Te fundit
Lutje pas hekurave!
20 Shkurt 2021, 19:00Sociale
TEMA
Në një rend demokratik, shkelja e ligjeve mund të çojë në privim të lirisë së individit, por në asnjë moment në privim të lirisë së besimit. Në Shqipëri kjo e drejtë respektohet me ligj.
Të dënuarit me burg, apo të paraburgosurit, gëzojnë mundësinë e praktikimit të besimit fetar, si edhe studimit të literaturës fetare. Ky është burgu i Fierit. Në qelitë e një kompleksi masiv godinash në 15 mijë metër katrorë sipërfaqe, rrethuar me mure të larta e tela me gjemba, ngrysin ditët 750 të dënuar e të paraburgosur.
Pesha e rëndë e mungesës së lirisë, duket se lehtësohet ndjeshëm në katin e tretë të një prej godinave, aty ku ndodhen disa ambiente të shenjta për të dënuarit.
Distributorët e besimit, ku të dënuarit ushqejnë shpirtin dhe hapin zemrën ndodhen në të njëjtin korridor, ngjitur, kishë e xhami bashkë.
Në burgun e Fierit janë 320 persona që marrin pjesë në shërbesat fetare, nga të cilët 121 të fesë myslimane, 188 të krishterë dhe 1 Dëshmitar i Jehovait. Ushtrimi i besimit dhe ndjekja e riteve është parë prej tyre si një rrugë kalitjeje e durimit dhe ndihmë e pashoqe në përballimin e vuajtjes së mungesës së lirisë. Hapësirë paqeje dhe gëzimi në vendin ku shlyejnë mëkatet ligjore.
Dhimbjen për familjarët që i presin jashtë, e tresin me lutje, lutje që depërtojnë çdo derë qelie, çdo kangjellë hekuri dhe çdo mur betoni.
Toleranca fetare, vlera e pakundërshtueshme e popullit shqiptar është po aq e vyer edhe brenda kangjellave të burgut. Harmonia mes besimtarëve të feve të ndryshme është përkthyer në zero incidente me tyre.
Burgjet në Shqipëri kanë një traditë të gjatë me ambientet fetare të përshtatura brenda tyre. Shërbesat bëhen nga klerikë që futen në burgje në ditët e caktuara falë bashkëpunimit mes Drejtorisë së Përgjithshme të Burgjeve dhe Komuniteteve Fetare në vend.
Rikthimi i të burgosurve në shoqëri është sfidë jo vetëm e sistemit të burgjeve, por e gjithë shoqërisë. Nuk janë të pakta historitë e individëve që pas lirimit nga burgu janë stigmatizuar, çka i ka çuar në një izolim të mëtejshëm. Në këtë kuadër, qasja ndaj besimit shpirtëror dhe ushtrimit të riteve, vlerësohet edhe si një nga ndihmat më madhore për rehabilitimin e tyre në shoqëri.
Për të dënuarit me burg nuk ka urim më ngazëllues se liria, por për besimtarët në qeli mesazhi vijon edhe më tej.
Nga Armand Bajrami dhe Julian Kasapi.
3 komente në “Lutje pas hekurave!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
70% + – 5% e shqiptareve i perkasin besimit musliman. 30% + – 5% i perkasin besimit te krishtere ( ortodoks dhe katolik ).
Kjo statistike bazohet ne origjine te besimit familjar te shqiptareve, dhe jo ne praktikimin e besimit fetar si individ.
Ne burgun e Fierit nga 320 te denuar, 121 vete i perkasin besimit musliman, dhe 188 vete i perkasin besimit te krishtere. 1 person i vetem i perket besimit Jehovah.
Nga statistikat e ketij burgu, del se popullsia e krishtere, edhe pse me perqindjen me te vogel nga dy besimet fetare ne kete vend, na del si nje popullsi 2 here ma problematike me ligjin, ne krahasim me popullsine muslimane !! Ndersa popullsia e besimit musliman, edhe pse perban mazhorancen e popullsise ne kete vend, ne baze te statistikave te ketij burgu na del 2here ma pak problematike ne lidhje me ligjin !!
Tashi, qe ti sherbejme kombit me mire, popullsia e krishtere ose duhet te konvertohet ne musliman, ose duhet te shqyrtohet me mire ceshtja e diskriminimit te krishtere, ose te pakten te korigjohet gabimi ne statistiken e burgut te Fierit, rreth besimeve fetare ne ate burg.
S‘ka çfare te sqarohet ketu Mik, si ne çdo institucion ne shqiperi edhe te burgosurit ne burgun e Fierit sigurisht jane 80%+ – mysliman ku nje % e tyre jo e vogel praktikojne krishterizmin.
Ti qenke per Kryeminister pse nuk thua ????