“Meta 2”, a shantazhoi presidenti Gjykatën Kushtetuese? Komisioni heton një letër të 5 prillit

Komisioni Hetimor i ngritur nga Parlamenti për shkarkimin e presidentit Ilir Meta u mblodh këtë të hënë me rend dite shqyrtimin e materialeve filmike nga deklaratat publike të kreut të shtetit, deklarata që mund të jenë subjekt i shkeljeve të rënda kushtetuese, sipas kërkesës së bërë nga 49 deputetët socialistë.

Pamjet filmike nisën me përplasjen e Ilir Metës me policinë bashkiake për zyrat e Frymës së Re Demokratike dhe më pas vijoi me një sërë deklaratash të presidentit dhënë për televizione të ndryshme para zgjedhjeve të 25 prillit, mes të cilave edhe deklarata për ku bën thirrje për “kapjen e sfurqeve” si në Libofshë në 1994 për të mbrojtur votën dhe ajo me “prerje duarsh” në sheshin Skënderbej për këdo që do të cenonte votën.

Videot e siguruara nga Autoriteti i Mediave Vizive, sipas kreut të këtij Komisioni, janë të bollshme dhe ftoi anëtarët e Komisionit që t’i shqyrtojnë sipas rastit.

“Pasi është e pamundur që për efekt kohe ne të transmetojmë këtu të gjitha pamjet”, tha kreu i Komisionit Hetimor, Alket Hyseni.

Por, prova e re që mori në administrim ky Komision ishte një letër publike që Presidenti i Republikës i drejton Gjykatës Kushtetuese më datë 5 prill, për të kundërshtuar vendimin e kësaj gjykate për të rrëzuar një kërkesë të Kontrollit të Lartë të Shtetit për të shfuqizuar një nen në ligjin për financat e qeverisjes vendore.

KLSH kundërshtoi që në 2018 një nen që parashikon se njësitë e qeverisjes vendore duhet t’i nënshtrohen auditimit çdo vit nga KLSH, ose auditues të tjerë të licencuar. Kjo shtesë u interpretua nga KLSH si shkelje e kompetencave të këtij institucioni.

Në letrën që Meta i çon Gjykatës Kushtetuese kundërshton vendimin e kësaj të fundit që rrëzoi këtë kërkesë të KLSH dhe gjithashtu edhe mosthirrjen e tij në këtë çështje si palë e interesuar. Komisioni do të shqyrtojë nëse në letrën në fjalë ka elementë shantazhimi ndaj Gjykatës.

“Korrespondenca është jykuar e nevojshme nëse ka ndërhyrje të Presidentit në punën e Gjykatës Kushtetuese”, deklaroi kreu i komisionit hetimor, Alket Hyseni.

Në letrën në fjalë, presidenti Ilir Meta i thotë Gjykatës Kushtetuese se lënia në fuqi e nenit cenon drejptërdrejtë kompetencat e KLSH-së, krijon terren për keqpërdorur në praktikë, cenon hapësirën e veprimit të auditimit të KLSH-së dhe rrit kostot për buxhetin e shtetit.

“Presidenti i Republikës, përmes këtij qëndrimi shpreh shqetësimin e thellë për këtë çështje, e cila edhe pse kishte 3-vite që priste të shqyrtohej nga Gjykata Kushtetuese, kjo e fundit nuk i dha një zgjidhje të drejtë dhe kushtetuese, mbrojtjes së interesit publik dhe as nevojës ekstreme që ka vendi sot për ruajtjen e pacenuar të financave publike”, thotë Meta.

Ditën e martë, Komisioni Hetimor ka caktuar seancën dëgjimore me vetë presidentin Meta. Ky i fundit, që e ka cilësuar ilegjitim këtë Komision dhe vetë Parlamentin aktual.

Kreu i Komisionit të Ligjeve, Alket Hyseni bëri me dije se deri më tani nga Presidenca nuk është marrë asnjë përgjigje nëse Meta do të jetë apo jo nesër para këtij Parlamenti.

Turqia si "kalë Troje" në projektin ushtarak europian

17:49 Politika

12 qershori i PS-së, përballë 13 qershorit të PD-së

17:12 Politika

Debate në KAS, Rusmali kërkon numrin e votave të tjetërsuara: Keni raste konkrete? Avokati i PD: I kemi denoncuar, gjejini ju!

16:25 Politika

Komisioni nxjerr provat kundër Metës, Presidenti refuzon të shkojë: Nuk e njohim këtë parlament njëpartiak

16:19 Politika

Zgjedhjet brenda PD/ Zheji: Edhe pse i ‘plagosur’ Basha duhet ta çojë deri në fund betejën. Olldashi bënte betejë! Çani: PD duhet të hapet, kapiteni kur anija nis e mbytet, hidhet i pari

15:59 Politika

Bozdo jep dorëheqjen nga Komisioni Zgjedhor i PD, reagon Paloka: Kemi Çlirim Gjatën si zëvendësues rezervë

15:49 Politika

Ambasadori izraelit në Shqipëri: Ju tregoj për luftën në Gaza. Me shqiptarët jemi të ngjashëm, le të flasim për ekonominë

15:20 Politika

Grupi kundër Bashës kryetar: Po bën masakër elektorale brenda PD, emëroi KQZ e partisë dhe ka lista fiktive anëtarësie. Kontrollon gjithçka

15:10 Politika

Flutura Açka: Mendoja se nuk do të qaja më pas vdekjes së djalit tim, por humbja e Teatrit më përloti

15:02 Politika

Ku gabuan fitimtarët dhe si Armando Subashi rrezikoi fitoren e Ramës

14:55 Politika