Te fundit
Skandalet pas publikimit të listës së pagave: Jam në Itali, por zbulova se punoj në një kompani private në Tiranë
29 Dhjetor 2021, 10:54Kronika
TEMA
Çudirat pas publikimit të listës së pagave të 360 mijë shqiptarëve duket se nuk do të sosen edhe për ca kohë. Njerëz që punojnë jashtë vendit kanë zbuluar se “punokan” edhe në Shqipëri: Madje njëri prej tyre shofer në një kompani të njohur private në Tiranë.
A.M., 24 vjeç, nga periferia e Durrësit, kontaktoi me ne, ku bëri të ditur shqetësimin e tij. Ai ndodhet në Itali prej korrikut ndërkohë që më parë punonte mekanik ku t’i dilte punë. Pas publikimit të listës së pagave disa ditë më parë, A.M. ishte telefonuar nga i vëllai i tij, i cili i kishte treguar se deri në prill të këtij viti rezultonte se punonte si shofer në një kompani private me rrogën minimale prej 30 mijë lekësh.
“E dija që ka një dokument që tregon të gjitha të dhënat, përfshi edhe pagën por nuk isha bërë kurioz duke qenë se e dija se emri im nuk do të ishte aty; familjarëve ua dija rrogën, kështu që nuk më interesonte. Por vëllai më dërgoi një video ku dilte emri im dhe puna që unë (nuk) bëja”, tregon A.M.
Vëllai i A.M. kishte kërkuar emrat e gjithë pjesës tjetër të familjes dhe A.M kishte “rezultuar” punëtor në një kompani private, të cilën e kishte në pronësi një kushëriri i tyre, me të cilin kanë marrëdhënie të mira. Bashkë me emrin e A.M. ishin dhe emrat e 4 fëmijëve të kushëririt pronar, edhe i madhi që ndodhet jashtë vendit për studime.
“Ky kushëriri më ka marrë një CV para një viti me idenë se do të shohë për një punë për mua. Kartën e identitetit mund ta ketë marrë në çdo moment sepse rrija shpesh me të”, tregon A.M., i cili shpreh habinë se si ai mund të jetë regjistruar si punonjës në një kompani, ku i paguhen siguracione dhe se si tërhiqen paratë e “tij” në bankë…
Ndërkaq, të rinj të tjerë, të cilët nuk janë prekur direkt nga skandali i publikimit të rrogave, duket se janë indiferentë. “Jam në rregull për aq kohë sa çdo pjesëtar i familjes time nuk preket. Më vjen mirë që dolën rrogat ‘skandal’ që të gjithë të kuptojmë dhe një herë se si funksionon në vendin tonë”, thotë një i ri në gjimnazin “Qemal Stafa”.
Arditi, një tjetër i ri po në këtë shkollë, thotë se kjo ishte për të një mënyrë për të hapur sytë të gjithë, gjithashtu dhe për të kuptuar se si funksionon pjesa e rrogës bashkë me gjithë “kleçkat” e saj.
“Nuk më intereson në fakt pasi unë nuk punoj por gjithsesi e kam hapur për të parë rrogat e personave që njoh dhe sidomos të atyre që ‘ankohen’ për paratë”, tregon një tjetër gjimnaziste në rrugën e Durrësit.
Disa të rinj të tjerë të moshës 20-23 vjeçare thanë se publikimi i pagave ishte një mënyrë për të shuar kuriozitetin “alla shqiptar”, asgjë më shumë. “Pagat e askujt nuk më bëjnë përshtypje sepse e di se çfarë nuk mund të presësh, por gjithsesi kam kaluar disa orë të mira duke parë pagat e të afërmve, thjesht për kuriozitet”, tregon Anisa, 22-vjeç.
*Inicialet në këtë shkrim janë ndryshuar.(SI)
7 komente në “Skandalet pas publikimit të listës së pagave: Jam në Itali, por zbulova se punoj në një kompani private në Tiranë”
Lini një Përgjigje
Lini një Përgjigje
Më të lexuarat
24 oret e fundit
Javen e fundit
Blog Tema
Kur punoja ne Nd.Rruga Ura Vlore pas vitit 2000 regjistroheshin ne list pagesa punetore sikur punonin ne NDERMARJE por ne fakt pagat vidheshin nga drejtori dhe k/ing.vune para te madhe me tenderat mernin 10% e vleres se punime te rrugeve,i ndanin me politikanet e F.Nanos.Ketu te gjihte ne pune shteti qe jane drejtues VJEDHIN qe nga Drejtorite arsimore qe marin ne pune mesueset e tek rektoret e universiteteve qe marrin 5000 euro pale ata me tendera,bir Selman i nenes ke te qash me pare
SHtete rumpalle .Si ja beni kure vritet ndonje puntore qe nuke ka emrin e vete.??????? apo groposet ne betonet e objekteve qe ndertohen .
Tamam veprimtaria e mafies se ndertimit,e organizuar nga njerzit e pushtetit ,qe s’bejne gje tjeter ,vecse fryjne apaltet ,dhe gjejne mynyrat per te vjedhur pasurine publike. E gjitha kjo loje behet nga ndermarjet private ,kunder fondeve publike .Ndersa pensionisteve ua heqin pensionin ,sa e marin veshte qe eshte i semure me kovid. Te bejne te vdekur me zore ,vetem se duan qe te bllokojne pensionin.
Budallalleqe me okë..! Me ate kusheririn shkojne mire por e denancon ne gazete pa e sqaruar me pare me kushon. Ka diçka qe nuk shkon.
Tentativa nëpërmjet qytetarit dixhital për tja hedhur në prehër kompanive private “dobiçin e rrogave” është më se e kotë.
Për të gjithë është e qartë abuzimi nga ata që janë në pozita pushtet mbajtëse me të ardhurat publike
Trajtimi si përshesh për të ngopur miqtë, bashkëpuntorët në dallavere dhe për të bërë qoka!
A ekziston ndonje qelize e ketij vendi e pakorruptuar?JO !
Shtet Demokratic…..hahahaha…
nese Shqiperia ndertonte ne sistemin e shkuar socializmin me” forcat e veta”,sot ajo nderton grabiitalizmin me ndihmen e miqeve Amerikane.O sa mir me ken shqiptar o hej o hej o hej!