Te fundit
Vaksimi i të sëmurëve kronikë pa kriter moshe, mjekët: Vështirësi për t’i gjetur, s’kanë numra kontakti
24 Prill 2021, 17:58Sociale
TEMA
Të sëmurët kronikë po vaksinohen kundër Covid-19 pa asnjë lloj kriteri moshor. Mjekët në poliklinika po i njoftojnë ata sipas rëndesës së sëmundjes apo llojit të saj.
Ajo çfarë është vënë re, është mungesa e numrave të kontaktit që po ju vështirëson mjekëve punën për t’i gjetur personat që kanë radhën për vaksinë.
“Po i njoftojmë të gjithë të sëmurët kronikë pa lidhje moshe, por në bazë të sëmundjes. Problem mbetet që ata nuk kanë lënë numra kontakti në dosje ose e kanë ndryshuar atë dhe nuk po arrijmë t’i kontaktojmë”, thotë mjekja Ursina Hajdini.
Për të sëmurët kronikë janë vënë në dispozicion dy vaksina.
“Po vaksinojmë me AstraZeneca dhe kinezen. Këtë e përcakton mjeku në varësi të sëmundjes. Ndërsa Pfizer po e përdorim tek personat e transplanteve, dializa”.
Që prej fillimit të procesit të vaksinimit në vend deri më tani janë vaksinuar rreth 390 mijë persona, duke filluar nga mjekët, mësuesit, efektivët e policisë, punonjësit e medias, punonjësit e fasonerive, operatorët turistik, të sëmurët kronikë dhe personat mbi 60 vjeç.
1 komente në “Vaksimi i të sëmurëve kronikë pa kriter moshe, mjekët: Vështirësi për t’i gjetur, s’kanë numra kontakti”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
I keni numrat e celulareve tek lista e patronazheve!