Bërnabiç: Nuk pres ndryshim të politikës amerikane ndaj Serbisë

Kryeministrja e Serbisë, Ana Bërnabiç, tha se nuk pret që letra e një grupi të kongresistëve amerikanë, dërguar presidentit amerikan, Joe Biden, ta ndryshojë politikën e SHBA-së ndaj Serbisë.

“Mund të jem naive, por nuk pres asgjë”, tha Bërnabiq, raporton Shërbimi i Ballkanit i Radios Evropa e Lirë.

Sipas disa mediave, disa kongresistë amerikanë i kanë bërë thirrje Bidenit që të shqyrtojë vendosjen e sanksioneve ndaj personave të caktuar, të cilët, siç kanë thënë, kontribuojnë në destabilizimin e situatës në Ballkanin Perëndimor.

Në atë letër, presidenti i Serbisë, Aleksandar Vuçiç, akuzohet për thellim të korrupsionit dhe thuhet se liria e mediave në Serbi ka arritur në pikën e re më të ulët.

Mediat pro-qeveritare, thuhet në letër, kanë avancuar në zhvillimin e “marrëdhënieve reciprokisht të dobishme me Qeverinë”, ndërsa punët e kompanisë shtetërore “Telekom Srbija” janë “të mbuluara me fshehtësi”.

Bërnabiq tha se është më se e qartë se letra është rezultat i një fushate të lobimit.

Më herët, presidenti i Serbisë, Vuçiç, ka thënë se duket sikur “dikush ka shkruar qëllimisht kundër Telekomit” dhe se ai është gjendur aty “ashtu si udhës”.

“Shkruani rezoluta, shkruani deklarata, shkruani çfarë të doni, në fund të gjithë ne qëndrojmë para qytetarëve të Serbisë dhe ata e marrin vendimin përfundimtar”, ka thënë Vuçiç.

Letra është nënshkruar nga kongresistët: Raja Krishnamoorthi, Ritchie Torres, David N. Cicilline, Jan Schakowsky, James P. McGovern, Mike Quigley dhe Jim Costa.

Ajo është publikuar fillimisht nga e përditshmja malazeze Vijesti dhe portali rajonal N1./REL

Në Kosovë mund të vaksinohen edhe të huajt

12:25 Rajoni

Osmani: Rusia synon të zhbëjë arritjet amerikane në Ballkan

11:37 Rajoni

Përse nuk u ftua Kosova në Samitin e presidentit Biden për demokracinë

10:37 Rajoni

Baton Haxhiu: Kam përjetuar 4 luftëra, Vuçiç po tregohet i pamëshirshëm

21:30 Rajoni

Analisti i njohur serb: Richard Grenell paguhet 100 mijë dollarë në muaj për të lobuar në interes të Serbisë. Reagon Grenell

20:47 Rajoni

Kandidati i LDK, Përparim Rama: Në dallim nga të tjerët, fokusi im nuk është politika, por Prishtina!

20:14 Rajoni

Dështon takimi me Escobar, Dodik nuk tërhiqet nga qëndrimet e tij

17:45 Rajoni

Von Cramon: Kosova dhe Republika Srpska nuk duhet të krahasohen në asnjë mënyrë

17:19 Rajoni

Zaev: Nuk do të lejojmë që Mickowski dhe Gruevski të shkatërrojnë vendin sërish

16:47 Rajoni

Asnjë viktimë nga Covid-19 në Kosovë, ja sa të infektuar u shënuan në 24 orë

15:34 Rajoni