Gent Sejko: Ekonomia tejkaloi pritshmëritë tona

Shoqata Shqiptare e Bankave zhvilloi takimin tradicional të fundvitit pas 2 viteve shkëputje nga pandemia.  Në fjalën e tij guvernatori i Bankës, Gent Sejko u ndal tek performanca e ecurisë ekonomike gjatë 2021.

“Ekonomia shqiptare ka treguar një rimëkëmbje të dukshme gjatë vitit 2021, duke tejkaluar pritshmëritë tona fillestare. Ritmi i vazhduar pozitiv i rritjes ekonomike është i fortë, me bazë të gjerë dhe i prekshëm. Prodhimi i brendshëm bruto tashmë ka arritur nivelin e para-krizës; punësimi po rimëkëmbet; bilancet financiarë janë rritur, ndërsa treguesit kryesorë të shëndetit të sektorit bankar janë përmirësuar. Burimet e rritjes ekonomike i janë rikthyer tendencës së tyre rritëse dhe asaj të diversifikimit të duhur”.

Guvernatori Sejko u shpreh se sektori bankar i vendit ishte i qëndrueshëm ashtu sikurse dhe portofoli i kredive.

“Sektori bankar shqiptar, edhe këtë vit, vijoi tendencën e tij të ecurisë pozitive dhe u shfaq i qëndrueshëm ndaj goditjeve nga jashtë. Veprimtaria e sektorit vijoi të zgjerohej mbështetur kryesisht nga depozitat vendase, por pa ndikuar kapitalizimin e përgjithshëm të sistemit bankar. Portofoli i kredive tregon një rritje të mirëdiversifikuar, si në lekë dhe në monedhë të huaj. Raporti i kredive me probleme është ulur nga 8.13% në 6.3%, duke përfituar nga rritja e portofolit total të kredive dhe nga reduktimi i kredive me probleme”.

Banka e Shqipërisë nënvizon se do ketë përkushtim të palëkundur dhe do vijojë mbështetjen ndaj sektorit bankar dhe gjithë veprimtarisë së saj.

Paga mesatare, shqiptarët mbeten më të keqpaguarit në rajon

22:00 Ekonomia

Nafta shqiptare, vdekja e ngadaltë e një industrie gjigante

19:20 Ekonomia

AMF zhvillon aplikacionin për përllogaritjen e dëmeve ndaj personit në aksidentet rrugore

13:03 Ekonomia

Çmimet rriten, pagat ulen: E “pësojnë’ bankierët dhe IT

09:16 Ekonomia

Rezervat e arit: Shqipëria, 13 herë më pak se Serbia

19:29 Ekonomia

EUROSTAT: Emigrantët shqiptarë në BE dërguan një rekord prej 1 miliard eurosh në 2020-n

16:35 Ekonomia

Klik Ekspo Grup si asnjëherë tjetër, me pjesëmarrjen e delegacionit të përbashkët të WB6

18:00 Ekonomia

Transferimi i fitimeve jashtë vendit këtë vit është në nivelet më të larta historike

09:59 Ekonomia

Plani i BE-së për uljen e çmimeve të energjisë

09:32 Ekonomia

Shqipëria “thith” 711 milionë euro investime të huaja

10:26 Ekonomia