Te fundit
Pentagoni në alarm, Rusia rrit presionin në Europën lindore dhe më gjerë
5 Prill 2021, 12:47Bota
TEMA
Nga Ellen Mitchell, The Hill
Rusia ka rritur presionin në Europën Lindore dhe Arktik, një lëvizje që ka vënë në gatishmëri administratën e Biden.
Në dy javët e fundit, Moska ka ndërmarrë disa veprime për t’i treguar Uashingtonit dhe aleatëve të saj, se Rusia është kudo në ajër dhe në det. Vendi ka vendosur trupa ushtarake në Ukrainën lindore, avionët ushtarake kryejnë misione pranë hapësirës ajrore të Alaskës dhe ka rritur aktivitetin e nëndetëseve në Arktik.
“Mendoj se kërcënimet që kemi marrë deri tani nga Rusia kanë qenë shumë të qarta… Ne po i marrim shumë, shumë seriozisht, “tha të mërkurën sekretari për shtyp i Pentagonit John Kirby.
Departamenti i Mbrojtjes është tepër i vëmendshëm për aktivitetin rus pas rifillimeve të luftimeve midis separatistëve të mbështetur nga Moska dhe ushtarëve ukrainas në Ukrainën lindore, duke i dhënë fund një armëpushimi që të dy grupet arritën verën e kaluar.
20 ushtarë ukrainas kanë mbetur të vdekur që nga fillimi i 2021.
Përveç kësaj, në fund të marsit, tre nëndetëse të raketave balistike bërthamore ruse në të njëjtën kohë thyen disa metra akull në Arktik në një stërvitje ushtarake, një manovër që vjen ndërsa Kremlini ka po përpiqet të shtrijë ndikimin e saj në Arktik, raporton abcnews.al
Veprimet agresive të Rusisë kanë shtyrë Komandën Europiane të SHBA-së të rrisë nivelin e saj të gatishmërisë dhe situata në Ukrainë, në veçanti, ka bërë që udhëheqësit më të lartë të sigurimit kombëtar të Biden të diskutojnë me homologët e tyre ukrainas dhe udhëheqës të tjerë në rajon.
Gen Mark Milley bisedoi me Shefin e Shtabit të Përgjithshëm të Ukrainës, Ruslan Khomchak si dhe me oficerin e lartë të Rusisë, Shefin e Shtabit të Përgjithshëm, Valery Gerasimov.
Një ditë më vonë, Sekretari i Mbrojtjes Lloyd Austin telefonoi homologun e tij ukrainas, Ministrin e Mbrojtjes Andriy Taran, për të “diskutuar situatën rajonale të sigurisë” dhe për të dënuar “përshkallëzimet e fundit agresive dhe provokuese ruse në Ukrainën lindore”, sipas Kirby.
Këshilltari i sigurisë kombëtare Jake Sullivan javën e kaluar gjithashtu foli me homologun e tij ukrainas, ashtu si Sekretari i Shtetit Antony Blinken, i cili tha se diskutoi “mënyrat për të forcuar bashkëpunimin rreth sigurisë” me Ministrin e Jashtëm ukrainas Dmytro Kuleba.
Të gjithë udhëheqësit janë zotuar se Uashingtoni do të mbështetës Kiev, raporton abcnews.al
Rusia ka paralajmëruar të premten NATO-n kundër vendosjes së trupave në Ukrainë, duke kërcënuar se veprime të tilla do të përshkallëzojnë tensionet dhe se Moska do të detyrohet të përgjigjet.
“Nuk ka dyshim se një skenar i tillë do të çonte në një rritje të mëtejshme të tensioneve afër kufijve të Rusisë. Sigurisht, kjo do të kërkonte masa shtesë nga pala ruse për të garantuar sigurinë e saj, ”u tha gazetarëve zëdhënësi i Kremlinit Dmitry Peskov të premten.
Kreu i Komandës Veriore të SHBA, Gjenerali i Forcave Ajrore Glen VanHerck, tha se pozicionimi është për shkak të rikthimit konkurrencës mes Shteteve të Bashkuara dhe Rusisë, ashtu si gjatë Luftës së Ftohtë.
“Është e qartë, Rusia po përpiqet të rikonfirmojë në një skenë globale ndikimin dhe aftësitë e saj,” u tha VanHerck gazetarëve të mërkurën.
Në vitin 2020, Komanda e Mbrojtjes Hapësinore e Amerikës së Veriut, e cila është përgjegjëse për mbrojtjen e hapësirës ajrore të Amerikës së Veriut, iu përgjigj duke dërguar në mision shumë avionë ushtarake ruse në brigjet e Alaskës sesa në çdo vit që nga përfundimi i Luftës së Ftohtë.
Qëndrimi luftarak i Moskës duket se ka vazhduar në vitin 2021, për më tepër pas fjalimit të Biden i cili e quajti Putin “vrasës”.
Muajin e kaluar, kur u pyet nëse ai mendonte se Presidenti rus Vladimir Putin ishte një “vrasës” Biden u përgjigj, “PO”, duke shtuar se udhëheqësi rus do të paguajë çmimin për ndërhyrjet në zgjedhjet amerikane në vitin 2020 dhe sulmet e tjera kibernetike.
Duke mbështetur qëndrimin e tij të vijës së ashpër, Biden në fund të shkurtit miratoi një ndihmë tjetër me një vlerë prej 125 milion dollarësh për të mbrojtur kufijtë e Ukrainës kundër Rusisë.
Mbetet për tu parë nëse luftimet në Ukrainën lindore do të intensifikohen më tej ose si do të përgjigjet NATO, por Pentagoni e ka bërë tashmë të qartë se është në gatishmëri.
“Ne po monitorojmë situatën në lidhje me raportet e pozicionimit ushtarak rus dhe forcave përgjatë kufirit.” tha Kirby të enjten.
“Ne u bëjmë thirrje rusëve që të jenë më transparent por kemi mësuar nga historia që të mos besojmë në pretendimet ruse dhe synimet e tyre,” shtoi ai./abc/
Lini një Përgjigje
Më të lexuarat
24 oret e fundit
Javen e fundit
Blog Tema
