Në të gjithë vendin janë 6 vatra aktive. Ministri i Mbrojtjes në një postim në mediat sociale sqaron se Forcat e Armatosura dhe strukturat e mbrojtjes civile janë duke punuar nga toka dhe ajri për izolimin të gjitha vatrave.
Peleshi sqaron se vatrat aktive janë Karaburun, Rips, Gadurove-Selite, Thirë, Margegaj, Theth dhe në Vermosh, por janë larg banesave dhe nuk kanë rrezik për të pasur dëmtime.
“Vazhdon lufta me flakët – Në këto momente Forcat e Armatosura dhe strukturat e tjera të Mbrojtjes civile, nën koordinimin e AKMC janë duke punuar nga toka e ajri për izolimin dhe neutralizimin e flakëve në Karaburun, Rips (Vlorë), Gadurove-Selite (Mallakastër), Thirë (Lezhë), Margegaj, Theth (Tropojë), Vërmosh (Malësi e Madhe). Në të gjithë territorin në këtë moment nuk ka kërcënime në jetë dhe në banesa”, është ky sqarimi i ministrit.
Më herët u njoftua nga Ministria e Mbrojtjes së gjatë 11 ditëve të fundit janë izoluar 163 vatra që rrezikonin jetën e qytetarëve.