Te fundit
Doza e tretë e Sinovac trefishon mbrojtjen ndaj Delta
7 Shtator 2021, 18:15Sociale
TEMA
Edhe personat që kanë injektuar dy dozat e vaksinës kineze Sinovac të përdorur gjerësisht për imunizimin e popullatës në Shqipëri, mund të kenë nevojë për një dozë të tretë përforcuese.
Një studim i kryer nga shkencëtarët e Akademisë së Shkencave në Kinë, i cituar nga agjencia e lajmeve Reuters, thotë se doza e tretë frenon reduktimin e nivelit të anti-trupave me kalimin e disa javëve pas dozës së dytë dhe gati e trefishon mbrojtjen ndaj variantit Delta.
Në studim thuhet se 6 muaj pas dozës së dytë nuk u konstatua veprimtari anti-trupash kundër variantit Delta, tek të imunizuarit me Sinovac. Ndërsa injektimi i dozës së tretë 4 javë pas të dytës, gati trefishoi mbrojtjen ndaj këtij varianti. Për të arritur në këtë konkluzion, u kryen eksperimente në laborator tek 66 pjesëmarrës, gjysmës së të cilëve iu injektua doza e tretë.
Studimi nuk tregon të dhëna se sa efikase është doza e tretë në parandalimin e infektimit me COVID-19. Megjithatë, vaksina e firmës kineze Sinovac ka efikasitet të lartë në reduktimin e nevojës për shtrim në spital dhe në terapinë intensive, pas infektimit.
Kjo vaksinë është aporvuar për imunizimin e popullatës në 39 shtete të botës dhe ka marrë rekomandim për përdorim edhe nga Organizata Botërore e Shëndetësisë.
2 komente në “Doza e tretë e Sinovac trefishon mbrojtjen ndaj Delta”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Jo po e 4-ta e 5-ta e me rradhe nga 10 vaksina
Nga 2 po bëjnë në Europë, ca i keni kto lajme!
hahahaaaa SinoVac eshte kineze. Europa e ka nxjere jashte loje si vaksine me pak efikasitet, shqipekaret na nxjerin studimin kinez e thone beni sinovakun e trete se trefishon mbrojtjen !
Me mire thoni qe ky shtet piramide nuk gjen ose paguan dot Pfeizer apo Moderna e jo te na hidhni hi syve
Allah allah !