Te fundit
Nga vrasja e Santos, deri te ç’shenjtërimi i politikës
19 Maj 2021, 09:29Blog
TEMA
Nga Frrok Çupi
E shkruar me nxitim, si në sallën e operacionit:
Trupi i Drejtësisë po del me dhimbje nga klinika e vdekjes ku ishte që nga ‘Gjykata e Plepave’.
Atëherë Artan Santo rrekej të mbante në jetë bankat e vendit ku tentonin të fusnin duart mëkatarët, që nga Arsidi, ky francez i shpikur, e deri te Sudja. Por kur e vranë Santon- njeriun- shenjt, sipas etimologjisë së mbiemrit, te koka iu ndodhën gjykatësit e plepave dhe politikanët përbindësha, që e fshehën. Që atëherë nuk mund të guxonte njeri të mendonte se një ditë do të kishte Drejtësi për Santon
Sot është dita kur Struktura Speciale, e emërtuar shkurt SPAK, ka dhënë lajmin se ‘rihapet hetimi për vrasjen e Santos’.
Në atë dosje nuk ndodhet veç Drejtësia, por politika. Në do të takosh politikanë të tmerrshëm dhe pronarë mediash (po kaq të tmerrshëm) atëherë shko në katakombet e asaj dosjeje me emrin Santo.
Pse kaq shumë njerëz dhe kaq shumë lloje njerëzish, në dosjen e Santos?
Vetë bankieri ishte aq i gjerë sa mbështillte brenda kurmit të vet, si djallin edhe epshin. Ai ishte gjeni, ishte edhe i dobët edhe i fortë, poet dhe financier, i dashuruar i përjetshëm dhe i synuar.
Sa shumë ka në këtë hapësirë të ngushtë krimi!
Po rri e mendohet dhe po zemërohet kreu i shtetit se ‘me shkarkimin vijnë ditë më të këqija’. Ilir Meta, teksa luante rolin e kryetarit të Kuvendit, akuzohej sy për sy se kishte përgatitur ‘vrasjen me pagesë’ të politikanëve. Një njeri- alibi për vrasje të paguara u kap në veri të Tiranës, Fushë- Krujë. Emri i tij pastaj doli edhe si ‘vrasës i Santos’. Të ishte i njëjti, ai që u pagua për vrasjen e politikanit, edhe për vrasjen e Santos? Kështu u deklarua dhe pastaj u fsheh menjëherë. Atëherë hijet afrohen shumë.
Edhe një televizion afër Ilir Metës ishte i përzierë ato ditë (ditët e fundit të Tanit) në konfliktin me Santon. Nuk e kisha parë kurrë aq të terrorizuar Artan Santon sa ato ditë! Më fliste për atë televizion, për pronarin e drejtpërdrejtë dhe për Metën. Santo ka qenë një shenjtor i qetë, por me sa duket kishte takuar katallanin. Kuptova se ata kishin shkelur një kontratë dhe i kërkonin Santos o 20 milionë të tjerë, ose…
Po pse guxoi pikërisht tani Drejtësia që të hapë hetimet për vrasjen e Santos?
Kjo e shqetëson politikën e kohës, vetë kryetarin e shtetit e të tjerë, sepse sot e shikojnë veten të dobët para Drejtësisë. Sa e kanë sulmuar këtë të shkretë Drejtësi, që nga dita kur garant u bë SHBA?! Ndoshta pse në sfond u shfaqej Artan Santo, herë si engjëll, e herë si gost.
Ata që ndodhen në dosje nuk janë vetëm njerëz të egër, luftarakë ‘të sfurqeve’ si Iliri. Aty ka edhe bukuroshe të ëmbla. Grida e PD mori flatrat pikërisht nga dosja e Santos dhe fluturoi si politikane, e sot kalëron PD-në e Demokracisë. Disa njerëz rreth saj lëshuan fjalë se Santo ishte njeriu i ‘shpirtit të lirë dhe erotik’, pikërisht për të lehtësuar barrët e veta në çështjen hetimore.
Deri më sot ishte politika që e emërtonte çështjen me disa nofka: ose ‘erotike’, ose ‘azere’, ose ‘asgjë’. Erotika ishte guaska; asgjë- ja ishte harresa e krimit. Ndërsa azerët ishin biznesmenë azerbajxhanas me lidhje në politikën e lartë të vendit tonë, që ia kishte imponuar Santos dhe që mund të kenë dorë… Politika e ka vendosur vetë cilit do t’i jepet drejtësi e cilit jo, cili do të marrë kredi në bankë e cili jo, cili do të jetë i varfër e cili i pasuruar…
Më duhet se Artan Santo, si engjëllor, po merr rolin e ndarjes së epokës, njëra epokë kur Politika vendoste mbi Drejtësinë, dhe epoka që po vjen. Provat e fundit dëshmojnë se po vjen epoka kur Drejtësia do të vendosë mbi politikën.
A nuk i shikoni partitë humbëse dhe liderët e tyre si dhëmballë me nerva jashtë? Nuk ka paqe në PD, nuk ka as në partinë e Metës… Ka dy kryetarë andej, ka edhe dy kryetarë këndej. Nuk ka dorëheqje andej, nuk ka as këndej… Ka bllokim këndej, ka edhe andej bllok…
Militantët mendojnë se pritet që ‘ nyjen’ ta zgjidhë ‘bossi’ i madh. Në fakt nuk po ndodh kështu. Politikën do ta zgjidhë ‘Santo’ dhe ‘Gërdeci’. Gërdeci është dosja e madhe e vrasjeve në masë, me 26 të rënë dhe 300 të plagosur. Të njëjtët janë aq që bënë ‘Gërdecin’, edhe ata që bënë ‘Santon’…
Prapa dosjeve gjyqësore, ‘lum kush të rrojë’ që të zgjidhet a të zgjedhë në partitë fajtore.
12 komente në “Nga vrasja e Santos, deri te ç’shenjtërimi i politikës”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Analize brilante,po hap varrin e kriminileve!
Që Frrok Çupi është gjeni i gazetarisë, këtë e dime dhe e pranojmë te gjithe ne we nuk na bejne përshtypje, as Rama, as Meta, dhe as Krimineli Berisha me taborret e tij prej hajvanësh pa tru.
Por ne qofte se SPAK dhe drejtesia e re, e çliruar nga vargonjte e zinj te binomit te se keqes Berisha-Meta, do denoje fajtorët per tranzicionin e dhimbshem 30 vjeçar të Shqipërisë, atehere fillon epoka e re per popullin tone.
Atehere, edhe hajvanet e sotëm pa tru qe e konsiderojne veten antikomunistë dhe shkojne mbrapa Komunistit Sali, do kthjellohen, do pijnë ujin e paster te drejtesise se pastruar, dhe do të fillojë t’ju rregullohet fytyra, do t’u shkurtohet turiri, dhe do kthehen perseri ne njerez.
Do kthehen ne njerez sepse do kuptojne qe populli dhe jetegjatesia e tij shkojne përtej partive, përtej figurave politike te momentit si Rama, Meta, dhe Katunar Saliu.
Eshte turp, sepse duhet ta kishin kuptuar qe me ikjen e Enver Hoxhës nga ndergjegja e njerëzve. Ai shpelau trute e njerëzve per 40 vjet por u shua si mit, menjehere pas 90-ës.
Por ishte nje shtrese njerezish qe vendin bosh te Enverit ne trute e tyre, e mbushen me Saliun.
Tani eshte koha te nxjerrin Saliun nga truri dhe te fusin si prioritet familjet e tyre, prindërit, fëmijët, dhe te ardhmen, sepse e ardhmja jone shkon shume më larg se sa disa figura momentale, ose parti politike.
Ec Cupi….bravo!!
******
JE GJIGAND !!!
Te gjithe i dine te gjitha! Kur?
Kutia e pandores …!
Gjithe te keqiat e kesaj bote…,jane aty brenda .
Brenda saj qendroi shpresa…pasi u hap!
Gjeni i gazetarise! Humor ne kohe kolere!
“Kullae barit nuk do të digjet!”
B
Bravo për kurajon dhe guximin për të thënë të vërtetat.
“Zjarri gjashtë!!”
Frrok Cupi. Je patriot qe me inspiron. Jam vetem 30 vjec. Shqiperia do behet. Duan apo Sduan armiqte tane. Te pershendes. Pena top.
BRAVO. BRAVO!!
jepi Frok se je ne rruge te Mbare.Do te mbahesh mend gjithmone per Forcen e Fjales dhe Goditjen ne KOHEN E DUHUR.