‘Dorëheqja e Madhe’ është një term i huazuar nga ‘Depresioni i Madh’ i cili na kujton kohën kur kriza e thellë ekonomike nisi në SHBA dhe kaploi të gjithë botën – por ç ‘lidhje kanë vitet 30’ me fundin e vitit 2021?

Depresioni i Madh nisi në Shtetet e Bashkuara pas një rënieje të madhe në çmimet e aksioneve rreth shtatorit të vitit 1929 duke nxitur një krizë ekonomike e cila zgjati deri në vitin 1941.

Kjo kohë përfaqëson një pikë referimi që na kujton brishtësinë e sistemit tonë ekonomik dhe që do të vlejë përgjatë të gjithë historisë së njerëzimit.

Vijmë në muajin prill 2021, kur më shumë amerikanë i lanë vendet e tyre të punës se sa kurdo tjetër në histori, sipas Byrosë së Statistikave të Punës. Ky rekord u thye në muajin korrik, dhe sërish në gusht. Dhe një tjetër herë në shtator. Kjo prodhojë atë që njerëzit sot i referohen me termin “Dorëheqja e Madhe’.

Plot 4.2 milionë amerikanë hoqën dorë vullnetarisht nga puna vetëm në muajin tetor – një shifër paksa më e ulët se plot 4.4 milionë të tjerë që hoqën dorë në shtator. Në total, 39 milionë vetë kanë hequr dorë vullnetarisht nga puna që prej fillimit të vitit 2021.

Dorëheqja e Madhe përshkruan normën më të-lartë-se-normale të punonjësve që po japin dorëheqjen duke nisur nga pranvera e vitit 2021 e deri ditët e sotme. Termi u piketua për herë të parë nga Pr. Anthoni Klotz, sipas The Boston Globe.

Një sondazh i kryer nga Microsoft në janar të vitit 2021, zbuloi se në rang global më shumë se 40% të punonjësve po konsideronin të linin vendet e tyre të punës.

Por, ekonomisti i Harvard, Jason Furman është shprehur se numri i atyre që po lënë punën mund të jetë në të njëjtin ritëm me vendet e reja të punës që po hapen pas pandemisë, gjë që sugjeron se edhe volumi i lartë i mundësive mund të jetë një katalizator i mundshëm për këtë ‘Dorëheqje të Madhe’.

Në të njëjtën kohë, shumë njerëz kanë pasur mundësinë gjatë pandemisë dhe karantinimit të gjatë, që të kenë një ide më të qartë të asaj që dëshirojnë të bëjnë më karrierën e tyre, gjë që i ka shtyrë të lënë punët e tyre në kërkim të pozicioneve më të volitshme.

Duhet pranuar se njerëzit kanë përfituar edhe nga klima e tregut, duke kërkuar të lënë punën për arsye edhe më tradicionale, siç janë dëshira për kompensim dhe benefite më të mira apo edhe mospasja e mundësive për të avancuar në punët e tyre përkatëse.

Të qëndruarit në shtëpi ka qenë gjithashtu një arsyeje që ia ka ndryshuar këndvështrimin për punën shumë njerëzve. Në këtë kontekst, shumë prej atyre që janë bërë pjesë e kësaj Dorëheqjeje të Madhe, po gjejnë alternativa të reja për të punuar në mënyrë më të pavarur siç është freelancing apo puna në distancë.

Por shumë kritikë kanë pasur dyshimet e tyre, dhe njëri nga ata është gazetari Derek Thompson, nga The Atlantic, i cili ka renditur 3 mite të pavërteta rreth kësaj Dorëheqjeje të Madhe.

Një problem themelor me termin Dorëheqje e Madhe, sipas Thompson, është fakti që tingëllon si një humbje e madhe. Nëse dikush ju thotë se “Kompani ime pësojë një dorëheqje të madhe vitin që shkojë,” ju me siguri do të mendonit se kompania ime ka humbur shumë punonjës. Dhe nëse më pas ju them se ajo u rrit me 20%, ju do të bëheshit konfuz.

Por, kjo është pikërisht ajo që po ndodh në ekonominë e përgjithshme. Shtimi i dorëheqjeve ka prekur më tepër vendet e punës të cilat paguajnë pak, dhe ata që po i lënë këto vende po i zëvendësojnë me punë që paguajnë më mirë. Kjo sipas Thomson, e bën më të saktë të quhet Zëvendësimi i Madh se sa Dorëheqja.

“Mënyra më e mirë për ta menduar këtë zhvendosje të madhe njerëzish është si një revolucion i tregut të punës, më shumë se sa diçka negative,” – thotë ai.

Lodhja psikologjike, apo e njohur ndryshe si burnout, është përfolur shumë kohët e fundit si një shkak kryesor pas numrit të lartë të dorëheqjeve. Por, sipas Thompson, edhe pse mund të tingëllojë çuditshëm shumica e atyre që po raportojnë të tillë lodhje psikologjikë, janë të punësuar në vende që paguhen mirë dhe janë shumë më pak të predispozuar për ta lënë punën.

Ndaj, ajo që raportuesi i The Atlantic thekson është se ai “nuk po thotë, që lodhja psikologjike nuk ekziston”, por se është më e rëndësishme të fokusohemi tek shkaku kryesor i këtij fenomeni – që është nevoja e njerëzve për të lënë punë që paguhen pak, në tentativë për të gjetur vende ku vlerësohen më mirë.

Gjatë kësaj periudhe, punonjësit e industrisë së hotelerisë dhe restoranteve po japin dorëheqje 4 herë më shumë se ata që punojnë në sektorë më elitar, siç janë shërbimet profesionale dhe biznesit, thotë Thompson.

Sigurisht, gjatë këtij viti ne po shohim shifra rekord të njerëzve që po lënë punën, por ky fenomen ka kohë që ndodh. Më saktë, ka që në kohën kur ekonomia u pasurua me botën digjitale dhe tregun online. Gjithnjë e më shumë industri, aplikacione dhe vende alternative pune po bëhen të qasshme nga qytetarë nga e gjithë bota, të cilët sot si asnjëherë tjetër në historinë e njerëzimit, nuk kanë nevojë të zhvendosen për të nisur një punë të re.

Dhe sado që jo të gjitha punët mund të bëhen nga shtëpia, pandemia ka qenë një moment kyç i cili përcaktoi këtë revolucion global për sa i përket punës në distancë.

Kjo, e bashkuar me revolucionin e madh teknologjik dhe me frikën e njerëzve se punët e tyre ekzistuese mund të bëhen të automatizuara – pra do të zëvendësohen nga një sistem robotik ose inteligjencë artificiale – ata përdorën kohën e shtuar gjatë karantinimit, për të bërë zgjedhje më të zgjuara dhe me perspektivë më afat-gjatë për sa i përket jetës së tyre profesionale.

Mbetet vetëm për t’u parë se ç ‘efekt do të ketë kjo Lëvizje e Madhe historike, në momentin që dallga që po merr me vete miliona njerëz, do t’i afrohet bregut.

2 komente në “Dorëheqja e Madhe – çfarë po i shtynë miliona vetë të largohen nga puna?”

Ja edhe nje aresye kryesore e doreheqjes se madhe says:

10 Dhjetor, 2021 23:00 te 11:00 pm

Doreheqja e madhe ka te beje me faktin qe shume njerez nuk besojne ne vaksinimin e detyruar dhe ata preferojne me teper lirine se sa tiranine e vaksinave te detyruara dhe ekperimentale qe nuk dihet se cfare globalistet kane vendosur tu injektojne njerezve. Te gjithe te tjerat jane filozofi boshe te ketij artikullshkruesi. Liria per te futur ne trup vetem ato qe i vendos individi i lire dhe jo qeveria e ‘big brother’ jane me se kuptimplote. Do te vije nje dite tjeter qe qeverite globaliste do te vendosin per injektimin e njerezve me cfare te duan ato si edhe futjen ene trupat e tyre te lloj lloj paisje elektronike sepse ashtu ju do bytha globalisteve. Vetem nazizmi injektoj miliona njerez me viruse, bakterie dhe kimikate eksperimentale. Bota ne 9 Maj 1945 i that jo ketyre praktikave cnjerezore dhe nenshkroj Kodin e Nurenbergut. Jo me injektime te detyruara ne trupat e njerezve te lire.

Përgjigjjuni
Jai-i9 says:

11 Dhjetor, 2021 08:32 te 8:32 am

Ka shumë njerëz që janë të frikësuar deri në palcë prandaj nuk duan të dalin as nga shtëpitë e tyre e Jo më të punojnë. Kanë të drejtë se asnjë qeveri nuk e manaxhoi mirë dhe mbajti nën kontroll situatën në fillim Megjithatë asnjë qeverie nuk I intereson vdekja masive e njerëzve se qeveria humbet arsyen themelore të të ekzistuarit të saj dhe siguria kombëtarë dhe botërore cënohet rëndë. Nuk ju intereson atyre 7% të njerëzve dhe korporatave që mbajnë 90% të parave botërore në xhepa ( dhe që lozin me qeveritë si tu dojë bytha ) që njerëzit të vdesin masivisht apo virusi të qarkullojë për një kohë té gjatë, sepse e para e punës virusi nuk njeh kush është I varfër apo I pasur e i mer edhe ata përpara dhe e dyta e punës nuk ka (skllevër) kush tua bëjë punën. Prandaj në Maj / Qershor 22 ka shumë mundësi që vaksina të bëhet e detyrueshme në shumicën e globit ( Rusia Kina, Irani , Brazili, etj mbase e kundërshtojnë për disa javë , po pastaj do ta zbatojnë edhe ata).
Ai grusht I vogël ekstremishtësh që gënjejnë dhe marin në qafë njerëzimin me konspiracitë e tyre prej rëre duhen bllokuar dhe injoruar.

Përgjigjjuni