Pezullimi i fluturimeve, Meta: Ndërprerja e punës s’është zgjidhje. Siguria e hapësirës ajrore, çështje e sigurisë kombëtare

Ilir Meta ka reaguar në lidhje me mbylljen e aeroportit të Rinasit për shkak të pezullimit të punës nga ana e kontrollorëve të trafikut ajror.

Meta shprehet se është i shqetësuar për shkak se kemi të bëjmë me një çështje të sigurisë kombëtare.

‘Jam shumë i shqetësuar për situatën, që po zhvillohet me ndërprerjen e shërbimeve të fluturimeve ajrore për shkak të reagimit të Sindikatës së Pavarur të Kontrollit të Transportit Ajror, të cilët duket se nuk kanë arritur një dakordësi me Qeverinë dhe organet drejtuese të “Albcontrol”, lidhur me kërkesat e tyre.

Ndërprerja e punës për monitorimin dhe kontrollin e Trafikut Ajror nga kontrollorët e “Albcontrol” nuk është zgjidhje.

Siguria e hapësirës ajrore në Republikën e Shqipërisë, është çështje e sigurisë kombëtare.

I kam paralajmëruar publikisht dhe zyrtarisht të gjitha institucionet përgjegjëse të Qeverisë se duhet të merrnin masa konkrete për t’i dhënë zgjidhje kësaj çështje. Injorimi i kërkesave të kontrollorëve nuk është e drejtë.

Edhe pse askush nga institucionet përgjegjëse nuk ka treguar sinqeritet dhe gadishmëri për të diskutuar në kohë me anëtarët e Sindikatës së kontrollorëve të trafikut ajror lidhur me shqetësimet e tyre, ritheksoj edhe një herë se është e domosdoshme që:

– Kontrollorët duhet të qëndrojnë në detyrë pa asnjë ndërprerje dhe të përmbushin misionin e tyre për të garantuar funksionimin e përshtatshëm dhe pa asnjë problematikë të kontrollit të trafikut ajror shqiptar;

– Në çdo kohë dhe pa ndërprerje të garantohet cilësia dhe objekti i punës së “Albcontrol” për administrimin dhe kontrollin e hapësirës ajrore të Republikës së Shqipërisë për fluturimin ajror civil dhe ushtarak, në përputhje me standardet e pranuara ndërkombëtare;

– Republika e Shqipërisë, si vend anëtar i NATO-s, ka përgjegjësinë dhe detyrimin, që të garantojë, që hapësira ajrore e saj të konsiderohet në çdo kohë e sigurtë për fluturimet ajrore;

– Nuk duhet të lejohet asnjë rrezik për cenimin e sigurisë dhe mirëqarkullimit të hapësirës ajrore në Republikën e Shqipërisë, sidomos në kushtet kur për pak ditë në Shqipëri do të nisë përgatitja dhe zhvillimi i stërvitjes së përbashkët të forcave të vendeve anëtare të Organizatës së Traktatit të Atlantikut të Veriut dhe të vendeve partnere të kësaj organizate “Defender Europe 21”, nga ku pritet që trafiku ajror në vendin tonë të rritet ndjeshëm, si në fluturimet ushtarake, edhe në ato civile.

Qeveria dhe Organet Drejtuese të “Albcontrol”, duhet të vlerësojnë me seriozitet dhe shumë kujdes kërkesat e kontrollorëve, qëndrimet zyrtare që ATCEUC-Kontrolluesit e Trafikut Ajror dhe Koordinimit të Bashkimit Europian, për gjetjen e zgjidhje të drejtë, duke ju referuar praktikave më të mira të vendeve fqinje, për trajtimin e kontrollorëve të trafikut ajror në këtë kohë krize globale të shkaktuar nga Covid-19, ku para së gjithash primare duhet të jetë garantimi i sigurisë së fluturimeve në hapësirën ajrore shqiptare‘, shkruan Meta.

Bllokimi i trafikut ajror, reagon Rama: Saliu dhe Iliri duan mbylljen e aeroportit për të mos ardhur vaksinat. Organizatorët do të kallëzohen penalisht

13:59 Politika

DETAJET: Kampionët e Reformës në Drejtësi takim virtual me Palmer

13:49 Politika

“Po bllokojnë vaksinat”, Balluku akuza Metës dhe Berishës: Ky është grusht shteti. Kanë ekzaltim se do mbyllet aeroporti

13:40 Politika

Anulohen të gjitha fluturimet e sotme në Rinas, reagon Balluku: Kontrollorët bëjnë vetëm 43% të trafikut normal, nga 4400$ rroga u ka shkuar 2490$

13:26 Politika

Basha s'përmbahet, u premton fermerëve: 100 milionë euro subvencione që muajin e parë si kryeministër

13:17 Politika

Salianji është ngeshëm, bën një "dorë" domino me pensionistët: Do t’i lëmë Ramës dopio gjashtën në dorë, ta vdesim fare

13:02 Politika

Tubimet, Shehi: S'jam dakord me fushatën e Bashës! Pas zgjedhjeve opozita ka nevojë për debat të brendshëm! PD pa LSI s'ka asnjë shans

12:46 Politika

Propaganda në Facebook: “Byrektorja” e Bashës komente dhe sharje me profile false për këdo që nuk është dakord me të

12:32 Politika

Palmer: Duam që njerëz me influencë të ndëshkohen, kjo është llogaridhënia

12:23 Politika

Gjiknuri ndjek maratonën “Lungomare 2021”: Vlora do ketë shëtitoren deri në Orikum

12:10 Politika