Ilir Meta “bëhet i gjallë”: Flet për djegien te “Sarajet”, e kërkon ndihmë nga SPAK

Ilir Meta, ka folur më në fund pas një heshtje të gjatë publike, megjithëse kanë ndodhur zhvillime të rëndësishme në vend.

Presidenti ka publikuar një postim në faqen e tij, në lidhje me zjarrvënien tek “Sarajet” në qendër të kryeqytetit, për të cilën ka një hetim dhe zjarrëfikësit shpëtuan që objekti i trashëgimisë kulturore të shkatërrohej.

Meta, ka bërë thirrje SPAK të hetojë mbi autorët e zjarrvënies, e nga ana tjetër tenton të kanalizojë shkaqet me teoritë opozitare që sulmojnë mazhorancën në menaxhimin e kryeqytetit.

Postimi i plotë

Tirana u gdhi sot me një tjetër monument kulture, “Sarajet”, gati të shkrumbuar nga zjarrvënia e qëllimshme.

Ky akt kriminal dhe i dënueshëm është përdorur rëndom vitet e fundit, për t’i hapur udhën ndërtimit të kullave, “lavatriçeve të pastrimit të parave” në kryeqytet, siç denoncojnë edhe organizatat prestigjioze ndërkombëtare.

Viktimë e “piromanëve” ra pak ditë më parë edhe kurora e gjelbër në “Pallatin e Brigadave”, ku gjithashtu është planifikuar të ndërtohet një kompleks kullash.

Babëzia e shfrenuar e betonit në Tiranë ka shkatërruar shumë monumente historike, tradicionale, kulturore dhe objekte të rëndësisë së veçantë, ndërkohë edhe ato pak të mbetura rrezikohen të zhduken përgjithmonë.

Gjenocidi kulturor, barbaria ndaj identitetit tonë kombëtar dhe kushdo që luan me zjarrin për përfitim personal në dëm të interesit publik, meriton të ndëshkohet me të gjithë ashpërsinë e ligjit.

Nxis organin e Prokurorisë, SPAK si dhe të gjitha institucionet ligjzbatuese përgjegjëse të marrin çdo masë efektive për hetimin me transparencë dhe nxjerrjen para drejtësisë penale të autorëve, frymëzuesve dhe përfituesve të kësaj veprimtarie kriminale.

Yuri Kim: Numri i afganëve që do të vijnë në Shqipëri nuk është vendosur ende, situata ndryshon nga momenti në moment

12:22 Politika

FAKSIMILE: Gruaja e Bujar Nishanit, pronare tek "Sarajet". Veliaj hedh akuza ndaj Nishanit: Zjarri u porosit nga politikanët

10:39 Politika

Heshtja e çuditshme e Ilir Metës

09:42 Politika

Cilat janë tri ambasadat e vetme që po vijojnë punë në Kabul

08:32 Politika

Joe Biden kishte të drejtë

09:29 Politika

VIDEO: “Sarajeve” në Tiranë iu vihet zjarri, të dyshuar vetë pronarët të cilët duan të ndërtojnë aty pallat

09:05 Politika

PROFILI: I prangosur dhe më pas i liruar nga SHBA, kush është lideri i talebanëve

20:50 Politika

'Plas' në PD e Korçës: Kërkojnë që të ndryshohet emri i shoqatës

20:29 Politika

Andi Bejtja: Afganët janë kërcënim për Shqipërinë, SHBA e shkatërroi Afganistanin dhe tani na i sjell ne

19:20 Politika

Manjani sulmon Ramën: Populli të dha autorizim për të qeverisur Shqipërinë dhe jo Afganistanin

19:10 Politika