Te fundit
INVESTIGIMI: Duart e familjes Berisha mbi 'Kompleksin Partizani'
15 Shkurt 2021, 20:08Politika
TEMA
Parrulla që Partia Demokratike përdori gjatë fushatës zgjedhore 2005 ishte “Koha për ndryshim”. Por, sapo ata fituan zgjedhjet dhe u kthyen në pushtet, tetë vjet pas skandalit të përgjakshëm të piramidave financiare, qeveria e Sali Berishës nuk vuri ndër përparësitë e saj ndryshimet për vendin, që kishte premtuar, por privatizimin e Kompleksit Sportiv “Partizani ” i destinuar për familjen e tij. Vetem dy muaj pas marrjes së detyrës, ministri i Mbrojtjes Fatmir Mediu filloi procedurat e privatizimit të qendrës më të madhe sportive në zemër të kryeqytetit, me përmasa 26.000 metra katrorë, qe në fund u pagua vetëm 14.000 euro.
Në atë tokë sot janë ndërtuar dhe po ndërtohen ende dhjetra kulla të kompleksit Magnet 1 dhe Magnet 2 që vlejnë 4.000 herë më shumë, nga të cilat Jamarber Malltezi, dhëndri i ”doktorit”, është bashkëpronar me mbi 40% të aksioneve. Një çështje e errët që prodhoi fitime prej dhjetëra miliona eurosh. Falë ligjit të transparencës, për herë të parë, e gjithë dosja për privatizimin e ” Kompleksit sportiv Partizani ” ka dalë nga arkivat e ministrive me kërkesë të gazetarëve investigativë të Report TV, të cilët e studiuan atë për muaj me radhë. Falë punës kërkimore nëpër arkiva të ndryshme kemi gjetur edhe dokumentat e pabotuara përpara që hedhin dyshimet edhe mbi origjinën e vërtetë të pronës.
Ajo që del është një histori me një mijë pika të errëta, në të cilat shfaqen jo vetëm dyshime për korrupsion dhe abuzim, por që mbi të gjitha, tregojnë sjelljen e një sistemi të tërë shtetëror që, me përjashtime të rralla, pranoi të gjunjëzohej para Sali Berishës duke shkelur çdo normë etike dhe çdo procedurë vetëm që t’i shërbente shefit të tyre. Për herë të parë, do të shfaqen dokumente të pabotuara më parë që mendojmë se janë të dobishme edhe për SPAK për të hedhur dritë mbi këtë çështje, por që sigurisht, përtej përgjegjësive penale, janë prova të pakontestueshme të një skandali politik të paparë. Një mënyrë për të konceptuar pushtetin në sherbim të familjes dhe në konflikt të hapur interesi që klani i Berishës është gati ta ripërsërisë.
1 – Investigimi/ Privatizimi i Klubit Partizani filloi vetëm dy muaj pas marrjes së pushtetit nga Berisha
Menjëherë pas marrjes së detyrës në shtator 2005, pasi zgjedhjet u fituan edhe falë slloganit “‘Koha për ndryshim”, detyra e parë që Sali Berisha i besoi Ministrit të sapo zgjedhur të Mbrojtjes Fatmir Mediu është të fillojë privatizimin e objektit të çmuar sportiv në favor të familjes së tij. Siç thuhet në këtë dokument, që nga 14 nëntori 2005, Fatmir Mediu i dërgoi një kërkesë zyrtare ministrit të ekonomisë Genc Ruli duke kërkuar transferimin e impiantit të klubit Partizani tek individë privatë. I gjithë klubi Sportiv Partizani qëndron në një zonë, e cila, sipas pretendimeve të tyre, i përket 64 trashëgimtarëve të 5 familjeve e ish-pronarëve.
Grupi më i madh i trashëgimtarëve është ai i familjes Begeja e cila ka 27 trashëgimtarë. Në numrin 22 në listës del emri që do të kushtëzojë gjithë çështjen: Jamarber Malltezi, burri i Argita Berishës dhe dhëndri i kryeministrit. Dhe, megjithëse pjesa e tij e pronësisë është vetëm 1/64-ta, në fund të operacionit falë manovrave të tij dhe shperblimit të kërkuar nga trashëgimtarët e tjerë në këmbim të mbështetjes ofruar nga Sali Berishës në të gjithë procedurën e privatizimit, Jamarber Malltezi do të fitojë 35% të të gjithë pronës.
Trashëgimtarët fitojnë kthimin e 26mijë metrave katorë tokë falë një sërë vendimesh të Agjencisë për kthimin dhe kompensimin e pronave të marra pjesërisht në vitin 1996 dhe pjesërisht në vitin 2007, pra gjithmonë në periudhën në të cilën Sali Berisha ishte në pushtet dhe emëroi edhe kryetarin e Agjencisë, dhe për këtë arsye, kontrolloi plotësisht edhe vendimet e saj.
Në shumë ankesa publike të bëra vitet e fundit nga Partia Socialiste duke perfshire nje kallzim tek Spak, pretendohet, ndër të tjera, se ato toka të kthyera ish-pronarëve ishin blerë tashmë nga shteti shqiptar në vitet ’40 dhe për këtë arsye ishin në pronësi publike, pasi ato ishin shitur nga të njëjtat familje qeverisë fashiste të Tiranës, e cila, pikërisht në zonën ku do të ndërtohej Klub Sportiv Partizani më vonë, donte të zmadhonte aeroportin e kryeqytetit. Pra, sipas akuzës, pasardhësit dhe pronarët e rinj i kanë shitur një herë tokat dhe rrjedhimisht kanë humbur të drejtën e rikthimit të saj.
Por cila është e vërteta?
2 – Investigimi mbi privatizimin e Klubit Partizani, 3 dokumentet që hedhin dyshimet mbi origjinën e pronave
Aeroporti i parë i Tiranës u ndërtua nga fashistët në vitet Tridhjetë në zonën e kryeqytetit që për këtë arsye tani njihet sot si ish-fusha e aviacionit. Siç mund ta shihni në këtë hartë origjinale, aeroporti ishte i vendosur në atë kohë jashtë qytetit, afër Rrugës aktuale të Kavajës, e cila në atë kohë quhej Bulevardi Musolini. Kjo është e njëjta zonë e qytetit ku regjimi komunist më vonë ndërtoi Klubin Sportiv Partizani (duke transferuar aeroportin në Rinas) dhe ku familja Berisha në kohët e fundit ndërtoi ato 17 kulla.
Report Tv hetoi në arkivat e shtetit, duke zbuluar të paktën tre dokumenta të shpronësimit të tokës së firmosur nga qeveria fashiste shqiptare, në të cilat figurojnë pikërisht emrat e familjes së Mahmut dhe Xhemal Begeja, domethënë paraardhësit e Jamarber Malltezit nga i cili ai trashëgoi tokën . Bëhet fjalë për dokumentat ekskluzive të pabotuara më parë. Siç e lexoni në këtë dokument të parë, është një “Plan i Detajuar i Shpronësimit”: emri i familjes së Mahmut dhe Xhemal Begeja shfaqet në numrin 9, dhe për ata qeveria shqiptare e asaj kohe synonte të shpronësonte 3,847 metra katrorë për punimet e zgjatjes së aeroportit. Harta tregon parcelën me tokën Begeja.
Dokumenti i dytë është dekreti numër 90 i 29 prillit 1942, me të cilin Francesco Jacomoni, përfaqësuesi më i lartë i mbretit italian, Vittorio Emanuele III, i cili sundoi mbi Shqipërinë e pushtuar nga fashistët, urdhëron që të konfiskohet fillimisht për gjashtë muaj një seri pronash gjithmonë e destinuar për zgjerimin e aeroportit të Tiranës. Midis 22 pronarëve të përfshirë në procedurë, siç thuhet në këtë listë të botuar në gazetën zyrtare dhe mbretërore të 15 majit 1942, emrat e Mahmud dhe Xhemal Begeja shfaqen në numrin 7. Në këtë rast, siperfaqja e konfiskuar nuk tregohet.
Por është dokumenti i tretë i zbuluar nga Report TV që krijon dyshimet më të mëdha.
Ky është një tjetër “Plan i Detajuar i Shpronësimit” i Ministrisë dhe Punëve Botërore italiane në Shqipëri, në të cilin shfaqet me numrin 5 përsëri emri i pronarëve Mahmud dhe Xhemal Begeja, të cilëve qeveria shqiptare e asaj kohe, synonte t’u shpronësonte 28.200 metra katrorë, gjithmone për të ndërtuar zgjerimin e aeroportit. Harta e bashkangjitur në listë tregon edhe parcelën që i përket familjes Begeja. Siç mund ta shihni qartë, parcela 5 e tokës Begeja, që qeveria fashiste synonte të shpronësonte ka një formë trekëndore që kufizohet në jug me rrugën Kroj dhe Shëngjin.
Por siç rezulton në këtë gentpaln, bashkangjitur vendimit të 25 Prillit 1996 me të cilin iu kthyen familjes Begeja 28,000 metra katrorë pronë, parcela ka cuditerisht të njëjtën formë trekëndëshe, të njëjtën madhësi dhe të njëjtin kufi me Kroj e Shengjini me atë parcelë 28.200 metra katrorë që qeveria fashiste synonte të shpronësonte. Nga një shikim i parë duket e njëjta tokë në të cilën, siç dëshmohet nga vendimi i Agjencisë së kthimit e kompensimit të pronave i datës 25 Prill 1996, u ndërtua më vonë nga qeveria komuniste klubi i Partizanit, dhe të cilin Jamarber Malltezi dhe trashëgimtarët e tjerë e rimorën nga shteti pa paguar asnjë lek.
Ndryshe nga ajo që u bë më vonë nga regjimi komunist, i cili kapi pronat pa asnjë kompensim për pronarët, qeveria fashiste në fakt, siç e tregon ky dokument i vitit ’40, si në rastin e shpronësimit të përhershëm ashtu edhe në konfiskimin e përkohshëm, kompensoi pronarët duke paguar qira ose duke paguar vlerën e pronave që hynin kështu për të qenë pjesë e pasurive të shtetit.
Por ato parcela, a ishin shpronësuar dhe paguar nga shteti familjes Begeja, ashtu siç kishin planifikuar të bënin sipas dokumentave? Apo plani i shpronësimit mbeti vetëm në letër?
Për fat të keq nuk ka dokumente të tjera në Arkivin e Shtetit mbi këtë procedurë, ndryshe nga shpronesimet e tjera ku rezulotjnë edhe shifrat e paguara nga qeveria, dhe për këtë arsye është e pamundur të kuptohet se çfarë ndodhi në të vërtetë me ato 32.000 metra katrorë tokë që qeveria shqiptaro-fashiste kishte për qëllim të shpronësonte përkundër pagesës.
Arkivi Qendror i Shtetit ku ruhet edhe gjithë dokumentacioni mbi pronat të kohës së fashizmit u drejtua gjatë viteve të para të pushtetit të Sali Berishës dhe deri në vitin 1997, nga Luan Malltezi, babai i Jamarbër Malltezit. Natyrisht është i dyshimtë fakti që në Arkivin drejtuar nga Luan Malltezi, nuk gjenden dokumentet mbi pronat që pas 54 viteve do të bënin miliarder djalin e tij.
Në vitin 1996, trashëgimtarët e familjes Begeja fitojnë kështu të drejtën për të kthyer pronat e konsideruara si të marra në mënyrë të paligjshme nga Shteti, gjithmonë në zonën e kryeqytetit ku qëndronte dikur aeroporti i Tiranës, tek ish fusha aviacionit. Vendimi mban datën 25 Prill 1996, nënshkruar nga kryetari i komisionit pranë agjencisë së kthimit dhe kompensimit të pronave Lulzim Çollaku (emëruar nga Sali Berisha) i cili u njeh trashëgimtarëve Begeja të drejtën e dëmshpërblimit të vlerës së tokave ose kthimin e tyre me shtesë e drejta e parablerjes së ndërtesave shtetërore të ndërtuara në pronën e tyre. Një e drejtë e cila, megjithatë, mund të ushtrohet vetëm nëse shteti vendos të privatizojë.
Kjo është arsyeja pse nga prilli 1996 deri në vitin 2005 trashëgimtarët Begeja nuk kërkojnë asnjë dëmshpërblim: ata preferojnë të presin kthimin në pushtet të Partisë Demokratike (ndërkohë te kaluar në opozitë pas skandalit të piramidave) dhe kthimin në Shqipëri të Jamarber Malltezit, i cili së bashku me gruan e tij kishte shkuar për të punuar në Kosovë. Vlente të kishin pak durim, sepse sigurimi i privatizimit të Klubit Partizani vlente miliona euro. Në fakt, procesi i privatizimit filloi menjëherë në 14 nëntor 2005, vetëm dy muaj pasi qeveria e re Berisha mori detyrën, e cila dukshëm, nuk kishte përparësi të tjera për të bërë.
3 – Investigimi mbi privatizimin e Klubit Partizani, dyshimet e 4261 metër katror të pronave shtetëror në duart e trashëgimtarëve Malltezi
Pra, sipas ekspertëve që hartojnë Raportin e Vlerësimit dhe sipas hipotekës, nga 26,524 metra katrorë që përbëjnë të gjithë sipërfaqen e Klub Sportiv Partizan, vetëm 22,263 metra katrorë janë në pronësi të trashëgimitarëve, ndërsa 4261 metra katrorë të tjerë. deri në kohën e privatizimit, rezultojnë në pronësi të shtetit. Një sipërfaqe që sipas ekspertëve kap në atë kohë një vlerë prej 114 milionë lekë (të reja) .
Por siç lexojmë në këtë dokument, në datën 16 gusht 2009, Drejtoria e Administrimit dhe Shitjes së Pronave Publike, sektori i shitjes, pranë Ministrisë së Financave, në përfundimin e procedurave të privatizimit ia dorëzon trashëgimtarëve të ish-pronarëve përfshirë Jamarber Malltezin, të gjithë sipërfaqen prej 26,524 metra katrorë, duke përfshirë edhe 4,261 metra që sipas ekspertëve ende i përkasin shtetit. Dhe për ato toka nuk kanë paguar asnjë qindarkë. Në fakt, pasi konsiderohen si ish-pronarë, trashëgimtarët kanë të drejtë të marrin tokën e tyre falas dhe të paguajnë vetëm vlerën e ndërtesave që Shteti kishte ndërtuar mbi to. Po vlen kjo llogjikë edhe për ato 4261 metra katore që rezultojnë ende të Shtetit? Apo kjo sipërfaqe u përfshi pastaj në pronat ende u pa kthyer, por e njohur nga vendimet e Agjencia KKP?
Në pikën 6.4 të kontratës së privatizimit që Report TV ka lexuar, zbulohet një klauzolë e çuditshme, e cila i referohet pikërisht një pjese të tokës që i përket Shtetit. ”Blerësi është i detyruar të bëjë pagesën e pjesës së truallit që do të mbetet shtet pas konfirmit të dhënë nga ZRKK e pronave Tiranë, brenda afatit 30 ditor nga data e njoftimit që do t’u bëhet për këtë qëllim”’. A është paguar një shumë për ato parcela të tokës që nuk rezultojnë nga kontrata? Apo është një klauzolë parashutë e futur në kontratë në një mënyrë për të hutuar qëllimisht për të fshehur fatin e atyre 4,261 metra katrorë?
Skandali është se nëse ato 4261 metra me vlerë mbi 1 milion euro nuk do t’i përkisnin trashëgimtarëve të ish-pronarëve, sepse i përkisnin shtetit, ato nuk mund të përfshiheshin në këtë procedurë privatizimi, pasi siç kërkohej nga ligji duhej të ishin shitur përmes një ankandi publik, i cili përkundrazi nuk u zhvillua.
4 – Investigimi/Si u privatizua edhe pishina që ishte pronë e një privati tjetër
Ky dokument, i datës 22 prill 2008, tregon se Dega e Shoqërive Publike pranë Ministrisë së Ekonomisë, i kërkon Zyrës Rajonale për Kthimin dhe Kompensimin e Pronave informacion pikerisht për pishinën pranë ish-Klubit Partizani. “Kërkojmë nga ana juaj të na konfirmoni çmimin e truallit, sipas hartës së vlerës së tokës, si dhe, nëse ka vendime të Komisionit të Kthimit dhe Kompensimit të Pronave për objektin ‘Pishina Laprakë’ pjesë e Klubit Shumësportësh Partizani, Tiranë”. Në 29 prill 2008, kreu i ‘madh’ i AKKP, Besnik Maho, përgjigjet më shkresën që po shikoni me numër protokolli 1035, ku thuhet se “objekti i mësipërm (pishina) sipas hartës treguese të Zyrës Vendore të Regjistrimit të Pasurisë së Paluajtshme Tiranë, është në pronësi të shtetasit Esat Pira, me numër pasurie 12/27”.
Përgjigja e kreut të AKKP-së shoqërohet nga kjo hartë që tregon pasurinë e Esat Pirës me të dhëna të detajuara.
Por ky dokument u injorua plotësisht nga Ministria e Ekonomisë dhe Mbrojtjes e cila vazhdon procedurat e privatizimit edhe në atë pjesë të tokës që në të vërtetë ishte në pronësi të një personi tjetër. Sic lexohet në këtë Raport për vlerësimin mbi të cilin është i mbështetur procedura e privatizimit, duket qartë që në sipërfaqen totale të kthyer ish-pronarëve është përfshirë edhe pishina, pra prona e Esat Pirës. Si mund të vlerësohet për privatizim një pronë me pronar privat të ligjshëm? Dhe pse ajo njollë trualli nuk u përjashtua nga procedura e privatzimit duke pritur një vendim gjykatë?
Pas 9 vjet përpjekjesh të pafrytshme për të marrë drejtësi, në 14 prill 2017, Esat Pira doli publikisht dhe akuzoi dhëndrin e Sali Berishës, Jamarbër Malltezi, se i kishte rrëmbyer pronën tek ish-Kompleksi Partizani në Laprakë.
“Kjo është një vjedhje që po na bëhet ku pala tjetër është duke përdorur forcën e pushtetit për të ndërhyrë në organet e drejtësisë. Ata nuk kanë pasur asnjë dokument dhe kanë përfituar nga pushteti. Nuk besojmë se kjo çështje merr zgjidhje nga drejtësia shqiptare. Ne jemi të gatshëm ta çojmë deri në Strasburg. Kemi të drejtën ligjore dhe të drejtën nga Zoti mbi këtë pronë”, ka pohuar Esat Pira.
Por Esat Pira ka vdekur pa fituar drejtesi. Nga kartela e kësaj pasurie të siguruar nga Raport Tv, 534 m2 te mbetura nga pishina e ish-Klubit Partizani të Esat Pirës, figurojnë sot në pronësi të ish-pronarëve përfituesve të privatizimit. Një pjesë e parcelës prej 380 metra katrorë eshte sot pronë e drejtorisë së rrugëve.
Drejtësia “alla Berisha” ka zgjidhur me letra çdo pengesë duke mundur gjithmonë më të dobëtin, dhe duke lejuar që Jamarber Malltezi dhe gruaja e tij Argita Berisha të fitojnë një pasuri miliardere. Legalizimi i tjetërsimit të pronave me vendime gjykatash deri në Gjykatën e Lartë është i zakonshëm në Shqipëri, si edhe kthimi i individëve privatë të tokës që në të vërtetë Sheti kishte paguar rregullisht.
Privatizimi i klubit sportiv Partizani është simboli i pushtetit te ish-Kryeministrit Sali Berisha i cili lëvizi të gjitha levat e shtetit për të favorizuar një biznes familjar. Siç do të shohim në episodin tjetër, një abuzim sistematik në konflikt hapur interesi që përfshinte strukturat e Ushtrisë, Ministrinë e Mbrojtjes, Ministrinë e Ekonomisë dhe madje edhe departamentin anti-korrupsion të kryeministrisë në krye të të cilit ishte në atë moment Oerd Bylykbashi, i cili sot paraqitet përkrah Lulzim Bashës si pjesa e re, e moderuar dhe e shëndetshme e partisë së tij.(Shqiptarja.com)
19 komente në “INVESTIGIMI: Duart e familjes Berisha mbi ‘Kompleksin Partizani’”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Hajduteria e Sali Berishes nuk ka te sosur por shpellaret e votojne, vetem drejtesia ne ardhje mund ta gjykoi kete plere, presidenti vjedh thesarin ne flori te shtetit, maloku ka mare peng vendin shpellaret e votojne. Merni shembull nga Kosova o shpellare qe humbisni dhe nuk ipni doreheqjen….
Gavrosh, respekte.
Vertetë që Sali Qeni mbështetet tek debilat pa tru që votojnë qorrazi, pa pikë përgjegjësie, sepse mbetën pa shkolle, si ne regjimin komunist, edhe mbas 1990-es. Derra atehere, derra tani.
Shiko Arkimed Debil Lushajn, dhe nuk ka nevojë per koment.
Pronaret e vjetër akoma nuk kane marre asgje. Ne akoma nuk i kemi marre dot pronat, sepse Argita Berisha dhe grupi i saj i grabitjes e bëri çorbë Shqipërinë, ndersa babai i saj qen bir qeni, nmberi çorbë ligjet ne Parlament.
Spaku kapeet me leket e operacioneve te doktor Edvin Priftit. Ja dhondrri hajdut me 18 kulla mbi klubin Partizoni. 40 perqind aksioner dhondrri me rroge perkthysi. I ati zhduku dokumentat e shpronsimit te italjanve, Vjerri vuri gjithe qeverine qe te vidhte pronen e shtetit. Dhe ky zgjebs Jamserbi me floket si mi kanalesh sot eshte miljoner mbi tokien e te tjerve. Si ka ndertu 40 perqind te 18 pallateve? Ky eshte pastrim i paster i milionave te korrupsionit dhe te vjedhjeve te gjithe fisit Berisha. Aty Spaku ka gropen me te madhe sa dhe gjithe firmat Piramidale. Po pat bythe Spaku ta filloje se i ka te gatshme llokum nga gazetaret. Po nuk pat bythe le te vazhdoje te merret m mjeket, me ate fakiren e Krujes se Dhondrri Zen Peshkaqeni Gjin Gjoni jane mbledh duke pi shampanje te vilat te Tegu tashi
Problemi Mero eshte qe Rilindja eshte njesoj hajdute.
Si tia bejme sipas teje?
Asgje s’ka per te ndodhur! Saliu di se me t’i prishe parate!
Si ka mundesi qe ky plehre dhenderr ka ndertu 40 perqind te 18 kullave!!!!!!!! Cfare parash ka investuar??!?! Ky eshte skandal me i madh se Firmat Piramidale!!!!!!!
Kerma Sali i beri me plan gjerat dhe nga hici qe ka qene behet me saraje me Zenin Giten Jamserbin etj. Ai e kishte shqiperine si ciflikun e tij dhe beri cfare i donte qejfi. Krushkun Krokodil me emrin Luan e beri drejtor arkive ,ministin i biri fatorinos Mediu e kishte si doreze dere plepat e cdrejtesise qe nuk dine nga lidhet gomari i kishte dhe ja sot jetojme te lumtur kurse pronaret nuk kane per te marre kurre gje sa te jene ne fuqi kjo fare e keqe qe edhe bari nuk mbin ku shkel kemba e tyre. Sic benin fashistet sekuestrime apo te huajt edhe cubi Sali e ka yshtur Sheqerja te behet i pasur. Ne asnje vend te botes nuk ndodhin keto gjera mund te kete korrupsion por i ketij lloji kurre. Sot Rama per te gjithe trojet e tjera ka nxjerr ligje qe vlera ka shkuar ne fund kur kthehet dhe shkon ne maksimum po e morren keta per te ndertuar apo shitur. Populli eshte tejet i lumturuar me kafshet e egra pronengrnese.
Mo po ato iken , jane blere e shitur s’ke c’tju gjesh me , po po erdhi prape ne pushtet rradhen e ka SHQUP i , Ministria e Mbrojtjes , me qe eshte i dashuruar me objektet ushtarake, ish KQ i partise , a ndonje objekt tjeter si me ne qender te Tiranes , se dhe ato vende me pronare kane qene para shpronesimit , e meqenese dokumentat jane zhdukur .
Ore e beni pak llogarine e ketij maskaralliku? 40 perqind te 18 kullave. Dhondrri pastroka para ne mes te dites. Ky zvarraniku qenka bo bos me rrogen e Umnikit hahahhahaha. Pastro paret e Zenit dhe te Berishes gomari. Ka per ta honger sa krahu para te gjithve viktima
Keta meritojne shpronesim total te cdo pasurie qe kane vene nen poshtetin e Berishes dhe sekuestrimine e cdo qindarke
Një fjalë e urtë popullore thotë “fjalë shumë punë pak”. Që 30 vjet Sali Berisha dhe të gjithë zagarët e tij, nuk kan bërë gjë tjeter veç kanë vjedhur çdo ditë SHQIPERINË. Ky popull nuk bën asgjë kunder ketyre banditave. Keta flejnë qetë sepse nuk kanë aspak frikë. Personalisht nuk pres asgjë nga “drejtesia”. Uroj dhe shpresoj, që një Avni Rrustem apo Kajo Karafil do ti vendosin në vendin e duhur keta plaçkitsa dhe tradhëtar të kombit.
O me, po vdesin robt neper ambulanca, edhe vaksinat imagjinare nuk pinë ujë, tani dolet prap te Fajin e ka Saliu. Grahmat e fundit, edhe Mero s’po ia del sot.
Shqiperia ka marre tataepjeten. I vetmi shpetim eshte pushtimi i saj nga USA
per nje periudhe 10-vjecare, gjate te ciles te hartohet Kushtetuta Demokrstike,
te ngrihen organet Legjislative, Gjyqesore dhe Ekzekutive; te vihen njerezit ne pune
me detyrim si skllever dhe te rikthehet denimi me vdekje etj.
Personalisht jam rritur duke u stervitur ne ish komplesin Partizani. Mbaj mend heren e pare kur kam hyre ne ate kompleks, jam mahnitur… kishte 4 fusha volejbolli, tenisi, basketbolli dhe 2 fusha futbolli qe ndodheshin te hapura (mesa kujtoj, mbase me teper). Te mbyllura kishte te pakten nje fushe basketbolli dhe nje volejbolli, te dyja te pajisura me dhoma zhveshje, dushe etj. Shihja shume sportiste te cilet sterviteshin ne sporte te ndryshme, nga ato te cilat permenda si dhe hedhje gjyli, hedhje shtize, ateletike etj. Ne fakt, ndiheshe sikur ishe ne nje kompleks te mirefillt sportiv shumesportesh dhe te them te drejten ndiheshe disi krenar dhe me fat qe kishim gjithe ate hapesire dhe mundesi per zhvillimin tone fizik. Natyrisht, mungesa e investimeve ishte evidente, por gjera qe mund te rregulloheshin fare thjesht. Por sic koha e vertetoi, mungonte vullneti per te cuar perapra sportin dhe ate pasuri publike. Eshte e tmerrshme qe qyteti i Tiranes, nje kryeqender me perafersisht 1 milion njerez ne dite, ka te vetmin park Liqenin artificial, qe mund te konsiderohet park i gjelbert (parkun “Rinia” do e konsideroj me teper si parkun e kafeve dhe parkimit, perderisa ekziston Tajvani dhe parkimet private).
Mesa lexova nga shkrimi, historia e kompleksit Partizani lidhet me shpronesime qe jane kryer gjate regjimit fashist ne Shqiperi, qe perkon me periudhen mesa me kujtohet 1939 – 1944. Gjithasthu mesa jam ne dijeni, nuk me kujtohet fiks viti, por ligji per kthimin dhe kompensimin e pronave, i cili ishte ne fuqi ne vitet 1990, parashikon kthimin apo kompensimin e pronave, per shpronesime qe jane realizuar gjate dhe pas vitit 1945, apo fundi i vitit 1944. Pra parashikon kthimin apo kompensimin e prones per “shpronesime” te realizuara gjate periudhes komuniste ne Shqiperi. Nese eshte e vertet qe shpronesimi i ketyre familjeve ka ndodhur perpara, pra gjate regjimit fashist, atehere ai vendim i KKKP qe u ka njohur te drejten bie automatikisht posht, pasi eshte ne kundershim me vete ligjin organik.
Se dyti, ne rast se dokumentat vertet permbajne detyrimin per shpronesim te ketyre familjeve gjate regjimit fashist, duhet te kemi parasysh dhe nje tjeter element, realizimin juridik te veprimit te shpronesimit. Kjo do te thote qe shpronesimi te jete realizuar ne keto vite, ne te kundert, nuk eshte i vlefshem. Kam hasur raste ne praktike ku ka pasur vendime te kohes fashiste per shpronesime, por realisht, procedura e shpronesismit per nje arsye apo nje tjeter nuk kishte mbaruar (ose dokumentat mungonin). Te mos harrojme, se Shqiperia megjithese ka qene ne fillimet e saja, ka qene e mbeshtetur mbi ligje qe percaktonin procedurat qe duhej te ndiqeshin.
Se fundi, pasi nuk deshiroj te zgjatem me teper, Klubi Partizani apo komplesi, ka qene gjithnje ne nje funksion publik. Privatizimi i ketij kompleksi nuk kishte pse te realizohej dhe kthimi i kesaj pasurie pronareve te ligjshem apo jo, nuk ishte nje detyrim ligjor. Aty nder vite vecse u ndertua pa kritere, qofte ne menyre arbitrare me zaptime te hapesirave publike nga “te ardhur” te cilet ndertuan kasollet e tyre me parimin kap e merr. Ne rast se vertet ekziston vullneti i drejtesise per ti shkuar deri ne fund ketij muhabeti, mund te behet fare thjesht pasi keto veprime jane te gjitha veprime qe duhet te ndermerren me akte shkresore (pra lene gjurme). Te shohim nese do te triumfoje serisht babezia apo dicka tjeter
Edhe ket here mediat e Bolinos po i tregojne shqiptareve te verteten e madhe. Po nuk patet sy dhe vesh nuk ka ca tju beje as gazetari i nderuar qe Zoti e ka sjelle per ne nga Italia, dhe as Zoti vete. Lexoni lexoni dhe mesoni shqiptar
Kompleksi “Partizani” eshte Simbol i Grabitjes se Paskrupullte i Sali Kermes ne favor te Dhendrushit Qose.
Tiranen e betonizoj Rama&Veliaj , Durresin Dako e Vloren Gjika.
Ky ka marre 1/1000 e Tiranes.
Po pse Rama nuk ben asnje denoncim per keto vjedhje???
Pse nuk denoncoj asnje minister te Berishes?
Sepse hajduti nuk denon hajdutet .
Llumi llum do.
Lodhuni lodhuni me Analiza ,Saliu etj ,,vrane dhe prene,dhe i perdhunuan te gjithe Shqiperine ..
Ju akoma te Uta…Pfiu…Pfiu…
Faktet jane te pakontestueshme. Dhendrri famekeq ka qene sekseri i kesaj megavjedhje. Edhe sot ka reaguar si sekser i pronareve. Duket qe ai nuk e konsideron veten pronar me ato metra katrore qesharake, por qe papritur e kane bere miliarder. Burg o plehre se zaptove Pd dhe gjithe shtetin