Te fundit
Vijon vjedhja e rërës në Sardenja: 41 persona akuzohen se kanë marrë... 100 kg rërë
6 Qershor 2021, 15:40Bota
TEMA
Dhjetëra njerëz mund të përballen me një gjobë deri në 3 mijë Euro në rast se vjedhin rërën në ishullin Italian Sardenja. Mediat vendase raportojnë se 41 individë ka vjedhur rreth 100 kg në një nga plazhet e ishullit . Rëra e bardhë e famshme e Sardenjës është e çmuar në ishull dhe është rreptësisht e ndaluar ta vjedhësh atë.
Si pjesë e një hetimi në vazhdim, policia ushtarake dhe doganore në Sardenjë kanë monitoruar aeroportet dhe portet, dhe gjithashtu duke kërkuar në faqet e internetit për shitje të paligjshme. Turistët që përpiqen të vjedhin rërën duke e future në shishe janë kapur gjatë kontrolleve doganore duke përdorur rrezet X.
Policia ka bërë të ditur se ditët e fundit ata kishin zbuluar dhjetëra reklama të paligjshme në internet për shitjen e rërës nga brigjet e ishullit Mesdhe. Tregtia e rërës dhe guralecëve të Sardenjës u bë e paligjshme në vitin 2017. Gjobat e vendosura mund të duken të rënda, por prej vitesh banorët e ishullit janë ankuar për vjedhjen e pasurive të tyre natyrore.
Turistët, kryesisht evropianë dhe përfshirë disa italianë, shesin rërën për ta mbajtur si suvenire ose e bëjnë atë në ankand në internet. Në një faqe në Facebook të ngritur për të nxjerrë në pah çështjen e quajtur “Sardenja grabitur dhe plaçkitur”, përdoruesit shpesh përshkruajnë kërcënimin e vjedhjeve të tilla si një emergjencë mjedisore.
Ekspertët kanë bërë të ditur se vjedhja e rërës me kalimin e kohës do të shkatërrojë plazhet e Sardenjës. Në vitin 2019, një çift francez që vizitonte Sardenjën u kap me 40 kg rërë në bagazhin makinës së tyre.
2 komente në “Vijon vjedhja e rërës në Sardenja: 41 persona akuzohen se kanë marrë… 100 kg rërë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pse e jepni more kete lajm!Qe te shkojne hajdutet shqiptare atje dhe ta gerryejne bregdetin e Sardenjes?
Ju marrte m… shalet juve qe shkruani carcaf per reren e Sardenjes te vjedhur me shishe, e nuk shkruani as edhe nje rresht per reren qe hotelet e Golemit kane vjedhur me maune ne dimer nga kushedi se ku!!! As edhe nje fjale per vijen e bregdetit qe keto hotele kane shkaterruar duke ngritur pista me gure ne det!!!