Te fundit
“Dante Alighieri u dëbua për arsye politike”, çështja shkon për rigjykim 700 vjet më vonë
24 Maj 2021, 15:20Bota
TEMA
Poeti më i famshëm i Italisë, Dante Alighieri, u detyrua të largohej nga Firence, vendi i tij i lindjes, për shkak të bindjeve të tij politike. Ky është konkluzioni i arritur nga një grup avokatësh në maj të vitit 2021, pavarësisht se dëbimi i poetit ndodhi 7 shekuj më parë.
I ashtuquajturi “babai i gjuhës italiane” u dëbua më 1302 dhe më pas u dënua me vdekje pas një grusht shteti nga kundërshtarët e tij politikë dhe aleatë të Papës.
Dënimi që solli dhe largimin e tij u dërgua për rishikim gjatë së premtes në Firence, si pjesë e një nisme për 700 vjetorin e vdekjes së poetit.
“Firence gjithmonë është ndjerë deri diku fajtore për atë që i bëri një prej qytetarëve të saj më të famshëm”, tha për Euronews, Sperello di Serego Alighieri, pasardhësi i poetit.
“Kjo çoi drejt një sërë përpjekjesh për të ndrequr atë që bënë asokohe, dhe kjo ishte pjesë e tyre”, shtoi ai.
Autori i Komedisë Hyjnore vdiq në Ravena më 1321 dhe shpesh kërkoi të kthehej në vendlindje, por nuk ia doli dot.
“Trupi i tij mbeti në Ravena dhe Firence është munduar gjithmonë që ta kthejë”, tha pasardhësi i Dantes. “Unë mendoj se ato duhet të qëndrojnë atje, përderisa ai vdiq aty”.
Kryevepra e Dantes përfundoi vetëm një vit përpara vdekjes së tij dhe e çon lexuesin në një rrugëtim mbresëlënës përmes ferrit, purgatorit dhe parajsës.
1 komente në ““Dante Alighieri u dëbua për arsye politike”, çështja shkon për rigjykim 700 vjet më vonë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Te marrin Maks Haxhine si avukat se ai ua gjen anen ketyre puneve, lol