Te fundit
Arsyet e provokimeve breshëri në Elbasan: Pse Lulzim Basha riaktivizoi planin e 2009-s, kur drejtonte Qarkun?!
19 Mars 2021, 10:01Politika
TEMA
Nga Ylli Pata
Tensionet politike që po ndodhin ditë për ditë në Elbasan, nuk janë aspak zhvillime që vijnë nga poshtë, pra nga baza e lojtarëve në fushë.
Është një strategji e qartë dhe e studiuar me kujdes, duke e kthyer përplasjen si një manovër elektorale.
Që prej “Ditës së Verës”, kur dhe ndodhi përplasja e parë, u pa se Qarku i Elbasanit nuk do të jetë i qetë dhe çdo ditë kemi pasur episode të përshkallëzuara.
Që janë troç dhe fare qartazi, provokime të njëpasnjëshme të elementëve të opozitës, që sipas gjasave, do ta thellojnë më tej.
Lulzim Basha, në Elbasan nuk po praktikon në fakt një taktikë e re, thjesht po përsërit veten e vitit 2009, kur ishte drejtues politik i PD-së për Qarkun dhe ja arriti të sigurojë rezultatin më të mirë të së djathtës në vite; duke dalë barazim 7 deputetë PS-ja e 7 deputetë PD-ja.
Elbasani është një Qark historikisht që ka votuar të majtën në vite.
Në vitin 2011, Partia Demokratike nuk arriti dot të fitojë Bashkinë, edhe pse ishte në koalicion me LSI-në dhe paraqiti një kandidat të majtë si i ndjeri Durim Hushi.
PD ka pasur Bashkinë e Elbasanit vetëm në vitet 90 me Engjëll Daklin dhe në vitin 2000 kur fitoi Ardian Turku, fitore që erdhi si pasojë e fuqisë personale të kandidatëve.
Në vitin 2009, ku PD kërkonte mandatin e dytë, Lulzim Basha zbatoi të njëjtën taktike, duke tensionuar situatën dhe përdorur të burgosurit e burgut të Peqinit, që ju dhanë leje të posaçme, për të ndikuar në votime.
Ekzistojnë kabllograme të Ambasadës amerikane në Tiranë, që më pas rrodhën nga Wikileaks, që e vërtetojnë këtë.
Jo më kot, Basha ka dërguar atje njeriun më afërt të tij në PD, Gazmend Bardhin, për të rizbatuar planin e 2009-s.
Por si është situata realisht? Qarku i Elbasanit ka 14 deputetë. Partia Socialiste vjen nga zgjedhjet e 2017-s me 7 deputetë dhe ka si objektiv të sajin mandatin e 8.
PD-ja mori 3 mandate para 4 vjetësh, LSI mori 2 dhe PDIU-ja ka marrë 2; ku dolën deputetë Aqif Rakipi dhe Bujar Muça.
I pari, sot është rreshtuar politikisht me PS-në, i dyti është pranë Shpëtim Idrizit, pra me koalicionin e PD-së.
Partia Demokratike po lufton që bjerrjen e LSI-së ta përfitojë ajo, duke marrë 2 deputetët e saj dhe duke sulmuar në territor edhe zonën influente të Aqif Rakipit, që është Peqini.
Ndaj ka rikthyer në zonë ish-deputetin Dashnor Sula, që ka qenë drejtues i ekipit të futbollit të Peqinit, i cili ka edhe lidhje familjare me Rakipin.
Rasti i 2009-s, kur Basha arriti barazimin pati një angazhim të fortë të pushtetit për të ndikuar votën me mjete ekstrapolitike, ku u përfshinë edhe mjetet e ushtrisë për të asfaltuar me vrap rrugë fshatrash në Peqin etj, që sot është shumë i vështirë për t’u arritur.
Bashkitë e Qarkut të Elbasanit: Gramshi, Librazhdi Përrenjasi, Belshi, vetë Elbasani janë historikisht të majta.
Rikthimi i Sulës në Peqin, nuk ka gjasa të përmbysë influencën e Aqif Rakipit.
Cërriku është e vetmja Bashki që është drejtuar nga LSI, ku dhe lufton Monika Kryemadhi për të rimarrë mandatin, por që duket mjaft e vështirë.
Shumë njerëz të njohur të LSI-së në Qark tashmë kanë kaluar me PS-në, ndaj dhe u cilësuan si të “inkriminuar” nga Gazmend Bardhi në incidentin e “Ditës së Verës”. Kur ishin me LSI-në ata nuk ishin ashtu, por tani po.
Megjithatë, edhe incidenti i Luçiano Boçit me Gjergj Lucën, i cili ka një biznes shumë të suksesshëm në Labinot, ku ka punësuar një numër të madh punonjësish që tajtohen e paguhen mirë, synon pikërisht që të trembë punonjësit e biznesit, që është më shumë një komunitet social, se një koorporatë e sipërmarrësit të njohur.
Luca nuk është nga Elbasani, si dhe nuk është i përfshirë direkt në politikë, përveç përkrahjes që i ka dhënë disa herë në publik Edi Ramës.
Por, influenca e tij tek punonjësit me të cilët ka marrëdhënie të mira, ka shtyrë Boçin, që është i deleguar në atë zone, që të provokojë hapur, siç e tregojnë edhe pamjet filmike të transmetuara nga gazeta TemA.
Kësaj panorame i shtohet edhe gjuha e egër e Aurel Bylykbashit, i cili nuk është në listën e deputetëve, por që ka bërë të ditur se Basha i ka premtuar se do të kandidojë për Bashkinë.
Bylykbashi ka kërcënuar direkt Taulant Ballën me “gjakmarrje personale”, duke i thënë se “burgun që bëra e kam nga ti”.
Në vitin 2019, Bylykbashi u arrestua si i akuzuar për pengim të dhunshëm të eskortës së kryeministrit në rrugën e Librazhdit.
Bylykbashi u arrestua edhe njëherë tjetër pasi deklaroi se do të ketë luftë.
“Ka vëllavrasje, ka luftë civile? Le të ketë!! Patjetër që le të ketë, ne nuk kthehemi mbrapa sepse nuk do të bëjmë gabimin që bënë gjyshërit tanë në 1944!!
Dhe të ngelemi peng dhe për 50 vjet të tjera.
Nëqoftëse demokracia rrezikohet, liria rrezikohet në këtë vend dhe do trupat tanë për ta mbrojtur, jemi gati”, tha ai para zgjedhjeve të 30 qershorit 2019.
Pra nuk kemi të bëjmë me një incident, por disa të tillë të përsëritur.
Nuk ka një person, por disa dhe që janë drejtues politikë të PD-së, që synojnë provokimin në Elbasan.
Që edhe nëse nuk arrijnë një rezultat të mirë, sebepin për humbjen e kanë në xhep.
Nëse PD do të ishte e bindur se ka mbështetjen e njerëzve në Elbasan, ajo thjesht do të priste votimin qetësisht….
3 komente në “Arsyet e provokimeve breshëri në Elbasan: Pse Lulzim Basha riaktivizoi planin e 2009-s, kur drejtonte Qarkun?!”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Analize e shkelqyer per hajdutin e “Rruges se Kombit”,
kriminelin e Bulevardit “Deshmoret e Kombit”
dhe Tradhtarin e Kombit, Lulezim Basha.
Te gjith Banditet ne Burk
Shteti ka ligje
Me luft nuk meret pushtet po me Vot
Rugacet Rugac do mbeten
Populli e di kush jan Rugacet
Nuk ju jep Vot
Populli do jap Voten ati qe punon
Ne nje vend normal keta rrugaçet e PeDe-se (Partia e Derrave) do te ishin arrestuar dhe me te tilla shkelje te hapura te ligjit nuk do te guxonte gjykate qe ti linte jashte burgut er nja 5-10 vjet. Veprimi i PD-se eshte nje veprim cubash malesh dhe kerkon vetem nje pergjigje, ndeshkimin me fuqine e ligjit. Po te vazhdohet akoma me mosveprim nga ana e organeve te mbrojtjes se ligjit(Policia dhe Prokuroria), me justifikimin se ndoshta acarohet gjendja me keq, atehere kemi nje dorezim komplet te shtetit ndaj krimineleve dhe rrugaçeve. Me mosveprim ndaj ketyre veprimeve te PD-se pa dashje u tregohet shqiptareve qe kjo qeveri nuk ka fuqine e duhur qe te perballet me antishtetin. Kjo do te kete pergjigje ne kutine e votimit dhe PS-ja te mos çuditet nese nuk merr rezultatin e deshiruar. Ka ardhur koha qe shteti te tregoje forcen e duhur dhe te mos kete asnje meshire per shkelesit e ligjit, pa perjashtin se cili eshte individi apo perfaqesimi politik.
Te zbatosh ligjet e vendit eshte detyre e cilido personi edhe organi shteteror, perndryshe ata qe jane ne postet e tilaa me mire te japin doreheqjen sepse nuk e bejne pune ashtu siç duhet.
Qurravitje dhe ankesa qe nuk kemi çfare t’ju bejme shpellareve nuk duhet te degjohen me!
Edhe keta idiote gazetare qe sjellin te tilla shkrime qe gjoja gjendja mund te perkeqesohet nese krijohen te tilla konflikte duhet qe te denohen me perhapjen e rreme te panikut ne njerez. Nuk do te kete asnje lufte, nese zbatohet ligji. Mos kini frike nga disa shpellare qe bejne “te fortin” sepse e dine qe shteti nuk kundervepron siç duhet. I kemi pare se sa “trima” jane shpellaret nje here e nje kohe qe vetem hija e nje perfaqesuesi te shtetit i bente ata qe te sktrukeshin si miu neper shkurre.
PD-ja eshte streha e te gjithe funderrinave te shoqerise, prandaj duhet qe te nxirret jashte ligjit!