Te fundit
Prokuroria kërkoi për Tom Doshin 16 vjet përpara se ai të lindte. Gjen vetëm disa “ë” të tepërta, të tjerat diheshin
5 Nëntor 2021, 12:17Politika
TEMA
Tom Doshi
Mbas shtatë muajsh, Sektori i Dekriminalizimit i ktheu përgjigje Komisionit Qendror të Zgjedhjeve për 55-vjeçarin Tom Doshi, emri i të cilit u kthye në vëmendjen e ndërkombëtarëve përpara zgjedhjeve të 25 prillit. Nga shkresat që citon prokurorja Anila Leka kuptohet se kërkimet për Doshin, që në përfundim u dorëhoq nga gara parlamentare e këtij viti, u shtrinë jo vetëm në të kaluarën e largët të tij por edhe në një sërë institucionesh.
Në shkresë përgjigjjen që KQZ-ja ia vendosi në dispozicion në rrugë jozyrtare Gazetës “Si”, theksohet se dekriminalizimi ka kërkuar edhe 16 vjet përpara se Tom Doshi të kishte lindur dhe konkretisht në vitin 1950, atëherë kur ka zbuluar një “ë” më shumë në emrin e babait të tij, një “ë” që më pas iu shtua pa dashje gjatë vitit 1974 edhe Tom Doshit.
Konkretisht në gjetjet e prokurorisë thuhet se “rezulton se në regjistrin themeltar të regjistrimit të popullsisë të vitit 1950 dhe të vitit 1974 të ketë emrin Tomë dhe emrin e babait Gjekë, të regjistruar gabimisht në Tom dhe Gjek në Regjistrin Kombëtar të Gjendjes Civile viti 2010.
Gjatë transkriptimit të kryer në vitin 2001 nga zyra e Gjendjes Civile në njësinë administrative numër 8, Bashkia Tiranë”.
Por mes gjetjeve që janë bërë publike, renditet edhe shpallja non grata nga Shtetet e Bashkuara të Amerikës, pasi sipas Prokurorisë së Përgjithshme “nuk i lejohet hyrja sipas nenit 7031 (c), të aktit të përvetësimeve të konsoliduara FY 2017, të nxjerrë nga Sekretari i Shtetit i njoftuar publikisht më 16 prill 2018 nga Departamenti Amerikan i Shtetit, për shkak të përfshirjes së tij në korrupsion të lartë”.
Prokurorja Anila Leka rendit mes nëntë gjetjeve të tjera të ditura botërisht dhe të deklaruara edhe nga subjekti në fjalë edhe faktin se Doshi rezulton të jetë i dënuar për kundravajtjen “sjellje e padenjë në shoqëri” dhe për këtë është dënuar me një vit heqje lirie në majin e 1990-s. Ndërkohë që në CV-në e tij Tom Doshi nga konstatimet e Prokurorisë së Përgjithshme poashtu rezulton të jetë hetuar për akuzën e plagosjes së rëndë me dashje, viti 1990, organizim dhe pjesëmarrje në manifestime të paligjshme, për protestat e janarit 2012 për të cilën Prokuroria e Përgjithshme ka pushuar hetimet në atë kohë.
Në vitin 2008 sakaq rezulton i hetuar për “goditje për shkak të detyrës” që u ndryshua në “dëmtime të tjera me dashje”, por që u pushua një muaj më pas. Njëherazi përmendet edhe dosja e bujshme e Doshi-Bami-Frroku për të cilën Prokuroria e Përgjithshme kujton se hetoi për kallëzim të rremë, deklarim të rremë para prokurorit dhe refuzim për deklarim të pasurisë; të gjitha këto të dërguara në Gjykatën e Lartë gjatë 2015 dhe që më pas u mbyllën me fitoren e Doshit. Ndaj, prokurorja kujton se “nuk rezulton që të jetë dënuar me vendim gjyqësor jopërfundimtar nga një autoritet gjyqësor shqiptar, për një çështje penale të pazgjidhur me vendim gjyqësor të formës së prerë”.
Megjithatë sa i takon këtyre çështjeve prokurorja Leka ka përmbledhur se për çështjen Doshi-Bami-Frroku nga 26 marsi 2015 deri më 28 mars 2015, Tom Doshi qëndroi i ndaluar në policinë vendore të Tiranës sipas urdhërit të lëshuar nga Prokuroria e Përgjithshme. Për këtë episod Prokuroria e Përgjithshme thekson se Tom Doshi qëndroi nën arrest shtëpiak një muaj pas ndalimit dhe konkretisht deri më 28 prill dhe më pas kjo masë iu zbut në “detyrim me paraqitje” të cilës ai iu nënshtrua deri më qershor të të njëjtit vit.
Doshi konkludohet se ka bërë burg gjatë 1990 për akuzën e plagosjes dhe sjelljes së padenjë për tre muaj nga 26 shkurti 1990 deri më 25 maj të të njëjtit vit. Gjithashtu Prokuroria e Përgjithshme nënvizon se nuk rezulton të ketë indicie apo fakte të bëra publike për veprimtari kriminale jashtë Shqipërisë, për dëbime nga territori I ndonjë shteti jashtë Shqipërisë.(SI)
7 komente në “Prokuroria kërkoi për Tom Doshin 16 vjet përpara se ai të lindte. Gjen vetëm disa “ë” të tepërta, të tjerat diheshin”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Me nje fjale asgje,pra thashe e theme,e lagu se lagu,krimi me I madh del ajo e ne fund.
toma kur ishte ushtar beri nje plagosje me thike mu ne mes te durresit. krimin e mori persiper ymer lala qe beri edhe burgun. thone se toma me te vetet e mbajten mire ymerin ne burg. por eshte e sigurte 100% ae toma ka therur dike (nuk jam i sigurte a vdiq apo jo)
Toma super njeri, te tjerat fjal jan kot, skan ca ti bojn
Tom Doshi doli me i nderuari nga te gjithe.
Ju shi rept tanve ????
po ju le numrin per ankesa
00 355 69 206 6202
Per Tomen skam pasur respekte me perpara. P.o. ate qe beri Toma qe leshoi mandatin e deputet rralle burra e kan ber kete veprime ne shqiperi. Ca beri berisha jo qe sdha dorheqe sa te sqaronte se perse eshte dhen non grata po eshte futur ne lufte me te tere, apo ai fshatari na Cepani qe tha le mandatin e presidenti po fitoi zgjedhjet Rama dhe tani mban karrigen forte, burre me pakaraktere rralle gjejne.
Palo drejtësi, ça ka blrë toma, ka vrarë apo deshin ta vrasin, ka vjedhur apo e kanë vjedhur dhe shantazhuar. Plerat e prokurorisë dhe drejtësise, meruni me vrasës si meta e berisha, po nuk keni bythë as ju as rama që drejton këtë shtet. E dini popullin si dele ku me disa njoftime të pështira dhe me mendje se po largoni vëmëndjen nga vrasjet dhe hedhjet në erë të fshatrave, duke u marë me tomën. Nuk e njof as si njeri e as fizikisht nga afër, di që është një biznesmen ku njerëzit janl qarë hallet. Nëse doni ti hani munë, dhe nuk ju del ai i tomës, ejani dhe hani dhe timin si popull.