Te fundit
Pozicioni i Berishës dhe ç’po shohim me Bashën
30 Maj 2021, 22:18Politika
TEMA
Nga Spartak Ngjela
Çfarë po shohim me Bashën? Dhe, ku është Saliu, në cilin pozicion politik?
Në thelb, përpara nesh, ne kemi një komedi, e cila vjen nga një mbrojtje fëminore që po i bëhet Bashës dhe po bën vetë Basha, në funksion të humbjes së zgjedhjeve, që ky të mos japë dorëheqjen. Këta thonë: na kanë manipuluar zgjedhjet, por nuk kanë prova.
Por, cila është situata politike e krijuar?
Basha ka humbur zgjedhjet dhe thotë: “kam fituar, se më kanë manipuluar procesin zgjedhor’. Ndërkohë i ka humbur dhe të gjitha gjyqet, dhe sërish po na thotë: po më vjedhin.
Por, Basha po arsyeton jashtë fakteve reale, dhe e ka mërzitur opinionin publik.
Ai thotë në përsëritje: “ne nuk kishim asnjë pushtet në zgjedhjet e 25 prillit”, në një kohë që pushtetet e opozitës i kishte dorëzuar vetë, me rrugën dhe motivin e tij të kryengritjes; kurse kryengritjen nuk e bëri dot në vitin 2019, se i thehu hundët ushtria.
Nga ana tjetër, ka prova që Moska ka qenë në pritje të kësaj kryengritjeje. Po Basha dhe Saliu, e dinin. Sigurisht që e kanë ditur.
Edhe sot jemi në të njëjtën situatë: është i njëjti motiv që përdori Berisha për të dorëzuar mandatet e deputetëve të Partisë Demokratike në vitin 2019. Motivi ishte duke theksuar: “Ne Partinë Socialiste nuk e rrëzojmë dot me vota, se manipulon zgjedhjet me forcën e pushtetit”.
Basha ndërkaq ka dalë në fushatë për t’u rizgjedhur kryetar i PD, dhe të njëjtën gjë përmend në fushatën e tij.
Ajo që bie në sy, është se Basha sërish, nuk ka asnjë ide, dhe po na thotë: do bëjmë ndryshimin e madh në Shqipëri. Por, si mund të bëhet ndryshimi pa ide!!
Këtë e di vetëm Basha.
Në fakt, mënyra se si fliste ai dhe Saliu për zgjedhjet e prillit, kuptohej se të gjithë stisjen e tyre e kishin ndërmarrë për të krijuar motivin e kryengritjes.
Po kryengritjen, pse nuk e bënë, se atë mezi po e priste edhe presidenti Ilir Meta?
Kryengritjen nuk e bënë dot, sepse në datën 26-27 prill, një ditë pas zgjedhjeve, në Durrës filluan të zbarkonin trupat e ushtrisë amerikane.
Këtu u duk se mori fund edhe oreksi i politikës ruse, që kuptohet nga shenjat që po jep, se e ka pritur kryengritjen Basha-Sali.
Megjithatë, Basha nuk po resht së bërtituri për manipulimin e zgjedhjeve të 25 prillit.
Po, ky Basha, budallenj i di shqiptarët? Jo, ai gënjeshtrën kuptohet që nuk e ka për të gjithë shqiptarët, se, në fakt, e ka vetëm për përkrahësit e tij të dehur, që i do për kryengritje. Dhe ka dalë përpara opinionit publik duke i thënë: vetëm unë mund ta rrëzoj nga pushteti Partinë Socialiste.
Por, ndërkohë, pikërisht brenda arsyes së liderit unik, Basha na thotë: “jam shumë i fortë”, kur të gjithë shqiptarët e dinë që ai vetë është skllav i Saliut. Por, vetë Saliu ndërkohë është nongrata në Amerikë… Domethënë, padroni i Bashës nuk pranohet nga Shtetet e Bashkuara të Amerikës. Kurse Basha nuk e përmend fare këtë fakt…dhe Basha është një burrë i ndershëm, dhe i ndershëm është edhe Saliu me arradhën e tij. Por…
.Megjithatë, është fakt që Saliu është nongrata në Amerikë, me akt administrativ të Departamentit të Shtetit dhe sekretarit Blinken, por ky tani ka kaluar në “heroikë politike”, se po na thotë: mua më luftojnë antiamerikanët – domethënë, presidenti i Shteteve të Bashkuara Joe Biden, që ka marrë 82 milionë vota në zgjedhjet presidenciale, është antiamerikan, dhe Saliu po na del “luftëtar i çështjes amerikane”, edhe pse në vitin 1996-1997 ky ishte i bashkuar me islamizmin radikal antiamerikan. Megjithatë, Saliu është një burrë i ndershëm. Dhe të ndershëm janë të gjithë ata që kërkojnë kryengritje në Shqipëri.
Por, nuk kanë forcë për kryengritje, me gjithë ndershmërinë e tyre, se në Shqipëri janë 8000 trupa të ushtrisë amerikane.
Halli dhe frika të bëjnë të nxjerrësh nga goja mbrojtjen me logjikë fëminore.
Por, a nuk i shihni të dy, Sali e Bashë, që janë mbështjellë bashkë me të njejtin mendjelehtësi në funksion të zgjedhjeve dhe kryengritjes për votën e lirë?
Kurse Saliu e ka më të rëndë çështjen: se ka akuzë amerikane. Por edhe këtu, i gënjyer nga mendjengushtësia e njeriut të trembur, po na deklaron se ka hedhur në gjyq për shpifje kundër tij sekretarin e shtetit të Amerikës. Dhe na thotë se e ka akuzuar në Francë.
Nuk kupton derëziu, se ka të bëjë me lidershipin e lartë politik të Shteteve të Bashkuara, të cilin e ka hedhur në gjyq për shpifje në një gjykatë të Francës. Kurse avokatët po pyesin: pse, Shtetet e Bashkuar të Amerikës, janë një koloni franceze?
Po ku pyet Saliu! Pse, pyet një tetëvjeçar se e kujt është prona dhe ç’është pronësia? Megjithatë, Saliu është një burrë i ndershëm…
Kurse jurisprudenca na thotë se, për të çelur një gjyq në Francë, duhet të jesh nënshtetas francez. Po çfarë i duhet Saliut kjo, ai përsëri është një burrë i ndershëm.
Kurse Basha nuk e përmend fare dëbimin e Saliut nga Shtetet e Bashkuara; sigurisht që prapë, edhe ky është një burrë i ndershëm, se po mbron Partinë Demokratike.
Po Partisë Demokratike, i duhet një ndershmëri e tillë për të fituar ndonjëherë.
Jo, nuk fiton dot, por PD është pronë e Saliut, dhe vetë partia e di që ka një pronar të ndershëm.
10 komente në “Pozicioni i Berishës dhe ç’po shohim me Bashën”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
o taku alabaku…le nom …o papagalll…
=
deshtove si avokat dhe u bere anal ist si Andi e Qimi….me shoke….
E pive kafen e dites avokat?
Kokes bjeru avokat. Mos u ler kusur hijenave antishqiptare: Sali & co….
jo jo ka edhe asi tjerë mendojnë si z. Ngjela. p.sh. unë them se po të mos kishte manovra SHBA dhe NATO, Salihu, Basha dhe Albini do të fillonin kryengritjen të ngjshme me atë vitit 97, por kësaj here me gjakderdhje më të madhe. Serbia Rusia, Kurtoviqi dhe Osmaniviqi ishin gati dhe bënini manovra jo larg Shqipërisë për të ndihmuar vllavrasje këtë e din çdo shqiptar i ndershëm.
Per cfare argumenton avokat je i qarte. Shtaza Sali apo derdimeni Luli jane pasuruar ne saje te maskaralleqeve dhe njerezit i dine i shikojne dhe ngushullohen duke share palen tjeter. Nje padrejtesi e vogel ndodh ne cdo shtet tjeter dhe populli behet nje kurse tek ne kur thua te verteten se kerma Sali eshte hajdut edepsez njerezit hidhen po Rama apo x person. Kemi 30 vjet qe pushtetaret nuk mendojne per popullin apo vendin por vetem per xhepin e tyre. Sa me shpejt te zhduket kjo fare e ndyre atehere mbase do dale ndonje njeri i hajrit te drejtoj kete vend per se mbari. Uroj qe te gjithe hajdutet te shkojne para drejtesise.
Po komentojne bajgat e kepuces se Sali Ram berishacic e lulezime bashuqi.
Respekt avokat Ngjela
Taku urıme per shkrımınNuk ke lene hapesıte per komente,
Sı mundet te pranoje humbjen Lulı ,kur do tı duhet menje here te japı dorheqıen,Po u largua sı do te beje kur nuk ka asnje zanat tjeter,Dıkur Gezım Kruja thonte ,,,,,ka lopata bısht 2 meter
Bruti vrau Çezarin, por bruti ishte burre i ndershem!
Mark Antoni keshtu thonte per Brutin dhe Kasin. Jane bura te ndershem nderkohe qe kishin vrare Jul Qezatin ne Kapitol.
Foli dhe ky, ish-kryetari i Komisionit Parlamentar për ngjarjet e 1997, ky që u be mburoja e Saliut, dhe shpetoi Sali vampiring nga burgu. Ik o Taku, se ke shume gjynahe edhe ti.