Pëllumb Pipero: Rasti im është i veçantë, kam shumë pikëpyetje për të cilat po pres përgjigje

Mjeku infeksionist, Pëllumb Pipero është infektuar me COVID-19. Ai ka rezultuar pozitiv 14 ditë pasi ka marrë dozën e parë të vaksinës Pfizer.

Sakaq, lidhur me këtë rast ka ardhur reagimi i parë i Pëllumb Piperos i cili është shprehur se ka shumë pikëpyetje për të cilat pret përgjigje. Pipero e konsideron rastin e tij si të veçantë pasi është i pari në Shqipëri që infektohet pas marrjes së vaksinës.

Ndërkohë, tregon se aktualisht gjendja e tij shëndetësore paraqitet me simptoma të lehta por me ngarkesë psikologjike e cila është normale në këtë moment.

Reagimi:

Me ndodhi dhe mua!  Nga dje ne mesdite edhe une si mjaft kolege te mi rezultova pozitiv me Sars Cov 2 (Covid 19), dhe tani ndodhem ne kushte shtepie me trajtim mbeshtetes. Per shkak te situates shendetesore, edhe pse me simptoma te lehta, por edhe te ngarkeses psikologjike normale ne kete situate, e kam pasur te pa mundur te ndjek njoftimet e mediave, te cilat i falenderoj pa perjashtim, duke ju kerkuar ndjese pa fund qe nuk e kam pasur te mundur ti pergjigjem interesimit te tyre shume profesional dhe njerezor. Jam i sigurt qe kam mirekuptimin e tyre ne kete situate.

Falenderoj dhjetra miq, nuk e dija qe kisha kaq shume, qytetare, kolege dhe politikane qe me kane telefonuar e uruar sherim te shpejte, duke me ofruar dhe ndihme te pa kursyer nese situata shendetesore do e kerkoje. Nje mik gazetar e kishte krahasuar Covid 19 me nje “rulete ruse”, dhe eshte krahasim i gjetur, po kaq e vertete eshte edhe perpjekja mbinjerezore e bluzave te bardha kudo ne bote, edhe ne Shqiperi, qe jeten e pacienteve te semure me Covid 19 te mos e leme ne “dore te fatit rulet ruse”, por ti mjekojme e sherojme.

Une kam mjekuar me qindra qytetare deri tani, por tashme jam pacient, dhe nje pacient i veçante, i veçante per faktin se une jam infektuar pasi jam vaksinuar. Dhe ky fakt shtron mjaft pikpyetje, nje pjese e te cilave me ndihmen e kolegeve ka mare pergjigje qe sot, nje pjese presin pergjigje, ndaj se bashku me koleget e Institutit te Shendetit Publik po punojme per investigimin e rastit tim me te gjitha aspektet dhe se shpejti besoj do kemi nje pergjigje te plote. 

Rasti im nuk eshte dhe nuk do te jete i vetmi, por ne vendin tone ndoshta eshte i pari, pasi raste te tilla jane raportuar ne shume vende te botes, vecanerisht me Izrael, ku eshte vaksinuar me shume se 30% e popullsise, dhe kjo ndodh e mund te ndodhe mbas marjes se dozes se pare te vaksines, pasi duhen se paku 2 jave te filloje prodhimi i antitrupave,(per hir te se vertetes analizat serologjike te bera ne disa laboratore, perfshire dhe Laboratorin Virologjik te ISHP konfirmojne IgG pozitive ne rastin tim) dhe ne fund te javes se trete niveli i imunitetit arrin 70-80%, e nje jave pas dozes se dyte mbrojtja eshte e sigurte dhe maksimale. Ndaj eshte shume e nevojshme qe pas dozes se pare te vaksines te vazhdojme te kemi te njejtin kujdes si cdo person i pa vaksinuar. Kjo keshille vlen per te gjithe, sot per bluzat e bardha ne proces vaksinimi, dhe neser edhe per qytataret deri ne marjen e dozes se dyte te vaksines. Duke ju falenderuar te gjitheve, shpresoj dhe lutem ta kaloj sa me lehte kete sprove te veshtire, dhe besoj fort se do kem dhe mbeshtetjen dhe lutjet tuaja! Falemnderit!

Mjeku Andi Koraqi: Vendi ynë nuk ka kapacitete të zbulojë variantin e ri të koronavirusit

21:16 Sociale

Pandemia e COVID-19 përgjysmoi emetimet e dioksdit të karbonit nga fluturimet

20:02 Sociale

Mjekësia shqiptare në zi, ndahet nga jeta anestezisti i njohur

19:46 Sociale

“Ilegale në vendin ku linda”, Greqia i kërkon 27-vjeçares me origjinë shqiptare vizë për t’u futur

19:36 Sociale

Rusia "hakmerret" ndaj Shqipërisë, dyfishon taksën e grurit

19:01 Sociale

Shqipëria në 24 orë: 876 raste të reja, 503 të shëruar dhe 7 viktima nga Covid

17:36 Sociale

FAKSIMILE/ Bashkia Tiranë përgënjeshtron Ina Zhupën: Familja Nozlli përfituese nga programi i rindërtimit, mund të paraqitet të lidhë kontratën

16:47 Sociale

Vodafone do të investojë në STEM dhe në aftësitë digjitale për të rinjtë shqiptarë

16:28 Sociale

Veliaj dhe Ambasadori i Izraelit, homazhe në Memorialin e Holokaustit

12:52 Sociale

Infektimi i Piperos, epidemiologu i njohur: Vaksina nuk të mbron 100%, efektiviteti fillon pas 10 ose 12 ditësh

12:02 Sociale