Bayerni i Mynihut ngre lart kupën e kampionit të Bundesligës për herë të nëntë radhazi dhe të 31-tën në histori. Bavarezët, edhe pse ishin shpallur matematikisht kampionë disa javë para fundit të kampionatit, e festuan këtë sukses pas ndeshjes përmbyllëse, të fituar 5-2 përballë Augsburgut.

Rekord historik edhe për Robert Lewandowskin. Sulmuesi polak, me golin e shënuar në limitet e kohës së rregullt, që vulosi shifrat përfundimtare 5-2, zbriti nga froni i golashënuesit më të mire brenda një sezoni një legjendë si Gerd Muller. 32-vjeçari e mbylli këtë edicion të Bundesligës me 41 gola, ndërsa “Toperdo” Muller maksimumi ka mundur të realizojë 40 gola në një sezon të vetëm, pikërisht në 1971-1972. Lewandowski, praktikisht ka fituar edhe Këpucën e Artë të Europës, pasi askush nuk mund t’i kërcënojë këtë trofe prestigjioz individual.

Sa i përket kronikës, Bayerni realizoi katër herë vetëm gjatë pjesës së parë me autorë Gouweleeuw, Gnabry, Kimmich, Coman, ndërsa për miqtë humbi një 11-metërsh Caliguri. Gjatë fraksionit të dytë Augsburgu mundi të ngushtonte diferencën në 4-2 me finalizimet e Hahn dhe Niederlechner, para se Lewandowski të realizonte golin historik që theu rekordin e Gerd Mullerit.

Bie një kategori më poshtë Werder Bremeni, ku luan futbollisti “dardan”, Milot Rashica, pas humbjes 2-4 ndaj Borussias së Mounchengladbachut, ndërsa Kolni, që triumfoi 1-0 me Schalken, luan “play out” me skuadrën e tretë më të mirë të Bundesligës 2. Kujtojmë që më herët kishtë rënë matematikisht në Bundesligën 2 Schalke 04.

Në Champions, përveç Bayernit, shkojnë edhe Leipzigu, Dortmundi dhe Wolfsburgu, kurse Eintrachti i Frankfurtit dhe Bayer Leverkuseni në Europa League. Në kompeticionin e ri europian, Conference League, do të marrë pjesë Union Berlini.

Rezultatet e javës së fundit:

Bayern Munich – Augsburg 5-2

Dortmund – Bayer Leverkusen 3-1

Eintracht Frankfurt – Freiburg 3-1

FC Koln – Schalke 1-0

Hoffenheim – Hertha Berlin 1-1

Stuttgart – Arminia Bielefeld 0-2

Union Berlin – RB Leipzig 2-1

Werder Bremen – B. Monchengladbach 2-4

Wolfsburg – Mainz 2-3

FREIBURG IM BREISGAU, GERMANY - MAY 15: Robert Lewandowski of FC Bayern Muenchen celebrates after scoring their side's first goal from the penalty spot scoring his 40th league goal, equalling the record for the most goals scored in a Bundesliga season during the Bundesliga match between Sport-Club Freiburg and FC Bayern Muenchen at Schwarzwald-Stadion on May 15, 2021 in Freiburg im Breisgau, Germany. Sporting stadiums around Germany remain under strict restrictions due to the Coronavirus Pandemic as Government social distancing laws prohibit fans inside venues resulting in games being played behind closed doors. (Photo by S. Mellar/Getty Images for FC Bayern)