Te fundit
FOTOT: Keqkuptoi sinjalin e lëshimit, e reja bie drejt vdekjes nga 50 m kur sinjali ishte për të dashurin e saj
22 Korrik 2021, 17:02Bota
TEMA
Një vajzë e re ka rënë tragjikisht drejt vdekjes teksa gjatë hedhjes zbavitëse nga një urë në Kolumbi, u lëshua pa u lidhur me litarin elastik, pas sinjalit që ishte për të dashurin e saj.
25 vjeçarja Yecenia Morales, u lëshua nga 50 metra lartësi prej urës së ujësjellësit Amaga, në veri të Kolumbisë.
E diplomuara për avokate po tentonte për herë të parë hedhjen panoramike të njohur si ‘Bungee Jump’ bashkë me të dashurin e saj. I dashuri ishte para saj në radhë dhe ata ishin afro të 90-ët që hidheshin atë ditë nga ura.
Por kur anëtarët e stafit dhanë sinjalin e lëshimit për të dashurin, Morales keqkuptoi urdhrin dhe u lëshua poshtë, megjithse nuk kishte ende të lidhur litarin në kaviljet.
Vajza ra drejt vdekjes poshtë luginës teksa i dashuri nxitoi ta ndihmonte. Grupet e ndihmës që erdhën në vendngjarje e shpallën atë të vdekur.
Gustavo Guzmán, kryebashkiaku i Fredonia, tha për të përditshmen vendase El Tiempo: “Ajo u ngatërrua. Sinjali i hedhjes ishte për të dashurin, i cili ishte lidhur me pajisjet e sigurisë. Ata kishin vendosur te vajza vetëm litarët e sipërm, dhe ajo u ngatërrua e u nxitua”.
Sipas mediave vendase Morales kishte pësuar një atak kardiak para se të mbërrinte në tokë. Vëllai i saj Andres tha se Yecenia ishte një vajzë e lumtur dhe se adhuronte të lexonte, të kërcente dhe kishte shpirt sipërmarrjeje.
Autoritetet kanë hapur hetime ndaj dy kompanive që ofrojnë shërbimet e kërcimeve nga ura dhe pajisjet e përdorura prej tyre.
1 komente në “FOTOT: Keqkuptoi sinjalin e lëshimit, e reja bie drejt vdekjes nga 50 m kur sinjali ishte për të dashurin e saj”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Pse moj vajze, tu keput jeta ne lule te rinise. O njerez, ka shume menyra per te shijuar jeten, nuk eshte e nevojshme te beni gjera te rrezikshme.