Rriten frikshëm çmimet e apartamenteve në Tiranë e bregdet, pavarësisht krizës së pandemisë

Kriza e shkaktuar nga pandemia nuk ka prekur sektorin e ndërtimit, sidomos në bregdet dhe në qendër të Tiranës, ku çmimet janë rritur me përkatësisht dyfishim në zonën e parë dhe 16 për qind në të dytën. Ndërsa në shkallë vendi, në vitin 2020 çmimet e shtëpive u rritën mbi 11.3% krahasuar me vitin 2019.

Zonat ku kjo rritje u vu re më fort janë bregdeti, ku sipas anketës së Bankës së Shqipërisë, agjentët imobiliarë raportojnë deri në dyfishim të çmimit dhe në Tiranë.

E ftuar në “Wake Up”, Juliana Nela, ‘Master Broker’ në sistemin imobiliar tregoi arsyet që kanë çuar në rritjen e çmimit të banesave.

“Arsyet e rritjes janë disa. Arsyeja kryesore do të themi është mungesa e një stoku të mirëfilltë në zonat qendrore me një kualitet të lartë ndërtimi dhe me zgjidhje të mira.

Pra, për një kohë të gjatë, kryeqyteti ka qenë i privuar nga leje ndërtimi në zonat qendrore më të preferuara, si Blloku, zonat pranë qendrës, pranë Bulevardit ‘Zogu i Parë’, pranë zonës së Liqenit.

Kjo kërkesë e akumuluar është dashur që të procesohet menjëherë me pronat e reja, të cilat janë në procesin e ndërtimit. Kjo është një ndër arsyet. Afër qendrës ka pasur një farë mungese të ndërtimit dhe kërkesa ka vazhduar të akumulohet ndër vite.

Arsye tjetër shumë e rëndësishme është që kostot e ndërtimit janë rritur konsiderueshëm. Është rritur kostoja e lejes së ndërtimit dhe përbën 12% të vlerës totale të projekti. Kemi edhe një rritje të kostos së tokës. Gjithashtu ka ndikuar edhe tërmeti, që e bëri sigurinë e shtëpisë dhe kualitetin shumë të rëndësishëm.

Dhe pandemia e bëri shtëpinë shumë të rëndësishme, sepse për një kohë njerëzit u mbyllën dhe e panë vështirësinë për një jetuar në një hapësirë të vogël. E panë vështirësinë për të jetuar disa breza në një çati”, tha ajo.

Vetëm se nuk sqaroi se ku mund t’i gjejnë paratë shqiptarët që të blejnë apartamente më të shtrenjta, kur pagat dhe standartet e jetesës nuk janë përmirësuar për të justifikuar këtë rritje të vazhdueshme të çmimeve të apartamenteve.

FOTOT: Veliaj homazhe në nder të Dëshmorëve të Atdheut

11:17 Sociale

Rinas: Rama konfirmon ardhjen e 11,700 dozave të tjera të vaksinës Pfizer

23:36 Sociale

Ndërtoi çezmë në vend të mirë për vajzën autike, gjobitet me 5 milionë lekë

21:30 Sociale

Covid-19 në 24 orët e fundit: 3 viktima dhe 51 të infektuar

17:24 Sociale

A do kemi pasaporta Covid? Nesër mblidhet Komiteti i Ekspertëve për masat e kufizimeve

17:02 Sociale

BE: Disbursohen 90 milionë euro për rimëkëmbjen ekonomike të Shqipërisë

12:00 Sociale

Ronaldo në këmbë falë ndërhyrjes në Spitalin Amerikan

11:52 Sociale

Komisioneri i BE Varhelyi nesër në Tiranë, sjell 145 mijë vaksina Pfizer! Takime me Ramën e Bashën

11:41 Sociale

FOTOT: Në luginën e Vjosës nisin kërkime për naftë, banorët e Përmetit dalin në protestë

10:59 Sociale

Aktori Guljelm Radoja sillet në Tiranë në gjëndje kritike për jetën

10:40 Sociale