Te fundit
Pushohet çështja ndaj Altin Hajrit, pasuritë e para të sekuestruara nga OFL i rikthehen pronarit
1 Tetor 2021, 11:53Kronika
TEMA
Të gjitha pronat dhe pasuritë e Altin Hajrit, një prej personave të akuzuar për rrëmbimin dhe vrasjen e Jani Prengës, do t’i rikthehen të zotit, pasi Gjykata e Posaçme e Apelit vendosi të pushojë çështjen për konfiskimin përfundimtar të tyre. Vendimi u mor këtë të premte, pasi ishte vetë SPAK që kishte hequr dorë nga ankimimi i vendimit të marrë nga Gjykata e Posaçme e Shkallës së Parë.
Pronat e sekuestruara, për të cilat SPAK kishte kërkuar fillimisht konfiskim, ishin një kompleks shërbimesh dhe një pikë karburanti, që figuronin në pronësi të Altin Hajrit. Ato ishin edhe dy pasuritë e sekuestruara, të parat nga Operacioni Forca e Ligjit, të ndërmarrë pas miratimit të ligjit special nga e Qeverisë.
Më 3 shkurt 2020, OFL sekuestroi kompleksin e shërbimeve “Vila Golden” dhe një karburant të dhënë me qira një shoqërie për tregtimin e hidrokarbureve, që ndodhet në kryqëzimin Pjezge Xhafzotaj, Shijak.
Sipas Policisë, Hajri rezulton gjithashtu i dënuar me burg nga autoritet italiane të drejtësisë, me urdhërarrestin e datës 15.08.2015, për veprën penale “Trafikimi i lëndëve narkotike, kryer në bashkëpunim”.
3 komente në “Pushohet çështja ndaj Altin Hajrit, pasuritë e para të sekuestruara nga OFL i rikthehen pronarit”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Thuani pastaj që ska drejtësi!!!!A mor popull pret drejtësi nga ata që janë vetë mafiozë….Ska më turp…
Ky vend as behet dhe as ka shprese!
Keto pasuri i ka vene me djersen e droges…..