Shqipëria ka arritur deri më tani të kryejë 600 mijë vaksinime kundër Covid-19.
Lajmi bëhet me dije nga kryeministri Edi Rama përmes një postimi në “Facebook”.
“600 mijë vaksinime, Shqipëria buzëqesh”, thuhet në statusin e kreut të qeverisë Edi Rama.
Sjellim në vëmendje që në Shqipëri po vazhdon vaksinimi i qytetarëve me vaksinat Pfizer, AstraZeneca, Sinovac dhe Sputnik 5.
Në Shqipëri injektimi i dozave të para të vaksinave anti-Covid nisi në javët e para të Janarit të këtij viti. Kreu i qeverisë ka shpallur si objektivin e radhës vaksinimin e 1 milionë qytetarëve, që do tu siguronte imunitet më shumë se 1/3 të popullsisë.
Përshpejtimi i fushatës së vaksinimeve vjen ndërkohë që na ndajnë pak javë nga çelja e sezonit veror turistik.
Shqipëria si shumë vende të tjera u goditën vitin e shkuar nga pandemia, dhe synojnë të rekuperojnë këtë vit sa i takon përfitimeve nga sektori i turizmit.