Miliarderi Richard Branson shkon në hapësirë

Miliarderi Richard Branson ndërmori të dielën aventurën e tij më të guximshme – një fluturim në hapësirë brenda anijes së hapësirës së kompanisë së tij.

Në praninë e një turme prej më shumë se 500 personash që shikonin, një avion me të cilën ishte e bashkangjitur raketa e zotit Branson, u nis për fazën e parë të fluturimit. Në bord ishin zoti Branson dhe pesë pjesëtarë ekuipazhi nga kompania e tij Virgin Galactic.

Plani ishte që mjeti hapësinor të shkëputej nga avioni më i madh në një lartësi prej 13 kilometrash, të aktivizonte motorin dhe më pas të prekteskajin e hapësirës në një lartësi prej 88 kilometrash. Pas disa minutash pa gravitet për ekuipazhin, aeroplani hapësinor ishte parashikuar të ulej në një pistë.

Fluturimi synonte të rriste besimin për Virgin Galactic, e cila planifikon të fillojë të marrë pasagjerë me pagesë vitin e ardhshëm.

Branson, duket se donte të fitonte garën e hapësirës ndaj miliarderit tjetër Jeff Bezos, duke u nisur për fluturimin në hapësirë nëntë ditë para tij.

Ai nuk pritej të fluturonte deri vonë këtë verë, por planifikoi udhëtimin më të hershëm pasi Bezos njoftoi planet për të fluturuar me anijen e tij nga Teksasi më 20 korrik.

Më shumë se 600 njerëz kanë bërë tashmë rezervime për një udhëtim në hapësirë me Virgin Galactic.

Blue Origins zotit Bezos ende nuk ka filluar të shesë biletave apo të bëjë të njohur çmimin e tyre, por në fund të javës së kaluar tha në Twitter se do t’i dërgonte pasagjerët në lartësi më të madhe dhe se anija e tij do të kishte dritare më të mëdha.

Papa Françesku shfaqet në publik për herë të parë pas operacionit

17:30 Bota

Varianti Delta ngjall frikë: Spanja dhe Holanda vendosin masa të reja kufizuese

16:07 Bota

Bullgarët zgjedhin parlamentin e ri mes shqetësimeve për shkallën e korrupsionit

15:55 Bota

Eksekutoi 77 njerëz të pafajshëm, vrasësi masiv i Norvegjisë kërkon të bëhet film jeta e tij

14:12 Bota

Tre radhët me probleme ku shtrihet ekonomia botërore pas pandemisë

14:00 Bota

Po trondit botën, OBSH: Jemi të shqetësuar nga “Delta”, ka vetëm një rrugë shpëtimi

12:41 Bota

Sa i madh është rreziku t’u infektuar me Covid gjatë eventeve masive?

12:06 Bota

Misteri i liqenit “të skeleteve”

11:32 Bota

Taksë globale për korporatat, Samiti i G20-s rishqyrton propozimin e Biden

09:01 Bota

Vala e të nxehtit vret 500 njerëz e 1 miliardë gjallesa detare në brigjet e Kandasë

20:17 Bota