhen me funksionimin e tij.
“Mund të ketë përjashtime të vogla për disa përbërës që mund të marrim nga Britania e Madhe, në rastet kur nuk i gjejmë brenda BE-së. Por, kjo është situata. Ky është realiteti politik sot”, tha Paul Verhoef, drejtor i navigimit i Agjencisë Hapësinore Europiane, ESA.
Galileo vlerësohet si një prej sistemeve më të sakta të navogimit. Tashmë, me shkëputjen nga BE, qeveria britanike është vënë në kërkim të një shërbimi po kaq të saktë. Ka një sugjerim se Londra mund të përdorë rrjetin e satelitëve të “OneËeb”, i blerë së fundmi nga shteti britanik në bashkëpunim me konglomeratin indian “Bharti Global”.
4 komente në “BE “përzë” Britaninë edhe nga orbita”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Sa më shpejt të shpërbëhet BE, aq më e mundur bëhet ribashkimi Gjermanive.
Per cilat Gjermani flet? Dy qe ishin, i bashkoi Helmut Kohl ka 30 vjete.
Nderro pusher sa s’eshte vone
Atij te parit i ka ngel sahati qe nga 89 ose ka bere gjum letargjik ka flet me vite pa u zgjuajtur .