Te fundit
Intervista që e fundosi: I akuzuari i madh i BBC-së Martin Bashir, pas dorëheqjes vjen ndjesa
24 Maj 2021, 13:27Bota
TEMA
Martin Bashir, një gazetar i BBC-së që intervistoi Princeshën Diana në një intervistë shpërthyese, u kërkoi falje Princave William dhe Harry, por tha se ishte “e paarsyeshme” të lidhësh veprimet e tij me vdekjen e saj.
Një raport nga gjyqtari në pension John Dyson i lëshuar të enjten zbuloi se Bashir kishte porositur deklarata false bankare që sugjeronin në mënyrë të gabuar se disa prej ndihmësve më të afërt të Lady Di ishin paguar nga shërbimet e sigurisë për ta mbikëqyrur atë.
Bashir, 58 vjeç, më pas ia tregoi vëllait të Dianës, Charles Spencer, me qëllimin e suksesshëm për ta bindur atë që të organizonte një takim me Diana-n dhe të fitonte besimin e saj.
Efekt domino i kulturës së shfrytëzimit
Bashir i tha Sunday Times se ai “thellësisht kërkon falje” për djemtë e saj, Princat William dhe Harry.
“Unë kurrë nuk kam dashur ta lëndoj Dianën në asnjë mënyrë dhe nuk besoj se e kam bërë,” shtoi Bashir, sipas AFP.
Por William tha që veprimet dhe intervista e Bashir dha një “kontribut të madh” në prishjen e marrëdhënies së prindërve të tij dhe “kontribuoi në mënyrë të konsiderueshme” në frikën, paranojën dhe izolimin e saj në vitet e mëvonshme.
Harry gjithashtu foli dhe tha se praktikat mashtruese luajtën një rol në vdekjen e nënës së tij.
“Efekti domino i një kulture shfrytëzimi dhe praktikash joetike përfundimisht i mori jetën”, tha Harry.
Diana vdiq në një aksident automobilistik në Paris më 1 shtator 1997, kur ishte 36 vjeç.
Por Bashir i ka mohuar akuzat.
“Unë nuk mendoj se mund të jem përgjegjës për shumë gjëra të tjera që kanë ndodhur në jetën e saj dhe çështjet komplekse që lidhen me ato vendime.”
Unë dhe familja ime e donim atë
“Unë mendoj se sugjerimi që unë jam individualisht përgjegjës është i paarsyeshëm dhe i padrejtë,” tha Bashir.
Ai pretendon se intervista e vitit 1995 u krye nën kushtet e Princeshës Diana dhe se ata mbetën miq të mirë pas transmetimit të intervistës, e cila u shikua nga 22.8 milion njerëz.
“Familja ime dhe unë e donim atë,” tha Bashir, duke zbuluar se Diana kishte vizituar gruan e tij dhe të porsalindurin në spital dhe se princesha kishte organizuar një festë ditëlindje për fëmijën e tij më të madh në Pallatin e Kensington.
Bashir tha se pendohej që i tregoi vëllait të Dianës dokumente false, por që “nuk kishte asnjë lidhje” me rrëfimet në intervistë.
Në intervistën e famshme, Diana tha se ishin “tre prej tyre në martesën e saj”, duke iu referuar marrëdhënies që Charles kishte me Camilla Parker Bowles, dhe ajo pranoi se ajo vetë kishte një lidhje jashtëmartesore.
Akuzat e familjes së Michael Jackson
Bashir nuk ishte shumë i njohur në atë kohë, por më pas bëri emër dhe intervistoi yje si Michael Jackson.
Familja e këngëtarit pop fajëson gjithashtu Bashirin për vdekjen e tij dhe pretendojnë se Jackson u bë gjithnjë e më i varur nga droga pas intervistës.
Bashir punoi për BBC si redaktor i një programi fetar.
Ai dha dorëheqjen javën e kaluar, duke përmendur shëndetin e rënduar, vetëm disa orë para se raporti i Dyson të paraqitej te shefat e BBC. (tesheshi)
2 komente në “Intervista që e fundosi: I akuzuari i madh i BBC-së Martin Bashir, pas dorëheqjes vjen ndjesa”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Un them qe ky gazetar pakistanez Martin Bashir i ka hedh benzine zjarrit. Tha jevgu qe punonte per BBC hajt te bohem edhe une i famshem. Asgje nuk harrohet edhe pse
ka kaluar nje cerek shekulli dhe Bashiri akuzohet nga djemte e Dianes se ishte ai, gazetari qe e manupuloi Dianen permes te vellait qe te jepte kete interviste.
Po pastaj o mendjendritur,ai e detyroi dianen te thoshte ato qe tha?
Dmth ska rendesi cka tha tha ajo,rendesi Ka si u morr intervista?
Ja vure vulen ti meqe ai eshte pakistanez…
Mos harro ,kur shkon Ne angli apo dhe ne europe njesoj te shohin dhe Ty,si pakistanez…